QHT və MEDİA
A- A A+

Şura 1918-ci il azərbaycanlıların soyqırımının 100 illiyi münasibətilə konfrans keçirib

2018-03-29 20:10:59

Bu gün Prezident yanında Qeyri-Hökumət Təşkilatlarına Dövlət Dəstəyi Şurası 1918-ci ildə ermənilərin azərbaycanlılara qarşı törətdiyi soyqırımın 100 illiyinə həsr olunan konfrans keçirib

Şura Katibliyinin icraçı direktoru Fərasət Qurbanov giriş nitqi ilə çıxış edərək konfransın cənab prezident İlham Əliyevin 18 yanvar 2018-ci ildə imzaladığı “1918-ci il azərbaycanlıların soyqırımının 100 illiyi haqqında” sərəncama uyğun olaraq keçirildiyini bildirib.

F. Qurbanov ulu öndər Heydər Əliyevin 26 mart 1998-ci ildə imzaladığı tarixi sərəncamı ilə 31 martın azərbaycanlıların soyqımı günü elan edilərək hadisəyə siyasi qiymətin verildiyini deyib. Fərasət Qurbanov ermənilərin Cənubi Qafqaza köçürülməsinin elə də uzaq tarix olmadığını və gələcək faciələrin əsasının XIX əsrin əvvəllərində qoyulduğunu qeyd edib. F.Qurbanov 1918-ci ilin martında Azərbaycanın Bakı, Şamaxı, Quba, Zəngəzur, Lənkəran və digər ərazilərində on minlərlə azərbaycanlının məhz milli, dini mənsubiyyətinə görə qətlə yetirildiyini, ermənilərin xalqımıza qarşı soyqırım törətdiyini vurğulayıb. İcraçı direktor ötən əsrin əvvəlində soydaşlarımıza qarşı törədilmiş soyqırım hadisəsi ilə bağlı elmə və ictimaiyyətə məlum olmayan faktların aşkarlanan faktlarlardan xeyli çox olduğunu deyib. Fərasət Qurbanov Şuranın 2018-ci il ikinci qrant müsabiqəsində sözügedən mövzu ilə bağlı “1918-ci il azərbaycanlılarının soyqırımının yüzüncü ildönümü” ilə bağlı təşəbbüslər” adı ilə xüsusi yer ayırdığını və QHT-lərdən bu istiqamətdə effektiv layihə təklifləri gözlədiklərini vurğulayıb.

Tarix üzrə fəlsəfə doktoru Vaqif Abışov konfransda “Bakı və Gəncə (Yelizavetpol) quberniyalarında azərbaycanlıların soyqırımı (1918-1920)” mövzusunda məruzə ilə çıxış edib. V. Abışov Azərbaycan Xalq Cümhuriyyəti hökumətinin yaratdığı Fövqəladə Tədqiqat Komissiyasının sənədlərinə görə Bakıda 12, Şamaxıda 8, Qubada 4 mindən artıq mülki azərbaycanlının xüsusi vəhşiliklə qətlə yetirildiyini bildirib: ”Azərbaycanlılara qarşı törədilən soyqırımın əsas təşkilatçıları bolşevik maskası taxmış daşnaklar-Şamuyan, Mikoyan və digər ermənilər idi. Soyqırım yalnız Arazdan quzeydəki ərazilərimizdə deyil, Güney Azərbaycanın Maku, Səlmas, Urmu, Xoy və digər şəhərlərində də həyata keçirilib. İran tarixçilərinin son tədqiqatları göstərir ki, erməni silahlı dəstələri 1918-ci ildə Güney Azərbaycanda 176-200 min nəfər arası türk-müsəlman əhalini qətlə yetirib”.

Tarix üzrə fəlsəfə doktoru Natiq Məmmədzadə “Stepan Şaumyan 1918-ci ilin yazında azərbaycanlıların soyqırımının baş təşkilatçısı kimi” mövzusunda məruzə edib. Natiq Məmmədzadə qeyd edib ki, həmin dövrə aid olan çoxsaylı sənədlər ermənilərin azərbaycanlıları kütləvi şəkildə qətlə yetirilməsinin məqsədli şəkildə törədilən soyqırım hadisəsi olduğunu sübut edir. N. Məmmədzadə 1918-ci ildə azərbaycanlılara qarşı həyata keçrilən soyqırımın o vaxtki dövlət qurumu olan Bakı Soveti tərəfindən təşkil edilyini deyib: “Stepan Şumuyan sonralar etiraf edirdi ki, Bakı Sovetinin 6, daşnakların 3-4 minlik silahlı dəstəsi onun ixtiyarında idi. Əgər Bakının yerli əhalisi olan azərbaycanlıları qətlə yetirməsəydik Bakı Azərbaycanın paytaxtına çevriləcəkdi. Ona görə biz bu qırğına şüurulu olaraq getdik”.

QHT rəhbərləri Fəridə Əsgərova, Nüşabə Məmmədova, Rauf Zeyni, Mehriban Vəzir, Əkrəm Baydəmirli, Esmira Orucova, Nəsimi Qarabağlı, Faiq İsmayılov, Radə Abbas, Rasim Məmmədov, Zəminə Səfərova və digər şəxslər çıxış edərək mövzuyla bağlı fikirlərini bildiriblər. Konfransda Norveç və Serbiyanın ölkəmizdəki səfirləri, İtalya, Türkiyə, Belarusiya və Almaniya səfirliklərinin nümayəndələri də iştirak edib.


Kateqoriya : QHT və MEDİA Baxış sayı : 377

QHT və MEDİA

2019-02-20 10:50:56

QHT və MEDİA
Xarici media Azərbaycan həqiqətlərindən ...
Xarici media Azərbaycan həqiqətlərindən ...

Mavritaniyanın “Vətən xəbərləri”, “Əl-Hassad” və “Aqlam” qəzetlərində “Mavrit...

2019-02-19 19:55:49

QHT və MEDİA
YAP Pirallahı rayon təşkilatı hesabat ve...
YAP Pirallahı rayon təşkilatı hesabat ve...

1992-cil noyabrın 21-də ümummilli lider Heydər Əliyevin rəhbərliyi altında ...

CƏMİYYƏT

2019-02-20 09:45:03

CƏMİYYƏT
Yaddaşımdakı Ağa Laçınlı
Yaddaşımdakı Ağa Laçınlı

Ağa Laçınlı ağayana kişi idi. Kitabxanamın "Xəzinə" bildiyim guşəsində əziz v...

2019-02-18 18:10:30

CƏMİYYƏT
Ombudsmandan Xocalı soyqırımı ilə bağlı ...
Ombudsmandan Xocalı soyqırımı ilə bağlı ...

Bəyanatda deyilir: "Ermənistanın Azərbaycana qarşı uzun illər işğalçılıq və s...

İQTİSADİ

2019-02-20 09:30:35

İQTİSADİ
"Xəzərin statusu barədə Konvensiya Xəzər...
"Xəzərin statusu barədə Konvensiya Xəzər...

Trend-in məlumatına görə, bunu Nazirlər Kabineti Aparatının rəhbəri Xələf Xəl...

2019-02-18 16:05:32

İQTİSADİ
Prezident Sumqayıtda “SOCAR Polymer”in p...
Prezident Sumqayıtda “SOCAR Polymer”in p...

Trend Prezidentin Mətbuat Xidmətinə istinadən xəbər verir ki, Dövlət Neft Şir...