CƏMİYYƏT
A- A A+

Girovlara görə Komitəyə müraciət ediləcək

2015-06-30 09:25:36

"Kəlbəcərli girovlarla bağlı nə Qaçqınların və Məcburi Köçkünlərin İşləri üzrə Dövlət Komitəsi, nə də kəlbəcərli məcburi köçkünlər tərəfindən Avropa İnsan Haqları Məhkəməsinə müraciət edilib”

Bu sözləri  tanınmış jurnalist, kəlbəcərli girovların hüquqlarını müdafiə komitəsinin üzvü Elxan Salahov deyib.(modern.az)

Onun sözlərinə görə, girovlar Şahbaz Quliyev və Dilqəm əsgərovun yaxınları, onların hüquqlarını müdafiə komitəsi ATƏT-in Minsk qrupunun həmsədr ölkələrinə müraciət edib: “Müraciətlərə hələ ki reaksiya yoxdur. Onlar bizi inandırmağa çalışırlar ki, bu məsələ mandatlarına uyğun deyil. Girovların azad olunması istiqamətində müdafiə komitəsi kimi Ermənistan hökumətinə müraciət edirik. Onu da bilirik ki, bu müraciətlər qeyri-rəsmidir. Yaxın günlərdə kəlbəcərli girovların ailə üzvləri ilə onların hüquqlarını müdafiə komitəsi Beynəlxalq Qızıl Xaç Komitəsinə müraciət etməyə hazırlaşır. Bununla bağlı bir toplantı da keçirəcəyik”.

Elxan Salahov onu da əlavə edib ki, həmyerlilərimizin girov götürüldüyü son bir ildə istər rəsmi, istərsə də qeyri-rəsmi qaydada müraciət etmədikləri təşkilat qalmayıb: “Hətta Qırmızı Xaç Komitəsi ilə telefon əlaqəsi saxlayıb onların ümumi vəziyyətini öyrənirik. Amma çox təəssüf ki, bu istiqamətdə ciddi bir irəliləyiş əldə olunmayıb. Bu ilin aprel ayında Şahbaz Quliyev üzərində öd kisəsinin xroniki tutması diaqnozu ilə Xankəndidəki xəstəxanada cərrahiyyə əməliyyat aparılıb. Onun səhhəti yaxşı deyil və biz ondan daha çox narahatıq. Təəssüflər olsun ki, bununla bağlı olan müraciətimizin də nəticəsi yoxdur”.

O qeyd edib ki, kəlbəcərli girovlarla yalnız Beynəlxalq Qızıl Xaç Komitəsinin görüşmək hüququ var: “Nümayəndəliklə tez-tez əlaqə saxlayırıq. Bizə vaxtaşırı girovlara baş çəkdikləri, səhhətlərinin normal olması və ailə üzvlərinə də məktub göndərdikləri barədə məlumat verirlər. Təbii ki, girovların azad olunması ilə bağlı onların apardıqları işlər bizi qane etmir. Biz BMT-yə müraciətimizdə də bunları qeyd etmişik. Əslində girovlara baş çəkmək, onların azadlığa buraxılması, dəyişdirilməsi ilə bağlı səlahiyyətlərin hamısı Beynəlxalq Qızıl Xaç Komitəsinə aiddir. Buna görə də ATƏT-in Minsk qrupuna göndərdiyimiz müraciətimizə haqlı olaraq cavab gəlir ki, bu, bizim mandatımıza uyğun deyil”.

Dilqəm Əsgərov və Şahbaz Quliyev 2014-cü il iyunun 29-da yaxınlarının qəbirlərini ziyarət etmək üçün doğma yurdlarına - Kəlbəcərin Şapılar kəndinə gedərkən işğalçı Ermənistan ordusu tərəfindən girov götürülüblər. Girov götürülərkən onlarla bir yerdə olan digər azərbaycanlı Həsən Həsənov öldürülüb, onun meyiti danışıqlardan sonra Azərbaycana qaytarılıb və dəfn olunub.

Ermənilərin təxribatçı adlandırdığı Şahbaz Quliyev və Dilqəm Əsgərov bir neçə maddə ilə ittiham olunurlar. Separatçı Dağlıq Qarabağ rejiminin “məhkəməsi” ötən il dekabrın 19-da Dilqəm Əsgərovu ömürlük, Şahbaz Quliyevi isə 22 il müddətinə azadlıq məhrum edilməsi barədə “hökm” çıxarıb.

 


Kateqoriya : CƏMİYYƏT Baxış sayı : 1196

QHT və MEDİA

2018-09-18 22:15:59

QHT və MEDİA
“Dünyaya sülh” başlığı altında fləşmob ...
“Dünyaya sülh” başlığı altında fləşmob ...

18 sentyabr 2018-ci il tarixdə Pirallahı Rayon İcra Hakimiyyəti və Yeni Azər...

2018-09-09 12:00:36

QHT və MEDİA
Bu parad türk dünyasına qardaşlıq və səm...
Bu parad türk dünyasına qardaşlıq və səm...

Bu tədbirin belə yüksək səviyyədə keçirilməsində xidmətləri olan bütün şəxslə...

CƏMİYYƏT

2018-09-20 07:40:21

CƏMİYYƏT
“Qarabağ dünən və bugün” mövzusunda müz...
“Qarabağ dünən və bugün” mövzusunda müz...

Azərbaycan Respublikasının Prezidenti yanında Qeyri-Hökumət Təşkilatlarına Dö...

2018-09-18 08:30:26

CƏMİYYƏT
Analitik: Azərbaycan Ordusu geniş hərbi ...
Analitik: Azərbaycan Ordusu geniş hərbi ...

Fact-info.az-ın məlumatına görə, bu sözləri AZƏRTAC-a analitik Ehtiram Aşı...

İQTİSADİ

2018-09-20 09:05:41

İQTİSADİ
Prezident qeyri-neft sektorunda rəqabətq...
Prezident qeyri-neft sektorunda rəqabətq...

Sərəncamda bildirilir ki, Azərbaycan Respublikasında qeyri-neft sektorunun sü...

2018-09-19 08:05:44

İQTİSADİ
Haynts-Kristian Ştraxe: Azərbaycan Cənub...
Haynts-Kristian Ştraxe: Azərbaycan Cənub...

Azərbaycan Respublikası Milli Məclisinin sədri Oqtay Əsədov sentyabrın 18-də ...