TƏDQİQATLAR
A- A A+

Qafqazşünaslıq İnstitutunun hesabatı

2017-12-28 08:45:20

Azərbaycan Milli Elmlər Akademiyası Qafqazşünaslıq İnstitutunun Elmi Şurasının iclasında 2017-ci ildə elmi və elmi-təşkilati fəaliyyətin yekunlarına dair hesabat dinlənilib

İclası İnstitutun direktoru, AMEA-nın müxbir üzvü, professor Musa Qasımlı açıb. Təsis olunduğu vaxtdan qısa müddət keçməsinə baxmayaraq, İnstitutda böyük işlər görülüb. Hesabat ilində İnstitutda 1 elmi istiqamət və 5 mövzu üzrə 13 iş yerinə yetirilib. Azərbaycanda 1 monoqrafiya, 1 kollektiv əsər, 1 dərs vəsaiti, 42 məqalə, internet saytlarında və qəzetlərdə 20 məqalə, xarici ölkə nəşrlərində isə 1 kitab (Türkiyə), 24 məqalə (ABŞ, Rusiya, Türkiyə, Ukrayna, Moldova, Polşa, Avstriya, Belarus, Qazaxıstan, Gürcüstan) çap edilib. İnstitut əməkdaşları Azərbaycanda, eləcə də bir sıra xarici ölkə elmi mərkəz və universitetlərinin təşkil etdiyi 47 beynəlxalq simpozium və konfranslarda məruzələrlə çıxış ediblər. Həmin elmi toplantıların 31-i Azərbaycanda, 16-sı isə xaricdə (Rusiya, Türkiyə, Qazaxıstan, Ukrayna) keçirilib.

Ölkəmizdə ilk dəfə olaraq Qafqazşünasların Birinci Beynəlxalq Forumunun keçirilməsi İnstitutun uğurlarından biridir. Tədbirdə Azərbaycan, Rusiya, Türkiyə, ABŞ, Böyük Britaniya, İsrail, İran, Qazaxıstan, Özbəkistan, Ukrayna və Gürcüstandan 175 nəfər alim və tədqiqatçının Qafqaz ölkələrinin daxili ictimai-siyasi və iqtisadi şəraiti, geosiyasəti, xarici siyasəti, qarşılıqlı münasibətləri, böyük dövlətlərin və digər ölkələrin Qafqaz siyasəti, Ermənistanın Azərbaycana qarşı hərbi təcavüzü nəticəsində yaradılmış Dağlıq Qarabağ münaqişəsi, törətdiyi soyqırımları, xüsusən Xocalı soyqırımı və digər problemlərə həsr edilmiş 163 məruzəsi 20 bölmə iclasında müzakirə edilərək elmi-nəzəri ümumiləşdirmələr aparılıb. İnstitut, həmçinin “Qafqaz böyük sarsıntılar şəraitində: tarixi təcrübə, müasir dövr və perspektivlər” mövzusunda respublika elmi-nəzəri konfransı təşkil edib.

İnstitut əməkdaşlarının əsərlərinə xarici ölkələrin alimləri 282 istinad edib ki, onlardan 263-ü AMEA-nın müxbir üzvü, professor Musa Qasımlının əsərlərinə olunan istinadlardır. Hesabat ilində İnstitut beynəlxalq əlaqələrinin qurulması istiqamətində ilk addımlarını atmış, Rusiya Elmlər Akademiyasının Cənub Elm Mərkəzi və Yeni Türkiyə Strateji Araşdırmalar Mərkəzinin Tarix İnstitutu arasında əməkdaşlığa dair niyyət memorandumu imzalayıb. İnstitut ABŞ, Böyük Britaniya, Çin, Çexiya, Rusiya, Türkiyə, İran, Ukrayna, Qazaxıstan, Özbəkistan və digər ölkələrin elmi qurumları ilə əməkdaşlıq edir. İnstitut əməkdaşları müntəzəm olaraq ölkəmizin xarici siyasəti, Ermənistanın hərbi təcavüzünə dair mövzularda müxtəlif televiziya kanallarında çıxışlar ediblər.


Kateqoriya : TƏDQİQATLAR Baxış sayı : 348

QHT və MEDİA

2018-12-19 10:05:08

QHT və MEDİA
Berlin Humboldt Universitetində Azərbayc...
Berlin Humboldt Universitetində Azərbayc...

Fact-info.az AZƏRTAC-a istinadən xəbər verir ki, universitetin əsas binasınd...

2018-12-17 10:15:11

QHT və MEDİA
Şura 2018-ci ildə də dövlət və cəmiyyət ...
Şura 2018-ci ildə də dövlət və cəmiyyət ...

Mayın 7-də Şuranın təşkilatçılığı ilə Bakıda ümummilli liderimiz Heydər Əliye...

CƏMİYYƏT

2018-12-19 10:30:50

CƏMİYYƏT
Cənubi Qafqaz iki geosiyasi tendensiya a...
Cənubi Qafqaz iki geosiyasi tendensiya a...

Ekspertlərin bununla bağlı apardıqları analiz və verdikləri proqnozlar mara...

2018-12-18 10:35:09

CƏMİYYƏT
Dil normalarının pozulmasına görə cəzala...
Dil normalarının pozulmasına görə cəzala...

"Azərbaycan Milli Elmlər Akademiyasının Nəsimi adına Dilçilik İnstitutunda Az...

İQTİSADİ

2018-12-18 09:45:15

İQTİSADİ
UNEC-dən iqtisad elminin tədrisinə daha ...
UNEC-dən iqtisad elminin tədrisinə daha ...

Dünyada geniş yayılmış “Beynəlxalq iqtisadiyyat: Nəzəriyyə və siyasət” (P.R.K...

2018-12-16 21:25:31

İQTİSADİ
Ziyad Səmədzadə: Azərbaycan Dayanıqlı İn...
Ziyad Səmədzadə: Azərbaycan Dayanıqlı İn...

Fact-info.az AZƏRTAC-a istinadən xəbər verir ki, Azərbaycanı bu tədbirdə Mi...