QHT və MEDİA
A- A A+

Xarici media Azərbaycanda keçirilən prezident seçkilərini geniş işıqlandırıb

2018-04-14 09:10:55

Bolqarıstanın nüfuzlu media qurumları olan “Fokus” xəbər agentliyi, “Standart” qəzeti, Bolqarıstan Teleqraf Agentliyi Azərbaycanda keçirilən prezident seçkiləri ilə bağlı silsilə xəbər və məqalələr yayıblar

“Fokus” xəbər agentliyinin internet səhifəsində “Azərbaycanda prezident seçkilərini Bolqarıstanın 44-cü Xalq Məclisinin üzvləri də daxil olmaqla, təxminən 20 müşahidəçisi izləyib” sərlövhəsi ilə verilən xəbərdə seçki prosesi və nəticələr barədə müfəssəl məlumat verilib. Beş milyon 332 min 817 seçicidən 3 milyon 962 min 123 nəfərinin səsvermədə iştirak etdiyi və seçici fəallığının 74,30 təşkil etdiyi bildirilən xəbərdə 125 seçki dairəsi üzrə 5641 seçki məntəqəsində keçirilmiş seçkinin 60 minə yaxın yerli və beynəlxalq müşahidəçi tərəfindən heç bir maneə olmadan müşahidə olunduğu qeyd edilir. Prezident seçkilərini müşahidə etmək üçün dünyanın aparıcı KİV-ləri də daxil olmaqla, 118 xarici jurnalistin Azərbaycana səfər etdiyini xatırladan agentlik Azərbaycan Respublikası Mərkəzi Seçki Komissiyasının 1000 veb-kamera vasitəsilə onlayn rejimdə səsvermə prosesini birbaşa izləmək imkanı yaratdığını vurğulayır.

Prezident seçkilərini müşahidə etmiş 894 beynəlxalq müşahidəçinin Bolqarıstan daxil olmaqla 59 ölkəni və 61 beynəlxalq təşkilatı təmsil etməsindən bəhs edən xəbərdə seçkilərin, həmçinin 20-yə yaxın Bolqarıstan müşahidəçisi, o cümlədən Bolqarıstanın 44-cü Xalq Məclisinin üzvləri və Azad və Demokratik Seçkilər uğrunda Vətəndaş Təşəbbüsü qeyri-hökumət təşkilatının nümayəndələri tərəfindən müşahidə olunduğu vurğulanıb. Xəbərdə yerli və xarici mətbuata açıqlamalarda beynəlxalq müşahidəçilərin prezident seçkilərinin yüksək səviyyədə təşkil olunduğunu və beynəlxalq standartlara uyğun olaraq şəffaf və demokratik şəraitdə keçirildiyini bildirdikləri öz əksini tapıb. Bolqarıstanın nüfuzlu “Standart” qəzeti tərəfindən dərc olunmuş “İlham Əliyevin böyük zəfərinin arxasında Azərbaycanın uğurları var” adlı məqalədə Azərbaycan Respublikasının Mərkəzi Seçki Komissiyasının rəsmi məlumatına əsasən, səsvermə nəticəsində 8 namizəd arasında Azərbaycan Respublikasının Prezidenti İlham Əliyevin birinci yeri tutaraq seçicilərin 86,03 faiz səsini qazandığı vurğulanıb. Seçkilərin nəticələri məlum olandan sonra Prezident İlham Əliyevin Azərbaycan xalqına müraciət edərək ona yenidən göstərilmiş böyük etimada görə minnətdarlığını ifadə etdiyi bildirilib. Xəbərdə İlham Əliyevin Azərbaycan Respublikasının uğurlu inkişafı naminə dövlət başçısı kimi son 15 il ərzində apardığı daxili və xarici siyasətin mərkəzində həmişə Azərbaycan vətəndaşı, onun problemləri, qayğıları və onun rifahının olduğunu qeyd edərək növbəti 7 ildəki fəaliyyətində də sabitlik, təhlükəsizlik, inkişaf və tərəqqi naminə siyasi kursunu davam etdirəcəyini vəd etdiyi ifadə olunub. Daha sonra Azərbaycanın həyata keçirdiyi transregional əhəmiyyətli enerji və nəqliyyat layihələrinə toxunulub, bu nailiyyətlərin, sadəcə, Azərbaycanın çiçəklənməsi deyil, həmçinin qonşu ölkələrin sosial-iqtisadi inkişafına böyük töhfə verdiyi və qarşılıqlı faydalı regional əməkdaşlıq üçün yeni imkanlar açdığı vurğulanıb.

Sözügedən xəbər “Standart” qəzetinin həm çap, həm də elektron versiyalarında dərc olunub.

Bolqarıstan Teleqraf Agentliyi tərəfindən dərc olunan xəbərdə seçkinin gedişatı, seçicilərin sayı və tərkibi haqqında məlumat verilərək heç bir maneə olmadan yerli və beynəlxalq müşahidəçilərin prosesi izlədiyi bildirilib və Mərkəzi Seçki Komissiyasının təmin etdiyi veb-kameraların onlayn rejimdə müşahidəyə hərtərəfli imkan yaratdığı vurğulanıb. Azərbaycan Respublikası Mərkəzi Seçki Komissiyasının rəsmi məlumatına əsasən, seçkidə seçicilərin 86,03 faiz səsini qazanaraq birinci yer tutan Prezident İlham Əliyevin qələbədən sonra Azərbaycan xalqına müraciət edərək böyük etimada görə minnətdarlıq ifadə etdiyi və gələcək fəaliyyətində də Azərbaycanın sabitliyi, təhlükəsizliyi, inkişafı və tərəqqisi naminə çalışacağını vəd etdiyi vurğulanıb.

Agentliyin xəbərində son 15 il ərzində Prezident İlham Əliyevin rəhbərliyi altında ölkəmizin nail olduğu uğurlu demokratik inkişaf və sosial-iqtisadi tərəqqidən, eləcə də beynəlxalq səhnədə artan nüfuzundan bəhs olunub, beynəlxalq əlaqələrdə daim etibarlı tərəfdaş olan Azərbaycanın strateji tərəfdaşı olan Bolqarıstan və Avropa İttifaqı ilə əməkdaşlıq əlaqələrinə toxunulub.(Azərtac)


Kateqoriya : QHT və MEDİA Baxış sayı : 883

QHT və MEDİA

2020-03-31 08:25:41

QHT və MEDİA
Fərasət Qurbanov: QHT-lər ən çətin məqam...
Fərasət Qurbanov: QHT-lər ən çətin məqam...

QHT-lər hər zaman Cənab Prezidentin çağırış və tövsiyələrinə dəstək verib, ən...

2020-03-29 18:55:57

QHT və MEDİA
Səfir: Saxta “erməni soyqırımı” mövzusun...
Səfir: Saxta “erməni soyqırımı” mövzusun...

Erməni millətçi dairələrinin Azərbaycan xalqına qarşı törətdikləri soyqırımı ...

CƏMİYYƏT

2020-03-30 14:00:00

CƏMİYYƏT
Milli həmrəyliyimiz, məsuliyyətli davran...
Milli həmrəyliyimiz, məsuliyyətli davran...

Bu barədə QHT.az-a Sosial Rifah və Tədqiqatlar İctimai Birliyinin sədri Əkrəm...

2020-03-21 10:05:33

CƏMİYYƏT
TRT Hacı Zeynalabdin Tağıyevə həsr edilm...
TRT Hacı Zeynalabdin Tağıyevə həsr edilm...

Türkiyənin “TRT AVAZ” televiziya kanalında yayımlanan “Köklərin izində” sənəd...

İQTİSADİ

2020-03-23 12:10:28

İQTİSADİ
Könül Nurullayeva: Azərbaycan Prezidenti...
Könül Nurullayeva: Azərbaycan Prezidenti...

Fevralın 9-da Milli Məclisə keçirilən seçkilər Azərbaycanda demokratik dəyərl...

2020-03-17 11:00:35

İQTİSADİ
Hazırkı vəziyyət Rəqabət Məcəlləsinin qə...
Hazırkı vəziyyət Rəqabət Məcəlləsinin qə...

Artıq iqtisadi strukturlarda baş verən dəyişikliklər Rəqabət Məcəlləsinə qəbu...