SOSİAL
A- A A+

Xarici media aprel döyüşlərindən yazıb

2018-04-03 08:30:01

Pakistanın məşhur “Daily Times” qəzetində “Avrasiya-Azərbaycan” Beynəlxalq Ekspert Klubunun direktoru, “Vzglyad.Az” informasiya agentliyinin baş redaktoru Seymur Məmmədovun aprel döyüşlərinə həsr olunan məqaləsi dərc edilib

“Azərbaycan: aprel qələbəsindən iki il sonra” sərlövhəli məqalədə 2016-cı il aprelin 2-nə keçən gecə Ermənistan ilə Azərbaycan arasında başlamış “dördgünlük müharibə” 1994-cü il mayın 12-dən atəşkəs rejiminin qüvvəyə mindiyi vaxtdan bəri ən qanlı müharibə adlandırılır. Müəllif qeyd edir ki, 20 ildən çoxdur Azərbaycan Silahlı Qüvvələrinin mövqelərini atəşə tutmaqla sülh danışığı prosesini pozmağa cəhd göstərən Ermənistan silahlı qüvvələrinin 2016-cı il aprelin 2-nə keçən gecə bütün cəbhəboyu Azərbaycanın mövqelərini və yaşayış məntəqələrini şiddətli artilleriya atəşinə tutması nəticəsində dinc insanlar həlak oldular. Bütün bunlar və düşmən qüvvələrinin yüksəklikdə yerləşməsinin onlara Azərbaycanın yaşayış məntəqələrini daim atəşə tutması üçün əlverişli imkan yaratdığı nəzərə alınaraq, düşmən qüvvələrini yaşayış məntəqələrindən geri çəkilməyə məcbur etmək məqsədilə göstəriş verildi. Məqalədə vurğulanır ki, Azərbaycanın Müdafiə Nazirliyi qarşısına tammiqyaslı müharibəyə başlamaq, Dağlıq Qarabağı və ona bitişik ətraf rayonları blits-kriqlə azad etmək vəzifəsini qoymamışdı. Odur ki, Azərbaycan əks-hücuma öz ordusunun az bir hissəsini cəlb etdi. Azərbaycanın əks-hücum əməliyyatı Ermənistanda müharibənin başlanması kimi qəbul edildi. Yerevanda əsl təlaş yarandı: Yerevandan ehtiyat qüvvələr cəlb edildi. Ermənistanın silahlı qüvvələri Azərbaycan mövqelərinə üç gün hücum etdilər. Eyni zamanda, aprel döyüşləri günlərində Ermənistanın müxtəlif şəhərlərində Serj Sarkisyana və iqtidar rejiminə qarşı etiraz aksiyası keçirildi, xalq Sarkisyandan təqsirsiz dinc insanların öldürülməsinə görə izahat tələb etdi.

“İş o yerə çatdı ki, Ermənistan tərəfi hərbi əməliyyatın dayandırılması məqsədilə beynəlxalq təşkilatlara, müxtəlif ölkələrə müraciət etdi. Ermənistan rəhbərliyi Rusiyanın müvafiq strukturlarını vasitəçilik işinə cəlb etdi”, - deyə məqalədə bildirilir.

Azərbaycan Silahlı Qüvvələrinin əks-hücumu nəticəsində Cəbrayılda Lələtəpə və Talış yüksəklikləri azad edildi, düşmənin 30-dək tankı, 25-dən çox artilleriya qurğusu və digər zirehli texnikası məhv edildi, 320 hərbçisi öldürüldü, 500-dən artıq döyüşçüsü yaralandı. “Aprel döyüşləri dövlətimizin və ordumuzun gücünü, xalqımızın birliyini, həmrəyliyini və vətənpərvərliyini nümayiş etdirdi. Böyük dövlətlər, beynəlxalq təşkilatlar qarışmasaydı, Azərbaycan qısa müddət ərzində torpaqlarını azad edə bilərdi. Dağlıq Qarabağ münaqişəsi Azərbaycanın daxili işidir, dünyada heç bir ölkənin və ya beynəlxalq təşkilatın bizim daxili işimizə qarışmağa ixtiyarı yoxdur, çünki Dağlıq Qarabağ beynəlxalq birlik, ATƏT-in Minsk qrupunun həmsədrləri tərəfindən Azərbaycanın ayrılmaz hissəsi kimi tanınıb. Prezident, Ali Baş Komandan İlham Əliyev başda olmaqla Azərbaycan rəhbərliyi ordunun güclənməsinə, onun ən yeni hərbi texnika ilə təchiz edilməsinə böyük diqqət ayırır. Azərbaycan əvvəl-axır öz torpaqların işğaldan azad edəcək”, - deyə Seymur Məmmədov öz məqaləsində vurğulayır.(Azərtac)


Kateqoriya : SOSİAL Baxış sayı : 465

QHT və MEDİA

2019-07-17 17:25:02

QHT və MEDİA
Demokratik Cəmiyyət və Qadın Hüquqlarını...
Demokratik Cəmiyyət və Qadın Hüquqlarını...

Beynəlxalq Mətbuat Mərkəzində Demokratik Cəmiyyət və Qadın Hüquqlarının Müdaf...

2019-07-16 07:25:45

QHT və MEDİA
Gürcüstan parlamentinin sədr müavini: "A...
Gürcüstan parlamentinin sədr müavini: "A...

Bu barədə "Report"a Milli Məclisin Mətbuat xidmətindən məlumat verilib.

...

CƏMİYYƏT

2019-07-16 08:20:48

CƏMİYYƏT
Müharibə şəraitində mediamız
Müharibə şəraitində mediamız

Ancaq bəzi məqamları diqqətsiz buraxmaq olmur. Ümumiyyətlə, jurnalistikanın ...

2019-07-15 21:30:22

CƏMİYYƏT
Hacı Zeynalabdin Tağıyev haqqında film i...
Hacı Zeynalabdin Tağıyev haqqında film i...

Fact-info.az-ın məlumatına görə, bu barədə AZƏRTAC-a “100 il şərəfli ömür” fi...

İQTİSADİ

2019-07-17 08:50:31

İQTİSADİ
100,6 milyard dollar investisiya yatırıl...
100,6 milyard dollar investisiya yatırıl...

Energetika Nazirliyindən bildirilib ki, Energetika naziri Pərviz Şahbazov ADA...

2019-07-15 12:15:09

İQTİSADİ
SOCAR-ın Karbamid Zavodunun məhsulu satı...
SOCAR-ın Karbamid Zavodunun məhsulu satı...

SOCAR-ın Karbamid Zavodunda istehsal olunan gübrə məhsulunun "Aqrolizinq" ASC...