2018-02-26 09:10:15 | QHT VƏ MEDİA
Stokholmda Xocalı soyqırımının ildönümü ilə bağlı tədbir keçirilib

Stokholmda, İsveç Azərbaycan Mədəniyyət Cəmiyyətinin təşkilatçılığı və ölkəmizin İsveçdəki səfirliyinin dəstəyi ilə Xocalı soyqırımının növbəti ildönümü ilə bağlı tədbir keçirilib

Tədbirdə, Azərbaycan və Türkiyənin İsveçdəki səfirliklərinin əməkdaşları, habelə Azərbaycan və Türk diaspor fəalları, KİV nümayəndələri də iştirak ediblər. Azərbaycanın Respublikasının İsveçdəki səfiri Adış Məmmədov erməni millətçilərinin hələ keçən əsrin əvvəllərindən başlayaraq “Böyük Ermənistan” yaratmaq ideyalarından, erməni silahlı birləşmələrinin 1918-ci ildə Anadoluda, İranın şimalında və Azərbaycanda törətdikləri qətliamlar, xüsusilə də Bakıda on mindən artıq insan ölümü ilə nəticələnən Bakı qırğınından danışıb, XX əsrin sonunda ermənilərin təcavüz və zorakılıq siyasətinin “Böyük Ermənistan” ideyalarının məntiqi davamı olduğunu bildirib. Səfir 1992-ci il fevralın 25-dən 26-na keçən gecə Ermənistan silahlı qüvvələrinin Xocalı şəhərini darmadağın edərək dinc insanlara qarşı həyata keçirdikləri soyqırımı insanlıq tarixinin ən qanlı səhifələrindən biri adlandırıb.

Hərbi münaqişələr zamanı dinc insanların toxunulmazlığı ilə bağlı beynəlxalq hüquq normaları barəsində söz açan diplomat erməni hərbiçilərinin bu normalara məhəl qoymadığını, müstəqil Azərbaycan ərazisinə hərbi təcavüz etməklə bir tərəfdən beynəlxalq hüququ kobud şəkildə pozduğunu, digər tərəfdən isə dinc insanları inanılmaz amansızlıqla qətlə yetirməklə daha ağır cinayətə imza atdıqlarını vurğulayıb.

Adış Məmmədov deyib: “Etiraf edək ki, biz beynəlxalq hüququn tapdalandığı və ikili standartların mövcud olduğu bir zamanda yaşayırıq. Dünya birliyi və xüsusən dünyanın siyasi institutları tərəfindən dünyanın müxtəlif yerlərində baş verən münaqişələrə yanaşma da müxtəlifdir. Bu isə bütövlükdə beynəlxalq təhlükəsizlik sisteminin pozulmasına gətirib çıxarır, bütün dünyada, xüsusilə də Avropa cəmiyyətlərində hüququn aliliyi prinsipi getdikcə aşılanır.

Təsəvvür edin XX əsrin əvvəllərində dünyada beynəlxalq hüququn təsbit edilmədiyi, dünya nizamını təmin edən beynəlxalq və regional təşkilatların yaranmadığı, üstəlik birinci Dünya müharibəsinin davam etdiyi bir dövrdə Osmanlı imperiyası ərazisində baş verən ölüm hallarını “erməni soyqırımı” kimi tanımaq istəyən və müdafiə edən Avropa cəmiyyətləri XX əsrin sonunda dünyanın gözü qarşısında ermənilərin törətdiyi vəhşiliklərə, xüsusilə Xocalı qətliamına göz yumurlar. Təbii sual yaranır: hanı Avropanın ümumbəşəri dəyərləri?! Hanı beynəlxalq hüququn prinsipləri?! Hanı haqq və ədalət?!. Biz tez-tez Avropa siyasətçilərini insan hüquqlarının carçısı və müdafiəçisi rolunda görürük. Ortaya təbii sual çıxır: məgər ermənilər tərəfindən günahsız yerə öldürülən insanların və öz torpaqlarından qaçqın düşmüş bir milyona yaxın azərbaycanlının hüquqları yoxdurmu?! Yoxsa Avropa siyasətçiləri üçün onlar “insan” kateqoriyasına daxil deyillər?”.

Bütün çətinliklərə baxmayaraq, Xocalı soyqırımı haqqında həqiqətlərin dünya ictimaiyyətinə çatdırılması istiqamətində Azərbaycan hökuməti tərəfindən böyük iş aparıldığını bildirən səfir Heydər Əliyev Fondunun vitse-prezidenti Leyla ƏIiyevanın rəhbərliyi ilə həyata keçirilən “Xocalıya Ədalət!” kampaniyası çərçivəsində görülən işlərdən danışıb, dünyanın onlarla ölkəsinin parlamentlərində, bir sıra beynəlxalq və regional təşkilatlarında Xocalı soyqırımı ilə bağlı qətnamələrin qəbul olunduğunu bildirib. Tədbirin sonunda Ermənistanın Azərbaycana qarşı yürütdüyü təcavüzkar siyasətin, xüsusilə Xocalı soyqırımının İsveçdə tanıdılması, bu ölkənin siyasi partiyaları və qeyri-hökumət təşkilatları arasında təbliğat işinin genişləndirilməsi ilə bağlı ətraflı fikir mübadiləsi aparılıb.(Azərtac)

Baxış sayı : 1139
Gürcüstandakı ermənilər təxribat mənbəyidir 2020-10-01 09:30:37 Milli QHT Forumunun rəhbərliyi döyüş bölgəsinə səfər edib 2020-10-01 09:20:13 Ermənistan siyasi-hərbi rəhbərliyinin yalanları “Hədəf”də müzakirəyə çıxarılıb 2020-10-01 08:20:22 DTX ermənilərin fəallığı ilə bağlı vətəndaşlara müraciət etdi 2020-10-01 07:40:43 Düşmənin məhv edilən döyüş texnikasının siyahısı 2020-10-01 07:20:21 Ermənistanın terrorçu qüvvələrdən Azərbaycana qarşı istifadəsinə reaksiya verilməlidir 2020-10-01 07:15:01 "Ermənistan dünyanın gözü qarşısında mülki şəxsləri hədəf alır" 2020-09-30 13:00:29 BMT Təhlükəsizlik Şurasında qapalı məsləhətləşmələrin keçirilməsini təqdir edirik - Prezidentin köməkçisi 2020-09-30 12:35:55 Düşmənin 2300 nəfərədək canlı qüvvəsi məhv edilib 2020-09-30 08:55:11 BMT Təhlükəsizlik Şurası iclas keçirib 2020-09-30 08:40:30 Polad Bülbüloğlu Rusiya XİN-ə çağırıldı 2020-09-30 06:55:59 Azərbaycan Prezidenti İlham Əliyev “Rossiya-1” telekanalının “60 dəqiqə” proqramında sualları cavablandırıb 2020-09-29 22:45:51 Azərbaycan beynəlxalq hüquqa uyğun olaraq müdafiə hüququnu reallaşdırılır 2020-09-29 18:30:11 Prezident İlham Əliyev dövlət və hökumət başçılarının toplantısında videoformatda çıxış edib 2020-09-29 18:20:24 İşğal edilmiş ərazilərimizdəki mədəniyyət obyektlərinin sayı açıqlanıb 2020-09-29 09:55:19 ABŞ mediası erməni vəhşiliyindən yazdı 2020-09-29 09:25:59 “Mədəniyyət naminə elm” 2020-09-29 09:25:55 Rusiyalı politoloq: Prezident İlham Əliyevin fəaliyyəti Azərbaycan cəmiyyətində yüksək dəstəklənir 2020-09-29 08:10:22 Prezident İlham Əliyevlə BMT-nin Baş katibi arasında videokonfrans formatında görüş oldu 2020-09-29 07:25:56 İƏT Ermənistanın Azərbaycana qarşı təxribatını və hücumlarını qınayır 2020-09-28 19:25:14 “Ermənistan adlı suveren dövlət mövcud deyil” 2020-09-28 16:05:34 Beynəlxalq təşkilatlar məlumatlandırılıb 2020-09-28 11:50:08 Ermənilər Azərbaycanın 26 mülki vətəndaşını yaralayıb - Baş Prokurorluq 2020-09-28 10:20:13 TRT HABER Ermənistan silahlı qüvvələrinin Azərbaycana hücumları ilə bağlı xüsusi proqram yayımlayıb 2020-09-28 08:50:46