QHT və MEDİA
A- A A+

“Qəhrəmanlar unudulmur” mövzusunda hərbi vətənpərvərlik tədbiri

2017-11-05 19:50:18

.

Silahlı Qüvvələrin Təlim və Tədris Mərkəzində (TTM) Həzi Aslanov adına Mərkəzi Zabitlər Evinin və Milli Qəhrəmanları Tanıtma İctimai Birliyinin təşkilatçılığı ilə “Qəhrəmanlar unudulmur” mövzusunda hərbi vətənpərvərlik tədbiri keçirilib.

Müdafiə Nazirliyinin mətbuat xidmətindən bildiriblər ki, tədbirdə TTM-in müəllim və zabit heyəti, Cəmşid Naxçıvanski adına Hərbi Liseyin kursantları, Milli qəhrəmanların ailə üzvləri və yaxınları iştirak ediblər. Əvvəlcə xalqımızın ümummilli lideri Heydər Əliyevin, ölkəmizin müstəqilliyi və ərazi bütövlüyü uğrunda şəhid olmuş vətəndaşlarımızın xatirəsi bir dəqiqəlik sükutla yad edilib, dövlət himni səsləndirilib.

Çıxış edənlər tədbirin məqsədinin şəxsi heyətin mənəvi-psixoloji hazırlığının yüksək səviyyədə saxlanılması, Vətən uğrunda döyüşlərdə şücaət göstərmiş Milli qəhrəmanların tanıdılması, onların həyatı, keçdiyi şərəfli döyüş yolları, göstərdikləri müstəsna xidmətləri təbliğ etməkdən ibarət olduğunu vurğulayıblar. Tədbirdə iştirak edən Milli qəhrəmanlar - Zabit Quliyev, Bəxtiyar Allahverdiyev, Vahid Quliyev və hazırda ordu sıralarında xidmət edən polkovnik-leytenant Fariz Qəhrəmanov gənc kursantlara keçdikləri döyüş yolundan, qəhrəmanlıqlarından danışaraq, xatirələrini bölüşüblər. Tədbir iştirakçılarına Müdafiə Nazirliyi Sənədli və Tədris Filmləri Kinostudiyasının hazırladığı, ordu quruculuğundan və şəxsi heyətin fəaliyyətindən bəhs edən film nümayiş olunub.

Milli Qəhrəmanları Tanıtma İctimai Birliyinin dəstəyi ilə işıq üzü görən, ölkəmizin ərazi bütövlüyü uğrunda mərdlik və şücaət göstərmiş, Azərbaycanın Milli Qəhrəmanı kimi şərəfli ada layiq görülmüş 211 qəhrəmanımızın həyatından, keçdiyi döyüş yolundan bəhs olunan “Azərbaycanın Milli Qəhrəmanları” kitabı kursantlara hədiyyə olunub.

Sonda Mərkəzi Zabitlər Evinin yaradıcı kollektivinin üzvləri hərbi vətənpərvərlik mahnılarını ifa ediblər. Tədbir iştirakçıları Milli qəhrəmanlarla xatirə şəkilləri çəkdiriblər.


Kateqoriya : QHT və MEDİA Baxış sayı : 530

QHT və MEDİA

2019-08-16 12:55:45

QHT və MEDİA
Sərhəd Mühafizəsinin 100-cü ildönümü...
Sərhəd Mühafizəsinin 100-cü ildönümü...

"Report" xəbər verir ki, Azərbaycan Sərhəd Mühafizəsinin 100-cü ildö­nümü mün...

2019-08-16 09:10:38

QHT və MEDİA
Dağlıq Qarabağ bölgəsinin azərbaycanlı i...
Dağlıq Qarabağ bölgəsinin azərbaycanlı i...

Azərbaycan Respublikası Dağlıq Qarabağ bölgəsinin azərbaycanlı icması Ermənis...

CƏMİYYƏT

2019-08-17 11:20:15

CƏMİYYƏT
Dünyanı fəth edən ecazkar səs
Dünyanı fəth edən ecazkar səs

Hər bir bəşər övladının ölümündən sonrakı vaxt axarında böyük bir boşluq yara...

2019-08-14 16:15:54

CƏMİYYƏT
Nəsimi haqqında “Son gecə” filmi çəkilib...
Nəsimi haqqında “Son gecə” filmi çəkilib...

AzTV-nin Sosial media və ictimaiyyətlə əlaqələr şöbəsindən Modern.az-a verilə...

İQTİSADİ

2019-08-18 08:05:57

İQTİSADİ
Xəzər İqtisadi Forumu: perspektivli yeni...
Xəzər İqtisadi Forumu: perspektivli yeni...

2018-ci ildə Xəzərin hüquqi statusu ilə bağlı sənədlər qəbul ediləndən sonra ...

2019-08-13 08:40:17

İQTİSADİ
İkinci Xəzər İqtisadi Forumu keçiriləcək...
İkinci Xəzər İqtisadi Forumu keçiriləcək...

İkinci Xəzər İqtisadi Forumu 2020-ci ildə Həştərxanda keçiriləcək. Trend-in m...