QHT və MEDİA
A- A A+

Amerikada çıxan “The Hill” nəşri Azərbaycandan yazıb

2017-12-30 12:50:41

.

Amerikada çıxan “The Hill” nəşrində siyasi icmalçı, “Dağlarda qətl: Xocalıda hərbi cinayət və Dağlıq Qarabağ münaqişəsi” kitabının müəllifi Raul Loueri Kontrerasın “Bayram ümidi: Xristianların və müsəlmanların dinc yanaşı yaşamasına bir baxış” sərlövhəli məqaləsi dərc olunub. Məqalədə Azərbaycanda mövcud tolerantlıq, habelə müsəlmanların, xristianların, yəhudi və digər dini icmaların nümayəndələrinin dinc yanaşı yaşamasından bəhs edilir.

Bu yaxınlarda Azərbaycanda səfərdə olmuş Kontreras hələ də həmin səfərin təəssüratı altında olduğunu vurğulayaraq yazır ki, Yaxın Şərqin bəzi müsəlman ölkələrində xristianlara qeyri-tolerant münasibət müşahidə olunduğu halda əhalisinin 95 faizdən çoxu müsəlmanlar olan Azərbaycanda hər addımda Milad bayramı atributlarına rast gəlmək olar.

Amerikalı müəllif bu yaxınlarda Azərbaycanda olub, Bakıda keçirilmiş “2017 – İslam Həmrəyliyi ili: Dinlər və mədəniyyətlərarası dialoq” mövzusunda beynəlxalq konfransda iştirak edib. Bütün dünyadan, o cümlədən ABŞ, Yaponiya, İndoneziya, Hindistan, Mərkəzi Asiya, Rusiya, Pakistan, Bosniya və Herseqovina, Yunanıstan, Səudiyyə Ərəbistanı, Qətər, BƏƏ, Vatikan və Avropanın bir sıra ölkələrindən olan ekspertlərin və din xadimlərinin iştirak etdiyi konfransda Azərbaycan Prezidenti İlham Əliyev çıxış edib. Kontreras yazır ki, Prezident Əliyev öz nitqində ölkədə mövcud olan tolerantlıq barədə, həmçinin Azərbaycan ərazilərinin 20 faizinin işğal edilməsi ilə nəticələnmiş erməni təcavüzü və BMT Təhlükəsizlik Şurasının 4 qətnaməsinə Ermənistanın hələ də etinasızlıq göstərməsi haqda danışıb.

Kontreras qeyd edir ki, Azərbaycan başqa dinlərə və etnik qruplara tolerant münasibəti ilə məşhurdur. Azərbaycanda müxtəlif dini icmaların mövcud olmasından söhbət açan amerikalı ekspert Bakıda Rus Pravoslav Kilsəsini, katoliklərin kilsəsini, müsəlman məscidlərini, habelə yəhudi sinaqoqunu ziyarət etməsini xatırlayaraq yazır ki, Bakıdan bir qədər şimalda bir-birinin yaxınlığında yerləşən iki sinaqoqda və məsciddə olub.

Azərbaycan cəmiyyətində tolerantlığın yüksək səviyyədə olmasını, Azərbaycan rəhbərliyinin bu ölkədə multikonfessionallığa göstərdiyi diqqəti vurğulayan Kontreras yazır ki, Bakıda erməni kafedral kilsəsi və orada toplanmış, qədim erməni dilində olan 5000-dən çox kitab Azərbaycan hökumətinin dəstəyi ilə qorunub saxlanılır.

Ekspert öz məqaləsinin sonunda yazır ki, Azərbaycanda başqa dinlərə bu cür diqqət yetirilməsi onu çox mütəəssir edib və hər halda bizim planetdə sülhün bərqərar olacağına ümid var.(Azərtac)


Kateqoriya : QHT və MEDİA Baxış sayı : 211

QHT və MEDİA

2018-04-22 15:40:49

QHT və MEDİA
Müharibə və ixtilaflar girdabında: dünya...
Müharibə və ixtilaflar girdabında: dünya...

Böyük Britaniyada Sergey Skripal ilə bağlı insident isə vəziyyəti bir qədər d...

2018-04-21 21:15:39

QHT və MEDİA
Ermənistanın işğalçılıq siyasətində, abi...
Ermənistanın işğalçılıq siyasətində, abi...

Azərbaycan ərazilərinin işğal edilməsi, tarixinin və mədəniyyətinin mənimsəni...

CƏMİYYƏT

2018-04-21 14:05:40

CƏMİYYƏT
Erməni saxtakarlıqlarının ifşası mövzusu...
Erməni saxtakarlıqlarının ifşası mövzusu...

APA-nın məlumatına görə, konfransda çıxış edən agentliyin sədri Kamran İmanov...

2018-04-20 08:20:56

CƏMİYYƏT
“Ordu üçün bütün işlər görülür, görüləcə...
“Ordu üçün bütün işlər görülür, görüləcə...

“Bu reallıq bir də onu göstərir ki, bizim ordu quruculuğu ilə bağlı apardığı...

İQTİSADİ

2018-04-23 07:25:39

İQTİSADİ
ABŞ-da İpək Yolu ilə bağlı tədbir
ABŞ-da İpək Yolu ilə bağlı tədbir

Konfransa tarixi İpək Yolunda yerləşən region və dövlətlərin rəsmiləri, həmçi...

2018-04-20 07:55:10

İQTİSADİ
“Hərbi əməliyyatlarda həlak olan 8800 nə...
“Hərbi əməliyyatlarda həlak olan 8800 nə...

"APA-Economics" xəbər verir ki, əmək və əhalinin sosial müdafiəsi naziri vəzi...