MƏDƏNİ
A- A A+

Azərbaycanın milli musiqisi və rəqsləri Vaşinqtonun məşhur tarixi məkanlarında təqdim olunub

2018-04-30 08:30:35

Azərbaycanın ABŞ-dakı səfirliyinin təşkilatçılığı və ABŞ Milli Park Xidmətinin dəstəyi ilə paytaxt Vaşinqtonun ən məşhur tarixi məkanlarında milli mədəniyyətimizin təqdimatı keçirilib

Azərbaycan Demokratik Respublikasının yaranmasının 100 illiyi ilə əlaqədar keçirilən silsilə tədbirlər çərçivəsində ABŞ-ın Bruklində fəaliyyət göstərən My Way mərkəzinin Qafqaz Ritmləri (My Way Center Rhythms of Caucasus NYC) adlı uşaq rəqs qrupu Vaşinqtonun ən populyar turizm mərkəzlərindən olan Tomas Ceferson Memorialının, Vaşinqton Abidəsinin, Linkoln Memorialının və Ağ Evin qarşısında valehedici Azərbaycan milli rəqslərini nümayiş etdiriblər. Amerikanın banilərinin və ölkə tarixində mühüm rol oynamış dövlət xadimlərinin şərəfinə qoyulan abidələr Azərbaycan Demokratik Respublikasına həsr olunmuş musiqili proqramın tərkibi hissəsi olublar. Qeyd edək ki, müxtəlif millətlərin nümayəndələrindən ibarət olan My Way rəqs qrupu ABŞ və dünyanın digər ölkələrində tədbir və festivallarda aktiv iştirak etməklə Azərbaycanın və ümumiyyətlə, Qafqaz mədəniyyətini və musiqisini tanıdır.

Bu ilin aprel ayında Vaşinqton şəhərində qrupun rəhbəri Alyona Bədəlovanın rəhbərliyi ilə ifa olunan rəqslər paytaxtın yüzlərlə ziyarətçiləri tərəfindən maraqla qarşılanıb və alqışlanıb. A.Bədəlova rəqslərin milli mədəniyyətin tərkib hissəsi olaraq xarici ölkələrdə nümayiş etdirilməsinin və Azərbaycan Demokratik Republikasının 100 illik yubileyində qədim mədəniyyətimizin tanınmasının xüsusi əhəmiyyət kəsb etdiyini vurğulayıb. Çoxmillətli rəqs qrupunun Azərbaycanın zəngin və inkluziv mədəniyyətini təqdim etməsi bir daha Azərbaycanın açıq tolerant cəmiyyət olduğunu nümayiş etdirib.

İlk olaraq rəqslərin nümayişi məşhur Tomas Ceferson Memorialda başlayıb, sonra Vaşinqton abidəsi və Linkoln Memorialında davam etdirilib. Son olaraq Ağ Evin önündə çıxış edən uşaqlardan ibarət rəqs qrupu “Yallı” və “Azərbaycan” rəqslərini ifa ediblər. “Yallı” ifa olunarkən ətrafda toplaşan çoxsaylı izləyicilər, şəhər sakinləri və turistlər rəqsə və bayram əhval ruhiyyəsinə qoşulublar.

Qeyd edək ki, bu təcrübə Vaşinqtonda bir ilkə imza atıb. Milli Mədəniyyətimizin bu cür təqdimatı sosial şəbəkələrdə böyük maraq və əks-səda doğurub.(Azərtac)


Kateqoriya : MƏDƏNİ Baxış sayı : 939

QHT və MEDİA

2020-05-26 17:15:57

QHT və MEDİA
Rusiya portalı: Paşinyan hitlerçi babası...
Rusiya portalı: Paşinyan hitlerçi babası...

Mayın 8-də, Qələbə Günü ərəfəsində Ermənistan hökumətinin rəhbəri Nikol Paşin...

2020-05-26 08:25:22

QHT və MEDİA
Parisdə 28 May - Respublika Gününə həsr ...
Parisdə 28 May - Respublika Gününə həsr ...

Mayın 27-də Parisdə yerli vaxtla saat 16:00-da Azərbaycan Xalq Cümhuriyyətini...

CƏMİYYƏT

2020-05-26 13:20:05

CƏMİYYƏT
Virusa daha tez qalib gələrək normal həy...
Virusa daha tez qalib gələrək normal həy...

Virusa daha tez qalib gələrək normal həyata qayıtmaq üçün qoyulan qaydalara r...

2020-05-18 15:15:58

CƏMİYYƏT
QHT ictimai nəzarəti necə təmin edə bil...
QHT ictimai nəzarəti necə təmin edə bil...

Bu gün vətəndaş cəmiyyətinin fəaliyyəti bizi qane edirmi sualına birmənalı ca...

İQTİSADİ

2020-05-15 10:35:56

İQTİSADİ
Azərbaycan Qafqazdan keçən Avrasiya nəql...
Azərbaycan Qafqazdan keçən Avrasiya nəql...

Azərbaycan Qafqaz regionundan keçən Avrasiya nəqliyyat marşrutlarının inkişaf...

2020-05-12 12:15:01

İQTİSADİ
Avropa Şurası "Şərq tərəfdaşlığı" ölkələ...
Avropa Şurası "Şərq tərəfdaşlığı" ölkələ...

Avropa Şurası viza rejiminin liberallaşması üzrə mövcud fəaliyyət planının uğ...