SOSİAL
A- A A+

BDU “Milli Nüvə Tədqiqatları Mərkəzi” ilə niyyət protokolu imzalayıb

2018-01-10 09:25:07

.

Bakı Dövlət Universitetində Nəqliyyat, Rabitə və Yüksək Texnologiyalar Nazirliyinin “Milli Nüvə Tədqiqatları Mərkəzi”nin direktoru, akademik Adil Qəribov və Almaniyanın Nüvə Tədqiqat Mərkəzinin Ağır ionların elmi tədqiqatları mərkəzində institut direktoru Peter Braun-Munzingerin rəhbərlik etdiyi nümayəndə heyəti ilə görüş olub.

Rektor, akademik Abel Məhərrəmov Bakı Dövlət Universiteti, o cümlədən Fizika fakültəsində nüvə fizikası və nüvə texnologiyası sahəsində yüksək enerjilər fizikası, radiasiya materialşünaslığı, atom və nüvə fizikası istiqamətində kadr hazırlığı barədə məlumat verib. Rektor Almaniya universitetləri ilə nüvə fizikası sahəsində əməkdaşlığın, bu sahə üzrə beynəlxalq elmi mərkəzlər tərəfindən həyata keçirilən qlobal elmi və elmi-texniki proqramlarda, təcrübə və tədqiqatlarda iştirakın vacibliyini bildirib.

Akademik Adil Qəribov “Milli Nüvə Tədqiqatları Mərkəzi”nin fəaliyyəti və gələcəkdə həyata keçirilməsi planlaşdırılan layihələrdən bəhs edib. Çıxış edən direktor Peter Braun-Munzinger BDU ilə CERN və Almaniyanın nüvə tədqiqat mərkəzləri arasında əməkdaşlığın inkişaf etdirilməsindən bəhs edib. Görüşdə CERN və Almaniyadan alınmış nəhəng məlumatlar toplusunun BDU-da analizi və nüvə fizikasının müasir problemlərinin tədqiqi və s. müzakirə edilib.

Sonra almaniyalı mütəxəssislərin iştirakı ilə Bakı Dövlət Universiteti və “Milli Nüvə Tədqiqatları Mərkəzi” arasında əməkdaşlıq haqqında niyyət protokolu imzalanıb. Niyyət protokolunda qarşılıqlı maraq kəsb edən elmi-texniki fəaliyyət sahələri üzrə beynəlxalq və respublika əhəmiyyətli elmi-praktik forum, konfrans, simpozium, seminar, dəyirmi masa və digər elmi tədbirlərə Mərkəzin təşkilatı və iştirakçı kimi dəvət olunması nəzərdə tutulub. Protokolda Mərkəzdə universitetin “Maddə quruluşu” kafedrasının filialının və ya baza kafedrasının yaradılması, gələcəkdə digər bəzi baza kafedralarının da yaradılması, eləcə də universitetin tələbə, magistr və doktorantlarının nüvə ölkələrində və Mərkəzin əməkdaşlıq etdiyi beynəlxalq təşkilatlarda tədris və təlim kurslarına cəlb olunması üçün tədbirlərin görülməsi kimi məsələlər öz əksini tapıb.

Görüşdə yaxın gələcəkdə Almaniyanın Nüvə Tədqiqat Mərkəzi ilə də bu sahədə əməkdaşlıqla bağlı niyyət protokolunun imzalanmasının nəzərdə tutulduğu qeyd edilib.


Kateqoriya : SOSİAL Baxış sayı : 592

QHT və MEDİA

2019-07-18 14:25:20

QHT və MEDİA
Qeyri-Hökumət Təşkilatlarına Dövlət Dəst...
Qeyri-Hökumət Təşkilatlarına Dövlət Dəst...

Azərbaycan Respublikasının Prezidenti yanında Qeyri-Hökumət Təşkilatlarına Dö...

2019-07-18 11:05:04

QHT və MEDİA
“Gənclik İlləri” adlı kitab təqdim olund...
“Gənclik İlləri” adlı kitab təqdim olund...

Tədbiri giriş sözü ilə acan Xurşudbanu Natavan adına kitabxananın müdiri Tura...

CƏMİYYƏT

2019-07-16 08:20:48

CƏMİYYƏT
Müharibə şəraitində mediamız
Müharibə şəraitində mediamız

Ancaq bəzi məqamları diqqətsiz buraxmaq olmur. Ümumiyyətlə, jurnalistikanın ...

2019-07-15 21:30:22

CƏMİYYƏT
Hacı Zeynalabdin Tağıyev haqqında film i...
Hacı Zeynalabdin Tağıyev haqqında film i...

Fact-info.az-ın məlumatına görə, bu barədə AZƏRTAC-a “100 il şərəfli ömür” fi...

İQTİSADİ

2019-07-17 08:50:31

İQTİSADİ
100,6 milyard dollar investisiya yatırıl...
100,6 milyard dollar investisiya yatırıl...

Energetika Nazirliyindən bildirilib ki, Energetika naziri Pərviz Şahbazov ADA...

2019-07-16 09:25:35

İQTİSADİ
Aİ-Azərbaycan: strateji tərəfdaşlığın ak...
Aİ-Azərbaycan: strateji tərəfdaşlığın ak...

Bir sıra ekspertlər son zamanlar Avropa İttifaqı-Azərbaycan münasibətlərində ...