SİYASƏT
A- A A+

“International Policy Digest” nəşri erməni lobbi təşkilatının çirkin əməllərindən yazıb

2017-11-13 09:00:11

.

ABŞ-ın "International Policy Digest" nəşrində Amerika Erməni Milli Komitəsinin (AEMK) qaranlıq fəaliyyəti, bu təşkilatın terror fəaliyyətinə görə məhkum olunmuş və ABŞ-ın milli maraqlarına qarşı çıxış edən xarici media şirkətlərinin başçıları komitəsi ilə əlaqəsi olan rəhbərləri haqqında məqalə dərc edilib.

Məqalə müəllifi Noa Ross yazır ki, AEMK "ən böyük və olduqca təsirli siyasi təşkilatlardan" biri kimi təkcə Vaşinqtonun siyasi dairələrinə təsir göstərmir, həm də tamamilə təbiidir ki, ölkənin siyasi sabitliyinə və hətta milli təhlükəsizliyinə təhlükə yaradaraq ABŞ-ın maraqlarına qarşı fəaliyyət göstərir.

Müəllif qeyd edir ki, təşkilatın idarə heyəti sıralarında təzyiq göstərmək, silahlı hücum və terrorizm üstündə məhkum edilmiş şəxslər var. AEMK-in bu cür məşhur liderlərindən biri Murad Topalyandır. AEMK-nın press-relizlərinə və digər erməni saytlarının məlumatına görə, M.Topalyan ABŞ Konqresi üzvləri ilə görüşlərə cəlb edilib. O, Kapitoli təpəsində AEMK-nin qərb qanadının nümayəndə heyətinin tərkibində keçirilən görüşlərdə, şübhəsiz, mühüm rol oynayıb.

Yekun ittiham aktında federal hökumət orqanları M.Topalyanı ABŞ ərazisində ən azı dörd terror hadisəsi ilə - 1980-ci il oktyabrın 12-də BMT-nin qərargahı ərazisində bombadan istifadə etməklə terror aktı, 1981-ci il iyunun 3-də Los-Ancelesdə Anahaym konfrans mərkəzində, 1981-ci il noyabrın 20-də isə Beverli-Hillzdə Türkiyə konsulluğunun binasında partlayış törətməklə və nəhayət, 1982-ci il oktyabrın 22-də Türkiyənin Filadelfiyadakı fəxri konsuluna sui-qəsdlə əlaqələndirib.

2000-ci ildə AEMK məhkum edilmiş Murad Topalyana "erməni məsələsinin təbliği işində sadiqliyinə" görə "Azadlıq uğrunda mükafat" verib, onu "erməni tarixinin və erməni xalqı məsələsinin təbliğində liderliyin unikal brendi" kimi mədh edib.

Müəllif yazır ki, Amerika Erməni Milli Komitəsinin fəaliyyəti, həmçinin etnik ermənilərin rəhbərlik etdiyi bir neçə əcnəbi media-təşkilatı tərəfindən dəstəklənir. Bu media təşkilatları erməni maraqlarını güdməklə təhlükəsizlik sahəsində, məsələn, Ermənistanın adını 2000-ci illərin əvvəlində Corc Buş Administrasiyası yanında ABŞ Milli Təhlükəsizlik Nazirliyinin təhlükəli ölkələr siyahısından çıxarmaqla, silah alverinə, o cümlədən üçüncü ölkəyə qeyri-qanuni silah satmasına (belə ki, bu silahın İraqda terrorçu qruplara verilib və onlar bu silahlardan 2000-ci illərin sonunda ABŞ əsgərlərini öldürərkən istifadə ediblər) görə Ermənistana qarşı sanksiyaların tətbiq edilməsinin qarşısını almaqla Birləşmiş Ştatların milli maraqlarını pozmaq üçün işləyirlər. (Azərtac)


Kateqoriya : SİYASƏT Baxış sayı : 297

QHT və MEDİA

2018-06-21 08:45:09

QHT və MEDİA
Azərbaycan Ordusunun 100 illiyinə həsr o...
Azərbaycan Ordusunun 100 illiyinə həsr o...

İyunun 20-də Silahlı Qüvvələrin Hərbi Akademiyasının təşkilatçılığı ilə Müdaf...

2018-06-20 09:15:36

QHT və MEDİA
Parisdə türk dünyası ilə bağlı silsilə t...
Parisdə türk dünyası ilə bağlı silsilə t...

Fact-info.az AZƏRTAC-a istinadən xəbər verir ki, konfrans Beynəlxalq Türk M...

CƏMİYYƏT

2018-06-19 08:55:32

CƏMİYYƏT
“Kolokol Rossii”: Ermənistanın Paşinyan ...
“Kolokol Rossii”: Ermənistanın Paşinyan ...

Fact-info.az AZƏRTAC-a istinadən müəllifi Aleksandr Nikişin olan məqaləni tə...

2018-06-19 07:50:35

CƏMİYYƏT
Xələf Xələfov sərhədlərin delimitasiyası...
Xələf Xələfov sərhədlərin delimitasiyası...

"Rusiya ilə sərhədin demarkasiyası prosesi davam edir. Bu, uzunmüddətli prose...

İQTİSADİ

2018-06-13 10:15:31

İQTİSADİ
Azərbaycan müdafiə və təhlükəsizlik xərc...
Azərbaycan müdafiə və təhlükəsizlik xərc...

Fact-info.az-ın Trend-ə istinadən məlumatına görə, 2018-ci ilin dövlət büdcəs...

2018-06-12 08:35:08

İQTİSADİ
Hərbi məhsullarımız Fransada keçirilən s...
Hərbi məhsullarımız Fransada keçirilən s...

Müdafiə Sənayesi Nazirliyindən APA-ya verilən məlumata görə, açılışda müdafiə...