QHT və MEDİA
A- A A+

UNEC kollektivi ön cəbhədə

2017-12-24 22:40:31

.

UNEC kollektivi Dünya Azərbaycanlılarının Həmrəylik Günü və Yeni il münasibətilə cəbhənin Şəmkir, Tovuz, Qazax və Ağstafada rayonları istiqamətində yerləşən hərbi hissələrdə xidmət edən əsgərlərlə görüşüblər. Səfər zamanı onları Müdafiə Nazirliyinin əməkdaşı, polkovnik Abdulla Qurbani müşayiət edib.

Nümayəndə heyəti öncə Şəmkirdə Ulu öndərin abidəsini ziyarət edib, önünə gül dəstələri düzərək dahi rəhbərin xatirəsinə ehtiramlarını bildiriblər. Sonra Şəmkirdə yerləşən “N” saylı hərbi hissənin general-mayoru Xaqani Cəbrayılov, zabit və əsgərlərlə görüşüblər. Universitet kollektivinin hərbi hissələrə mütəmadi olaraq səfər etməsini yüksək qiymətləndirən general-mayor X.Cəbrayılov belə görüşlərin gənclərin vətənpərvər ruhda, ölkəmizə və dövlətimizə sədaqətli, cəmiyyətə yararlı vətəndaş kimi formalaşmasında mühüm rol oynadığını bildirib. X.Cəbrayılov Ali Baş Komandan, Prezident İlham Əliyevin ordu quruculuğu sahəsinə göstərdiyi diqqət və qayğıdan danışıb. Hazırda Azərbaycan Silahlı Qüvvələri regionun ən qüdrətli ordusuna çevrildiyini vurğulayıb.

Torpaqlarımızın müdafiəsinin etibarlı əllərdə olduğuna əminliyini ifadə edən UNEC-in prorektoru, müharibə veteranı Mikayıl Zeynalov Horadizin düşmən işğalından azad edilməsi uğrunda aparılan əməliyyatlardan danışıb. Döyüşlərdə fəal iştirak edən müharibə veteranı xatirələrini bölüşüb: “Azad etdiyimiz Horadiz torpağına üçrəngli bayrağımızı necə sancmağımızı bu gün burada bir daha böyük qürurla xatırladım”. Bu gün Azərbaycanın NATO standartlarına cavab verən, şəxsi heyətinin döyüş hazırlığı yüksək olan peşəkar və modern orduya sahib olduğunu böyük qürur hissi ilə vurğulayan M.Zeynalov əsgərlərdə ruh yüksəkliyini, döyüş əzmini və qələbəyə inamı müşahidə etdiyini bildirib.

Şəmkirdən sonra, Tovuz, Qazax və Ağstafada yerləşən “N” saylı hərbi hissələrdə olan UNEC kollektivi əsgərlər qarşısında çıxış edərək erməni silahlı qüvvələrinin işğal etdiyi Azərbaycan torpaqlarının tezliklə azad ediləcəyinə əminliklərini ifadə ediblər. Görüşlərdə UNEC-in Yaradıcılıq Mərkəzinin üzvləri əsgər və zabit heyəti qarşısında konsert proqramı ilə çıxış edib, hərbi vətənpərvərlik mövzusunda şeirlər səsləndiriblər. UNEC-in kollektivi adından hərbi hissəyə və xidmətdə fərqlənən hərbi qulluqçulara hədiyyələr təqdim edilib.


Kateqoriya : QHT və MEDİA Baxış sayı : 887

QHT və MEDİA

2019-08-16 12:55:45

QHT və MEDİA
Sərhəd Mühafizəsinin 100-cü ildönümü...
Sərhəd Mühafizəsinin 100-cü ildönümü...

"Report" xəbər verir ki, Azərbaycan Sərhəd Mühafizəsinin 100-cü ildö­nümü mün...

2019-08-16 09:10:38

QHT və MEDİA
Dağlıq Qarabağ bölgəsinin azərbaycanlı i...
Dağlıq Qarabağ bölgəsinin azərbaycanlı i...

Azərbaycan Respublikası Dağlıq Qarabağ bölgəsinin azərbaycanlı icması Ermənis...

CƏMİYYƏT

2019-08-17 11:20:15

CƏMİYYƏT
Dünyanı fəth edən ecazkar səs
Dünyanı fəth edən ecazkar səs

Hər bir bəşər övladının ölümündən sonrakı vaxt axarında böyük bir boşluq yara...

2019-08-14 16:15:54

CƏMİYYƏT
Nəsimi haqqında “Son gecə” filmi çəkilib...
Nəsimi haqqında “Son gecə” filmi çəkilib...

AzTV-nin Sosial media və ictimaiyyətlə əlaqələr şöbəsindən Modern.az-a verilə...

İQTİSADİ

2019-08-18 08:05:57

İQTİSADİ
Xəzər İqtisadi Forumu: perspektivli yeni...
Xəzər İqtisadi Forumu: perspektivli yeni...

2018-ci ildə Xəzərin hüquqi statusu ilə bağlı sənədlər qəbul ediləndən sonra ...

2019-08-13 08:40:17

İQTİSADİ
İkinci Xəzər İqtisadi Forumu keçiriləcək...
İkinci Xəzər İqtisadi Forumu keçiriləcək...

İkinci Xəzər İqtisadi Forumu 2020-ci ildə Həştərxanda keçiriləcək. Trend-in m...