SİYASƏT
A- A A+

Səməd Seyidov: “Serj Sarkisyan bu suallar qarşısında aciz qaldı”

2018-01-29 18:55:38

.

Avropa Şurası Parlament Assambleyasının (AŞ PA) qış sessiyası Azərbaycan xarici siyasəti baxımından səmərəli keçdi. Bunu Milli Məclisin Beynəlxalq münasibətlər və parlamentlərarası əlaqələr komitəsinin sədri, Azərbaycanın AŞ PA-dakı nümayəndə heyətinin rəhbəri Səməd Seyidov deyib. AŞ PA-nın bu dəfəki sessiyasında seçkilərin keçirildiyini diqqətə çatdıran S.Seyidov bildirib ki, bu dəfə də Azərbaycana etimad göstərildi və nümayəndə heyətimizin üzvləri AŞ PA-da mühüm vəzifələrə seçildi: “Bu, eyni zamanda Azərbaycanın beynəlxalq nüfuzunun artmasının göstəricisidir”.

S. Seyidov bildirib ki, Azərbaycanın nümayəndə heyətinin üzvləri sessiyada fəal iştirak etdilər, o cümlədən nümayəndə heyətinin üzvləri Sevinc Fətəliyevanın və Vüsal Hüseynovun “Silahlı münaqişələr zamanı zərər çəkmiş uşaqların qorunması” və “Ölüm hökmü və işgəncələr zamanı istifadə olunan ləvazimatların ticarətinə qarşı beynəlxalq qaydaların təkmilləşdirilməsi” mövzularında məruzələrinin müzakirəsi səmərəli keçdi.

S. Seyidov AŞ PA-nın Münaqişələr üzrə alt komitəsinin yeni tərkibinin müəyyən edilməsinin də ölkəmiz üçün müsbət hal olduğunu diqqətə çatdırıb. O qeyd edib ki, alt komitənin yenidən formalaşdırılması Dağlıq Qarabağ münaqişəsi ilə bağlı AŞ PA-da daha geniş müzakirələrin açılmasına səbəb olacaq ki, bu da Azərbaycan üçün çox müsbət bir haldır. Ermənistan prezidenti Serj Sarkisyanın AŞ PA-dakı çıxışına toxunan S.Seyidov vurğulayıb ki, S.Sarkisyan yenə də dünya ictimaiyyətini aldatmağa çalışdı: “Yenə də Sarkisyan öz üzünü göstərdi və yalan məlumatlar çatdırmaqla dünya ictimaiyyətini aldatmağa çalışdı, ancaq ona lazımi cavab verdim və Xocalı soyqırımı, Ermənistanın beynəlxalq təşkilatların Dağlıq Qarabağla bağlı qətnamələrini yerinə yetirmədiyini onun diqqətinə çatdırdım və əlbəttə ki, Serj Sarkisyan bu suallar qarşısında aciz qaldı”.

S. Seyidov həmçinin Azərbaycan nümayəndə heyətinin qardaş Türkiyənin Suriyadakı antiterror əməliyyatlarına dəstək göstərdiyini də diqqətə çatdırıb: “Ümumən bu dəfəki sessiyanı ölkəmiz üçün səmərəli hesab etmək olar”. Qeyd edək ki, AŞ PA-nın qış sessiyası 22-26 yanvarda Fransanın Strasburq şəhərində keçirilib. Sessiyada seçkilər zamanı Səməd Seyidov yenidən AŞPA-nın vitse-prezidenti, Sevinc Fətəliyeva isə qurumun sosial məsələlər, sağlamlıq və davamlı inkişaf komitəsinin Avropa Sosial Xartiyası üzrə alt komitəsinin sədri seçilib. (trend)


Kateqoriya : SİYASƏT Baxış sayı : 303

QHT və MEDİA

2018-10-15 09:20:41

QHT və MEDİA
Məsud Əlioğlu: özü, sözü, şəxsiyyəti...
Məsud Əlioğlu: özü, sözü, şəxsiyyəti...

1928-ci il oktyabrın 5-də, Qubadlı rayonunun Mahmudlu kəndində. Elə ibtidai t...

2018-10-12 22:40:23

QHT və MEDİA
Azay Quliyev Berlində Almaniya-Azərbayca...
Azay Quliyev Berlində Almaniya-Azərbayca...

ATƏT PA-nın vitse prezidenti, Milli Məclisin deputatı Azay Quliyev 15 oktyab...

CƏMİYYƏT

2018-10-12 22:25:37

CƏMİYYƏT
Azərbaycanlıların Ermənistandakı ata-bab...
Azərbaycanlıların Ermənistandakı ata-bab...

Trend-in məlumatına görə, Q.Paşayeva bildirib ki, Azərbaycanın qədim bölgəsi ...

2018-10-11 08:10:51

CƏMİYYƏT
Görkəmli şərqşünas alim, professor Aida ...
Görkəmli şərqşünas alim, professor Aida ...

Oktyabrın 10-da dünya şərqşünaslığı tarixində xüsusi yeri olan görkəmli alim,...

İQTİSADİ

2018-10-15 09:15:37

İQTİSADİ
"Azərbaycan Cənubi Qafqaz regionunda ABŞ...
"Azərbaycan Cənubi Qafqaz regionunda ABŞ...

Bunu Trend-ə Qumilyov adına Avrasiya Milli Universitetinin regionşünaslıq kaf...

2018-10-08 10:05:23

İQTİSADİ
QHT regionlarda maarifləndirici tədbirin...
QHT regionlarda maarifləndirici tədbirin...

Regionlarda sahibkarların biznes imkanlarının genişləndirilməsi üçün tədbirlə...