SOSİAL
A- A A+

Göyçayda “Vətən Sizə oğul dedi!” devizi altında tədbir keçirildi

2018-01-18 19:45:28

.

Yeni Azərbaycan Partiyası Göyçay rayon Təşkilatı və “Xocalı Soyqırımını Tanıtma” ictimai birliyinin birgə təşkilatçılığı ilə Göyçay şəhərində “Vətən Sizə oğul dedi!” devizi altında tədbir keçirildi. Tədbir iştirakçıları öncə Dünya şöhrətli siyasətçi Heydər Əliyevin rayon mərkəzindəki abidəsini və Şəhidlər xiyabanını ziyarət etdilər. Daha sonra tədbir Yeni Azərbaycan Partiyası (YAP) Göyçay rayon Təşkilatının akt zalında davam etdirildi.

Tədbiri Göyçay rayon İcra Hakimiyyəti Başçısının müavini Zivər Zeynalova açdı. Azərbaycanın Dövlət Himni səsləndi, Respublikamızın ərazi bütövlüyü uğrunda gedən döyüşlər zamanı şəhid olanların xatirəsi 1 dəq.sükutla yad olundu.

“Xocalı Soyqırımını Tanıtma” ictimai birliyinin sədri, “fact-info.az”, “xebertv.az”, “tereqqi.az” saytlarının redaktoru, “Ana harayı” qəzetinin baş redaktoru, “Tərəqqi” medalının mükafatçısı Şamil Sabiroğlu Respublikamızın ərazi bütövlüyünün bərpası uğrunda gedən döyüşlər zamanı şəhid olan hər bir soydaşımızın xatirəsinin Azərbaycanın dövlət orqanları tərəfindən əziz tutulduğunu diqqətə çatdırdı. Şamil müəllim qeyd etdi ki, 1990-cı il yanvar ayının 19-dan 20-ə keçən gecə keçmiş SSRİ-yə məxsus hərbçilər tərəfindən Respublikamızın şəhər və rayonlarında həlak olan insanlar Azərbaycan xalqının qaymaqlarından idi. O, dedi: -Şəhid və qazilər millətimizin baş tacıdır. Bu gün bütün əhali-imkanlı da, kasıb da yaşadığı əlavə ömrə görə Allaha və döyüşçülərimizə borcludur.

YAP-ın Göyçay rayon Təşkilatının sədri Sahib Şükürov ölkəmizin ərazi bütövlüyü uğrunda əziz canlarından keçmiş şəhidləri kimsənin unutmağa haqqı olmadığını qeyd etdi. Natiq Azərbaycanın dövlət orqanları tərəfindən şəhid və itkin ailələrinə göstərilən qayğıdan danışdı.

“Azərbaycanın Milli Qəhrəmanı Asif (Fred) Məhərrəmov adına İnkişaf Fondu”nun sədri, II dərəcəli müharibə əlili Hacı Ədalət Məhərrəmov, “Xocalı Soyqırımını Tanıtma” ictimai birliyinin Mərkəzi Aran rayonları üzrə Departamentinin sədr müavini Rauf Mirzəyev, həmin Departamentin İdarə heyətinin üzvü, Azərbaycan, İraq və Türkiyə Yazarlar Birliyinin üzvü, Göyçay şəhər 7 nömrəli tam orta məktəbin direktor müavini, Prezident təqaüdçüsü, şair-publisist Aqil Kəngərli, Azərbaycan Respublikası Dini Qurumlar üzrə Dövlət Komitəsinin nümayəndəsi Rauf Nəsirov, Xocalı sakinləri Elşad və Dürdanə Agayevlər 20 yanvarın Azərbaycanın dövlət müstəqilliyinin bərpası yolunda mayak rolunu oynadığını qeyd etdilər. Göyçay Dövlət İdarəetmə və Texnologiya Kollecinin tələbələri- Xocalı rayonunun Kosalar kəndindən məcburi köçkün, gənc şair Teymur Əhmədov, Məryəm Qasımova, 5 yaşlı Göyçay şəhər sakini Hüseyn Dadaşov torpaq, Vətən haqda şeirlər söylədilər. Tədbirin sonunda 20 Yanvar faciəsindən bəhs edən videoçarxa baxış oldu.

Şamilə Şamilqızı

Azərbaycan Dövlət Mədəniyyət və İncəsənət Universitetinin II kurs tələbəsi

Fotolar: Qarabağ qazisi Seymur Məmmədova məxsusdur


Kateqoriya : SOSİAL Baxış sayı : 784

QHT və MEDİA

2019-01-15 11:05:39

QHT və MEDİA
Vüsal Qasımlı: "Struktur islahatları ida...
Vüsal Qasımlı: "Struktur islahatları ida...

Bunu Trend-ə Prezident İlham Əliyev tərəfindən aparılan struktur islahatların...

2019-01-12 18:15:19

QHT və MEDİA
Azay Quliyev beynəlxalq təşkilatlara və ...
Azay Quliyev beynəlxalq təşkilatlara və ...

Fact-info.az xəbər verir ki, bunu ATƏT PA-nın vitse-prezidenti, millət vəkili...

CƏMİYYƏT

2019-01-16 09:30:10

CƏMİYYƏT
İsveçrə mediası 20 Yanvar hadisələrindən...
İsveçrə mediası 20 Yanvar hadisələrindən...

“Milli azadlıqla xalq matəmi arasında” sərlövhəli məqalədə 20 Yanvar faciəsin...

2019-01-14 08:30:18

CƏMİYYƏT
Akademik: 2019-cu ilin "Nəsimi ili" elan...
Akademik: 2019-cu ilin "Nəsimi ili" elan...

Bunu Trend-ə Milli Məclisin deputatı, AMEA akademik Ziya Bünyadov adına Şərqş...

İQTİSADİ

2019-01-14 20:25:40

İQTİSADİ
Müdafiə Sənayesi Nazirliyinin əsasında “...
Müdafiə Sənayesi Nazirliyinin əsasında “...

Fərmana əsasən, ölkədə dövlət idarəetmə strukturunu optimallaşdırmaq, müdafiə...

2019-01-13 13:40:27

İQTİSADİ
Neft tariximizə böyük ehtiram hissilə...
Neft tariximizə böyük ehtiram hissilə...

Azərbaycanda neftin sənaye üsulu ilə hasilatı XIX əsrin ortalarından başlanmı...