QHT və MEDİA
A- A A+

“El Universal” qəzeti: Meksika millət vəkilləri Ermənistan tərəfindən manipulyasiya olunub

2017-12-27 09:25:06

.

Meksikanın ən çox oxunan qəzetlərindən olan “El Universal” Azərbaycan Respublikasının Meksikadakı səfirliyinin müvəqqəti işlər vəkili Məmməd Talıbovla müsahibə (həm bu mətbu orqanın internet səhifəsində, həm də çap versiyasında) dərc edib (http://www.eluniversal.com.mx/mundo/armenia-manipulo-los-legisladores).

Məqalədə Azərbaycan nümayəndəsinin sözlərinə istinadla Ermənistan-Azərbaycan, Dağlıq Qarabağ münaqişəsinin həllinin yeganə yolunun rəsmi Yerevanın BMT Təhlükəsizlik Şurasının qətnamələrini yerinə yetirərək öz silahlı qüvvələrinin Azərbaycan ərazilərindən çıxarılması olduğu bildirilir. Həmçinin Dağlıq Qarabağ regionunun Azərbaycana məxsus olduğu və 1992-ci ildən Ermənistan tərəfindən işğal altında saxlandığı deyilir. Xatırladılır ki, bu münaqişəyə Meksikada son zamanlar diqqəti üç yerli deputatın Azərbaycan Hökumətinin icazəsi olmadan işğal edilmiş ərazilərə səfəri və bununla bağlı Azərbaycanın bu ölkədə səfirliyinin sərt reaksiyası barədə xəbərlər cəlb edib. Azərbaycan diplomatının sözlərinə əsasən bildirilir ki, Ermənistan tərəfi və bu ölkənin Meksikadakı səfiri A.Ayvazyan meksikalı millət vəkillərini münaqişəyə cəlb edib, onları siyasi xal qazanmaq üçün öz məkrli oyunlarında istifadə etmək məqsədilə işğal olunmuş ərazilərə aparıblar. Qeyd edilir ki, səfir Meksika Xarici Əlaqələr Katibliyinin (XİN) həmin ərazilərə səfər etməməklə bağlı xəbərdarlıqlarına və bu ərazilərin Azərbaycanın beynəlxalq səviyyədə tanınmış ərazisi olduğuna məhəl qoymadan həmin deputatları işğal olunmuş ərazilərə apararaq, heç bir ölkə, o cümlədən rəsmi olaraq heç Ermənistanın özü tərəfindən də tanınmamış qondarma separatçı rejimin guya Meksika tərəfindən dəstəklənməsi imicini yaratmaq məqsədi güdürdü.

Məqalədə, həmçinin bildirilir ki, Azərbaycan səfirliyinin müvəqqəti işlər vəkili məsələ ilə bağlı hökumətinin etirazını bildirmək üçün Meksika XİN-də və Deputatlar Palatasında görüşlər keçirib və hər iki qurum Azərbaycanın ərazi bütövlüyünü və münaqişə ilə bağlı BMT TŞ qətnamələrini dəstəklədiklərini vurğulayıb. Azərbaycan nümayəndəsinin Ermənistanın Meksikada səfirinin son zamanlar daha bir presedentsiz və heç bir diplomatik etikaya uyğun olmayan oyuna əl atdığını dediyi qeyd olunur. Belə ki, səfir Ayvazyanın Meksika vətəndaşlarını açıq şəkildə Azərbaycanın işğal olunmuş ərazilərinə dəvət etməsi (Ermənistan səfiri deputatların səfərini təqdir edərək Meksikanın digər vətəndaşlarını da belə addım atmağa çağırıb) onları öz ölkələri XİN-in xəbərdarlıqlarına məhəl qoymamağa çağırması deməkdir.

Qəzet Azərbaycan diplomatının bu sözlərini sitat gətirir: “Düşünürəm ki, Ermənistan səfiri bu oyunlara son qoymalı və insan hüquqlarından danışaraq (bəyanatlarından birində o, Meksika deputatlarının azad səfər etmək hüququnun olduğunu deyib) işğal olunmuş ərazilərdə yaşayan yüz minlərlə azərbaycanlının öz evlərindən qovulması, zorakılığa məruz qalması və öldürülməsi faktlarını izah etməlidir”. Həmçinin erməni səfirinin “Dağlıq Qarabağda yeni erməni soyqırımı təhlükəsi” barədə sözlərinin uydurma, cəfəng və absurd olduğu bildirilərək, Azərbaycanın multikulturalizm və tolerantlığı ilə tanınmış bir ölkə olduğu vurğulanır, burada bütün din və mədəniyyətlərin nümayəndələrinin heç bir ayrı-seçkiliklə üzləşmədən birgə yaşadıqları diqqətə çatdırılır.

Bundan əlavə, məqalədə 2017-ci ildə Azərbaycan ilə Meksika arasında diplomatik əlaqələrin qurulmasının 25-ci ildönümünün qeyd edildiyi, ikitərəfli əməkdaşlığın daha da genişlənməsi üçün böyük imkanların olduğu bildirilir.(Azərtac)


Kateqoriya : QHT və MEDİA Baxış sayı : 690

QHT və MEDİA

2019-09-23 09:50:13

QHT və MEDİA
Dağlıq Qarabağın Azərbaycanlı icmasının ...
Dağlıq Qarabağın Azərbaycanlı icmasının ...

Azərbaycanın Dağlıq Qarabağ bölgəsinin azərbaycanlı icmasının üzvləri ATƏT-in...

2019-09-21 08:30:20

QHT və MEDİA
Ermənistanın işğalçılıq siyasəti ilə bağ...
Ermənistanın işğalçılıq siyasəti ilə bağ...

Azərbaycan Respublikasının Prezidenti yanında Qeyri Hökümət Təşkilatlarına ...

CƏMİYYƏT

2019-09-23 07:25:33

CƏMİYYƏT
"Azərbaycan ədəbiyyatı tarixinin etüdlər...
"Azərbaycan ədəbiyyatı tarixinin etüdlər...

Mədəniyyət Nazirliyinin "Azərbaycan kitabının dünyada tanıdılması" layihəsi ç...

2019-09-19 18:20:16

CƏMİYYƏT
Azərbaycan Milli Radiosunda nələr gözlən...
Azərbaycan Milli Radiosunda nələr gözlən...

1926-cü ildə təməli qoyulan və ölkəmizdə ilk kütləvi informasiya vasitəsi ol...

İQTİSADİ

2019-09-21 15:25:56

İQTİSADİ
UNEC rektoru Ədalət Muradov: “Milli ali ...
UNEC rektoru Ədalət Muradov: “Milli ali ...

UNEC rektoru, professor Ədalət Muradov çıxışı zamanı mütəxəssis hazırlığında ...

2019-09-19 18:55:57

İQTİSADİ
SOCAR-ın Fontana Qarşı Dağmədənxilasetmə...
SOCAR-ın Fontana Qarşı Dağmədənxilasetmə...

Sentyabrın 19-da “Əsrin müqaviləsi”nin 25-ci ildöbümü və “Neftçilər günü” ərə...