SİYASƏT
A- A A+

“Terrorizmin qarşısını almaqla, beynəlxalq problemləri həll etmək olar”

2018-04-06 20:20:08

Bakıda “Davamlı inkişaf naminə beynəlxalq sülh və təhlükəsizliyin təşviq edilməsi” mövzusunda Qoşulmama Hərəkatı çərçivəsində xarici işlər nazirlərinin aralıq nazirlər konfransı davam edib

APA-nın məlumatına görə, konfransda çıxış edən Qazaxıstan xarici işlər nazirinin müavini Yerjan Aşikbayev Qazaxıstanın ümumi məqsədlərə nail olmaq üçün həmrəylik prinsipləri və dəyərləri dəstəklədiyini söyləyib. İndoneziyanın xarici işlər üzrə vitse-prezidenti Əbdürrəhman Mohammad Fachir isə davamlı inkişaf üçün təhsili dəstəkləməyi, bu sahədə investisiyaları artırmağı, qızların təhsil almasına xüsusi diqqət yetirməyi təklif edib. Səudiyyə Ərəbistanı xarici işlər naziri müavini Əbdurrahman bir İbrahim əl-Rissi hər kəsi yaxşı liberal əlaqələr yaratmağa və qonşu ölkələrə yaxşı münasibət qurmağa çağırıb. Səudiyyə Ərəbistanının Fələstinə dəstəyini ifadə edən qonaq ölkəsinin ABŞ-ın Qüdsü İsrailin paytaxtı kimi tanıması barədə qərarını müsbət qarşılamadığını söyləyib: "Səudiyyə Ərəbistanının Yəmənlə bağlı da mövqeyi aydındır. Bu gün Yəməndə baş verən proseslər insan faciəsinə səbəb olur. Biz Yəmən əhalisinə yardım proqramını dəstəkləyirik". Azərbaycanın uğurlu inkişafını qeyd edən Svazilend krallığının xarici işlər və beynəlxalq əlaqələr üzrə katibi Joel Musa Nhleko hazırda dünyada multikulturalizmə qarşı hücumlardan narahatlığını ifadə edib, BMT vasitəsi ilə sülh və təhlükəsizliklə bağlı kollektiv imkanların daha geniş formada ortaya qoyulmasını istəyib, eyni zamanda hazırda dünyada ortaya çıxan problemlərin əsas səbəbinin qlobal iqlim dəyişikliyi və iqtisadi çətinliklərlə bağlı olduğunu söyləyib. Belarus xarici işlər nazirinin müavini Andrei Dapkiunas Qoşulmama Hərəkatının münaqişəsiz dünya qura biləcəyini vurğulayıb. Vyetnam xarici işlər nazirinin müavini Dank Din Quy isə ölkəsinin Fələstin xalqına və Qoşulmama Hərəkatına dəstəyini ifadə edib. Dünyanı Afrikanın səsini eşitməyə çağıran Sudan xarici işlər naziri Mohamed İdris Mohamed isə deyib ki, beynəlxalq ədalət olmadan heç nə əldə etmək olmaz. Öz növbəsində Fələstinə hücumları qınayan Somali xarici işlər naziri Orta Şərqdə, Somalidə sülhün bərqərar olmasının vacibliyini qeyd edib: "Afrikanın qarşılaşdığı iqtisadi çətinliklər var. Beynəlxalq aləmi Afrikaya dəstək verməyə çağırıram. Biz bu konfransda iştirak etməklə hər kəsi multikulturalizm məqsədlərinə nail olmağa, beynəlxalq sülh və təhlükəsizliyi təmin etməyə çağırırıq".

Küveyt xarici işlər nazirinin köməkçisi Naser əl-Heyen isə Azərbaycanın Qoşulmama Hərəkatına sədrliyi dövründə Qoşulmama Hərəkatının çoxlu uğurlar qazanacağına inandıqlarını bildirib. O, BMT Təhlükəsizlik Şurasının Fələstin probleminin həlli yönündə səylər göstərməməsindən, beynəlxalq hüquqa əhəmiyyət verilməməsindən şikayətlənib, bunu beynəlxalq sülh və təhlükəsizliyin pozulması kimi qiymətləndirib: "Suriya böhranı artıq 8 ildir davam edir. Bu faciəli böhran siyasi yolla həll olunmalıdır. Digər tərəfdən, İŞİD terror təşkilatı ilə mübarizədə İraq xalqı və hökumətinə dəstəyimizi ifadə edir, Səudiyyə Ərəbistanına raket hücumlarını pisləyirik".

Tanzaniya prezident ofisinin direktoru Faraji Kasidi Mnyepe isə ölkəsinin Qoşulmama Hərəkatının prinsip və dəyərlərinə hörmət etdiyini söyləyib. Öz növbəsində Misirin BMT-dəki daimi nümayəndəsi Mohamed Fathi Ahmed Edrees dünyanın daim qarşılaşdığı problemlərdən birincisinin terrorizm olduğunu və terrorizmin qarşısını almaqla beynəlxalq problemlərin həllinə nail olmağın mümkün olduğunu qeyd edib: "Terrorizm gələcəyimizi təhlükədə qoyur, terrorizmlə mübarizə üçün hərtərəfli strategiya olmalı, tolerantlıq artırılmalıdır. Terror insan hüquqları üçün böyük stressdir. Misir nüvə silahına qarşı mübarizədə bütün beynəlxalq cəhdləri qiymətləndirir, Qoşulmama Hərəkatının mövqeyini dəstəkləyir. Orta Şərq böyük çətinliklərlə qarşılaşır, siyasi həll yolları tapmaq lazımdır. Liviya, Fələstin problemləri həll olunmalıdır. Misir Qüds məsələsində Fələstinə dəstəyini ifadə edir. Orta Şərqdə regional problemlərin həlli Fələstin probleminin həlli sayəsində mümkün olar".

Çili Xarici İşlər Nazirliyinin xüsusi nümayəndəsi Eduardo Glauez isə dünyada bir çox risklərin olduğunu, onlardan birinin terrorizm olduğunu söyləyib. O, Qoşulmama Hərəkatını üzv ölkələr üçün multikulturalizmin təbliği və dəstək üçün vacib platforma adlandırıb. Üzv dövlətləri qeyri-bərabərliyə, yoxsulluğa qarşı mübarizəyə çağıran Çili Xarici İşlər Nazirliyinin xüsusi nümayəndəsi hesab edir ki, inkişaf və sülh olmadan heç nə əldə etmək olmaz. Qeyd edək ki, konfransın yekununda Bakı Bəyannaməsinin və yekun sənədin qəbulu nəzərdə tutulub.


Kateqoriya : SİYASƏT Baxış sayı : 366

QHT və MEDİA

2019-03-21 19:10:44

QHT və MEDİA
Əli Həsənov: Nursultan Nazarbayevin qəra...
Əli Həsənov: Nursultan Nazarbayevin qəra...

Qazaxıstan və Azərbaycan ortaq tarixi, mədəniyyəti, ənənələri bölüşən qardaş ...

2019-03-20 12:10:55

QHT və MEDİA
Şura rəhbərliyi şəhid ailəsini ziyarət e...
Şura rəhbərliyi şəhid ailəsini ziyarət e...

Prezident İlham Əliyevin yürütdüyü sosial siyasəti, şəhid ailələrinə diqqət v...

CƏMİYYƏT

2019-03-19 09:25:00

CƏMİYYƏT
Yaponiyada Azərbaycanla bağlı kitab nəşr...
Yaponiyada Azərbaycanla bağlı kitab nəşr...

Kitabın müəllifi Yaponiya ilə Azərbaycan arasında dostluq münasibətlərinin i...

2019-03-14 08:55:42

CƏMİYYƏT
Münaqişənin həlli ilə bağlı politoloji t...
Münaqişənin həlli ilə bağlı politoloji t...

Beynəlxalq təşkilatlar, ATƏT-in Minsk qrupunun həmsədrləri heç zaman Dağlıq Q...

İQTİSADİ

2019-03-23 09:50:08

İQTİSADİ
SOCAR vitse-prezidenti: "OPEC+ razılaşma...
SOCAR vitse-prezidenti: "OPEC+ razılaşma...

Azərbaycanın OPEC və təşkilata daxil olmayan ölkələrin razılaşmasında iştirak...

2019-03-19 10:55:48

İQTİSADİ
Nazirlər Kabinetinin illik hesabatı: sis...
Nazirlər Kabinetinin illik hesabatı: sis...

Milli Məclisin deputatları hesabatı maraqla qarşılayıblar. Baş nazir sisteml...