TƏDQİQATLAR
A- A A+

İlham Əliyevin prezidentliyi dövrünün ilk 10 ilinə işıq salan fundamental nəşr

2018-05-07 07:45:33

Nəfis tərtibatla nəşr olunmuş “Prezident İlham Əliyev: dinamik inkişafın 10 ili” ikicildliyi oxucuların ixtiyarına verilib

Monumental nəşrdə müstəqil Azərbaycanın memarı və qurucusu ulu öndər Heydər Əliyevin layiqli davamçısı Prezident İlham Əliyevin xalqa sədaqəti, dövlətin müdafiə qüdrətinin yüksəlməsi və dövlətçiliyin möhkəmlənməsi, milli müstəqilliyin əbədiyaşarlığı uğrunda apardığı mübarizənin unudulmaz səhifələri öz əksini tapıb.

Layihənin ideya rəhbəri Azərbaycan Respublikası Ağsaqqallar Şurasının sədri Fəttah Heydərovdur. Professor Teymur Əhmədovun tərtib etdiyi, tədqiqatçı alim İradə Ələsgərovanın redaktoru olduğu kitabda Azərbaycan Prezidenti İlham Əliyevin 2003-2013-cü illərdə həyata keçirdiyi daxili və xarici siyasət, xarici ölkələrə rəsmi səfərləri, dövlət başçıları, beynəlxalq təşkilatların rəhbərləri və nümayəndə heyətləri ilə çoxsaylı görüşləri, kütləvi informasiya vasitələrinə müsahibələri, nitqləri, çıxış və bəyanatları xronoloji ardıcıllıqla əks olunub. Kitabın həmin dövrə həsr edilməsi təsadüfi deyil. Azərbaycanın bugünkü inkişaf və yüksəlişinin təməli məhz həmin illərdə qoyulub. Bu tarixi uğurları dəyərləndirən dövlətimizin başçısı İlham Əliyev nitq və çıxışlarında dəfələrlə vurğulayıb ki, bizim iqtisadi göstəricilərimizin, inkişafımızın dünya miqyasında bənzəri yoxdur: “10 ilin yekunlarına baxmaq kifayətdir. Azərbaycanda yaşanan inkişaf dünyada çox nadir hallarda müşahidə edilir, həm siyasi-iqtisadi, həm energetika, mədəniyyət sahələrində...”.

Yeri gəlmişkən qeyd edək ki, Prezident İlham Əliyevin 2003-2013-cü illərdəki fəaliyyəti AZƏRTAC-ın materiallarına və Prezident Kitabxanasına istinadla “Respublika” qəzetində xronoloji ardıcıllıqla on il mütəmadi dərc olunub. Yəqin ki, ikicildliyin sanballı alınmasını şərtləndirən əsas amillərdən biri də budur.

İkicildliyi vərəqlədikcə 10 il ərzində ölkəmizdə qazanılan uğurların, reallaşdırılan layihələrin miqyası heyrət doğurur. 2003-2013-cü illərdə Azərbaycan dünyada ən sürətli templərlə inkişaf edən ölkə olub. İqtisadiyyat 3,4 dəfə artıb. Həmin müddətdə heç bir digər ölkə, hətta inkişaf etmiş ölkələr belə bu qədər iqtisadi artıma nail olmayıb. Uğurların başlıca səbəbi aparılan islahatlar, ölkədə hökm sürən sabitlik, ictimai asayişin təmin edilməsidir. Digər tərəfdən, iqtisadi islahatlar siyasi islahatlarla tamamlanıb. Bütün bunları nəşrdə toplanan materiallardan tam və aydın şəkildə görmək mümkündür.

Bu gün Azərbaycan təkcə regionda deyil, həm də dünyada söz və nüfuz sahibidir. Ölkəmizin beynəlxalq aləmdə nüfuzunun artmasında iqtisadi potensialın güclənməsi ilə bərabər, Prezident İlham Əliyevin məntiqli praqmatik siyasəti və lider kimi şəxsi keyfiyyətləri böyük rol oynayır. Bu uzaqgörən siyasi kursun nəticəsidir ki, regionda Azərbaycanın iştirakı olmadan heç bir layihəni həyata keçirmək, iqtisadi proqramı reallaşdırmaq qeyri-mümkündür. Cənubi Qafqaz iqtisadiyyatında dörddə üç paya malik olan Azərbaycan hazırda regional lider, mühüm geosiyasi oyunçu və beynəlxalq nüfuzu daim artan ölkədir. Təhlilçilərin də qeyd etdiyi kimi, bu böyük uğurların arxasında Ulu Öndərin əsasını qoyduğu inkişaf strategiyasının müasir dövrümüzdə dövlətimizin başçısı tərəfindən davamlı inkişaf etdirilməsi və qlobal siyasətin tələbinə əsasən yeni çalarlarla zənginləşdirilməsi dayanır. Bütün bunlar haqqında “Prezident İlham Əliyev: dinamik inkişafın 10 ili” ikicildliyindəki ayrı-ayrı bölmələrdən geniş məlumatlar əldə etmək olar.

“CBS Poliqrafik production” nəşriyyatında çap edilən ikicildlik zəngin kitab mədəniyyəti ənənələrini özündə birləşdirir və yüksək səviyyəli poliqrafik icrası ilə diqqət çəkir. Kitab oxucuda bu 10 ildə görülmüş işlərin həqiqi miqyası, dövlət başçısının yürütdüyü uzaqgörən siyasət barədə aydın təsəvvür yaradır. İkicildliyin hazırlanmasında başlıca məqsəd də elə budur.

2003-2013-cü illərin xronikasını nəfis tərtibatla oxucunun diqqətinə çatdıran bu yeni nəşr bir daha təsdiqləyir ki, əsrə bərabər bu 10 il milli inkişaf strategiyasının reallaşmasına, əhalinin sosial rifahının yüksəldilməsinə, ölkəmizin beynəlxalq nüfuzunun artmasına, iqtisadi təhlükəsizliyin, milli maraqların və sabitliyin təmin olunması istiqamətində tədbirlərin gələcək illərdə də uğurla həyata keçirilməsinə, müstəqilliyimizin əbədiyaşarlığına etibarlı təməl olub. Azərbaycan Prezidenti İlham Əliyevin ictimai-siyasi fəaliyyətinə həsr olunmuş bu ikicildlik ölkənin sosial-iqtisadi inkişafı, daxili və xarici siyasəti ilə maraqlanan geniş oxucu auditoriyası, politoloq və tədqiqatçılar üçün son dərəcə dəyərli məlumat mənbəyidir. Bu fundamental nəşri, eyni zamanda, xalqın iradəsi ilə növbəti müddətə Prezident seçilməsi münasibətilə dövlətimizin başçısı İlham Əliyevə mətbuat işçilərinin özünəməxsus təbriki kimi də səciyyələndirmək olar.


Kateqoriya : TƏDQİQATLAR Baxış sayı : 1641

QHT və MEDİA

2018-06-20 09:15:36

QHT və MEDİA
Parisdə türk dünyası ilə bağlı silsilə t...
Parisdə türk dünyası ilə bağlı silsilə t...

Fact-info.az AZƏRTAC-a istinadən xəbər verir ki, konfrans Beynəlxalq Türk M...

2018-06-19 07:05:37

QHT və MEDİA
Danışıqlar uzansa Qarabağın …..
Danışıqlar uzansa Qarabağın …..

Ermənistan rəhbərlərinin Qarabağa maneəsiz və qorxusuz gəlib getmələrinə Azər...

CƏMİYYƏT

2018-06-19 08:55:32

CƏMİYYƏT
“Kolokol Rossii”: Ermənistanın Paşinyan ...
“Kolokol Rossii”: Ermənistanın Paşinyan ...

Fact-info.az AZƏRTAC-a istinadən müəllifi Aleksandr Nikişin olan məqaləni tə...

2018-06-19 07:50:35

CƏMİYYƏT
Xələf Xələfov sərhədlərin delimitasiyası...
Xələf Xələfov sərhədlərin delimitasiyası...

"Rusiya ilə sərhədin demarkasiyası prosesi davam edir. Bu, uzunmüddətli prose...

İQTİSADİ

2018-06-13 10:15:31

İQTİSADİ
Azərbaycan müdafiə və təhlükəsizlik xərc...
Azərbaycan müdafiə və təhlükəsizlik xərc...

Fact-info.az-ın Trend-ə istinadən məlumatına görə, 2018-ci ilin dövlət büdcəs...

2018-06-12 08:35:08

İQTİSADİ
Hərbi məhsullarımız Fransada keçirilən s...
Hərbi məhsullarımız Fransada keçirilən s...

Müdafiə Sənayesi Nazirliyindən APA-ya verilən məlumata görə, açılışda müdafiə...