QHT və MEDİA
A- A A+

Azay Quliyev: Azərbaycan və Rusiya QHT-lərinin əməkdaşlığı üçün böyük potensial var

2017-11-30 21:30:23

.

"Azərbaycan və Rusiyanın ictimai sektorları arasında münasibətlərin səviyyəsi bizi qane etmir". Fact-info.az APA-ya istinadən xəbər verir ki, bunu Rusiya İctimai Palatası rəhbərliyi ilə görüşdən sonra Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının sədri Azay Quliyev deyib.

O, Rusiya İctimai Palatasının katibi Valeri Fadeyevin dəvəti ilə Moskvaya səfərə gəldiklərini söyləyib: "Bugünkü görüşün məqsədi iki qurum arasında gələcək əməkdaşlıq məsələlərini müzakirə etmək idi. Azərbaycanla Rusiya arasında isti münasibətlər mövcuddur. Hər iki ölkə bir-birini strateji tərəfdaş adlandırır. Dövlət başçıları arasında münasibətlər yüksək səviyyədədir. Rusiyada çoxlu sayda azərbaycanlılar yaşayır. Azərbaycanda da çoxlu sayda rus var".

A. Quliyev dövlətlər arasında münasibətlərin səviyyəsinin yüksək olmasına baxmayaraq, iki ölkə arasında ictimaiyyətlərarası münasibətlərin yüksək səviyyədə olmadığını vurğulayıb: "Azərbaycan və Rusiya QHT-lərinin birgə əməkdaşlıq etməsi üçün çox böyük potensialı var. Bu əməkdaşlığı təmin etmək üçün bu gün Rusiya İctimai Palatası ilə görüş keçirdik. Gələcək fəaliyyəti özündə əks etdirən bir çərçivə sənədi üzərində işləyirik. Bu, birgə əməkdaşlıq və işbirliyi haqqında anlaşma Memorandumudur. Bildiyiniz kimi, sonuncu dəfə 2013-cü ilə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası ilə Rusiya İctimai Palatası arasında belə Memorandum imzalanmışdı. Lakin həmin sənədin vaxtı bitib. Onu yeniləmək lazımdır. Burada çox maraqlı və məhsuldar müzakirələrimiz oldu. Demək olar ki, bütün məsələlərdə vahid mövqe nümayiş etdirdik. Bəzi həssas məsələlərdə ümumi yanaşma yoxdur. Lakin ümid edirəm ki, bizim sonrakı dialoqumuz imkan verəcək ki, bütün məsələlər üzrə ümumi razılığa gələk. Dörd istiqamətdə işçi qrupların yaradılması haqqında razılıq əldə etdik. Bu qruplar əsasən gənclər və tələbələrin fəaliyyətini əhatə edən, təhsil-elm və mədəniyyət sahəsində əməkdaşlıq sahəsində, insan hüquqlarının qorunması, miqrasiya məsələləri və ictimai nəzarət, birgə tədbirlərin və mübadilə proqramlarının təşkili üzrə işçi qruplarıdır".

Quliyev miqrasiya məsələləri və insan hüquqlarının qorunması ilə bağlı işçi qrupun yaradılmasının önəmini də qeyd edib: "Bildiyiniz kimi, Rusiyada həm Rusiya vətəndaşı, həm də Azərbaycan vətəndaşı olan azərbaycanlılar yaşayırlar. Onların hüquqlarını qorumağa böyük ehtiyac var. Bununla bağlı çoxlu sayda məsələlər gündəmə gəlir. Bu gün İctimai Palata və Rusiyanın digər QHT-ləri bu məsələlərlə bağlı çox böyük işlər görə bilər. Bizim üçün bu, həyati əhəmiyyətli məsələdir. Ona görə də birgə işçi qrupu yaratdıq. Bu işçi qrupu əsas vəzifəsi bu sahədə olan problemləri müəyyən etmək və onların aradan qaldırılması ilə bağlı addımlar atmaqdan ibarətdir". Quliyev İctimai Palata rəhbərliyini Azərbaycana səfər dəvət etdiklərini də söyləyib.


Kateqoriya : QHT və MEDİA Baxış sayı : 289

QHT və MEDİA

2018-08-15 18:20:39

QHT və MEDİA
Layihə çərçivəsində bölgələrdə prezident...
Layihə çərçivəsində bölgələrdə prezident...

Tədbir Azərbaycan Respublikasının Dövlət müstəqilliyi, torpaqlarının bütövlü...

2018-08-14 08:45:21

QHT və MEDİA
Mehriban Əliyevanın gördüyü işləri UNESC...
Mehriban Əliyevanın gördüyü işləri UNESC...

O, bu ada Azərbaycan şifahi xalq ədəbiyyatının və musiqi irsinin qorunub saxl...

CƏMİYYƏT

2018-08-16 07:45:15

CƏMİYYƏT
“Con Batçelor Şou”: Tərtər rayonundan re...
“Con Batçelor Şou”: Tərtər rayonundan re...

Məşhur amerikalı aparıcını cəbhə xəttinə yaxın rayona səfər zamanı Tərtər Ray...

2018-08-13 20:55:07

CƏMİYYƏT
Xəzər dənizinin hüquqi statusuna dair Ko...
Xəzər dənizinin hüquqi statusuna dair Ko...

Qazaxıstanın Aktau şəhərində Xəzəryanı dövlətlərin dövlət başçılarının V Zir...

İQTİSADİ

2018-08-15 13:55:58

İQTİSADİ
Regionların sosial-iqtisadi inkişafı ölk...
Regionların sosial-iqtisadi inkişafı ölk...

Xalqımızın ümummilli lideri Heydər Əliyevin çevik ve məqsədyönlü sosial-iqtis...

2018-08-10 10:25:25

İQTİSADİ
“Financial Times”: Xəzəryanı dövlətlər b...
“Financial Times”: Xəzəryanı dövlətlər b...

“Financial Times” nəşri Xəzəryanı dövlətlərin prezidentlərinin Qazaxıstanın A...