SOSİAL
A- A A+

"Azərbaycanın muğam fəlsəfəsi"

2017-11-04 09:45:25

.

Azərbaycan Respublikasının Prezidenti yanında Bilik Fondunun "Mədəni maarifləndirmə" proqramı çərçivəsində Abşeron Heydər Əliyev Mərkəzində Azərbaycan Milli Elmlər Akademiyasının müxbir üzvü, şərqşünas alim, fəlsəfə elmləri doktoru Könül Bünyadzadənin rayon ictimaiyyəti ilə görüşü keçirilib.

Sumqayıt Regional Mədəniyyət və Turizm İdarəsinin baş məsləhətçisi, əməkdar mədəniyyət işçisi İlham Manafov tədbiri giriş sözü ilə açaraq, qonaqları görüş iştirakçılarına təqdim edib. Bilik Fondunun Abşeron rayonu üzrə nümayəndəsi, Saray qəsəbə 3 nömrəli tam orta məktəbin direktoru Teyyubə Hüseynova Fondla Abşeron Heydər Əliyev Mərkəzi arasında əməkdaşlığa dair imzalanan Niyyət Protokoluna əsasən keçirilən silsilə tədbirlərdən, onların mahiyyətindən danışıb. Sonra şərqşünas alim K.Bünyadzadə "Azərbaycanın muğam fəlsəfəsi" mövzusunda mühazirə söyləyərək xalqımızın qədim tarixi köklərə əsaslanan mədəni dəyərlərə malik olduğunu deyib.

K.Bünyadzadə bildirib ki, əsasən incəsənət nümunəsi kimi təqdim olunan muğam özündə tarix, dil, din, adət-ənənə, mədəniyyət, ədəbiyyat sahələrini birləşdirir. Çoxəsrlik tarixə malik Azərbaycan muğamının Şərqin intibahı dövründən təşəkkül tapdığını deyən natiq əsrarəngiz sənət nümunəsini əsrlərdən süzülüb gələn mənəvi sərvət və çağdaş insanın sevərək dinlədiyi möcüzəvi sənət adlandırıb. Şərqşünas alim Azərbaycan Respublikasının Birinci vitse-prezidenti, Heydər Əliyev Fondunun prezidenti, YUNESKO və İSESKO-nun Xoşməramlı Səfiri Mehriban xanım Əliyevanın muğamın qorunub saxlanması və təbliği istiqamətində çoxşaxəli fəaliyyətindən söz açıb. Qeyd edilib ki, bəşəriyyətin qeyri-maddi irsinə dair şah əsərlərin yer aldığı siyahıya daxil olan muğam sənətinin bugünkü şöhrəti məhz Mehriban xanım Əliyevanın misilsiz fəaliyyətinin nəticəsidir.

Rəsmi qurumların nümayəndələri və ziyalıların, incəsənət xadimləri və müəllimlərin, tələbə və şagirdlərin iştirak etdikləri tədbirin sonunda Azərbaycan Dövlət Mədəniyyət və İncəsənət Universitetinin təmsilçiləri olan muğam üçlüyü mahnılar ifa edib.

Beynəlxalq Müəllimlər Günü Bilik Fondunun Cəbrayıl rayonu Cocuq Mərcanlı kəndinə təşkil etdiyi səfər çərçivəsində həmin üçlüyün Novruz Aslanov adına kənd tam orta məktəbindəki çıxışı şagird və müəllim kollektivinin rəğbətini qazandığına görə istedadlı gənclər Fond tərəfindən təşəkkürnamələrə layiq görülüblər. Azərbaycan muğamının təşviqi və təbliğinə xidmət edən görüşdə təşəkkürnamələr ifaçılara təqdim olunub. Bununla yanaşı, Bilik Fondunun nümayəndəsi T.Hüseynovaya Fondun tədbirlərinin təşkilində fəal iştirakına görə təşəkkürnamə verilib.


Kateqoriya : SOSİAL Baxış sayı : 359

QHT və MEDİA

2018-12-15 10:20:56

QHT və MEDİA
QHT hesabat-seçki toplantısı keçirib...
QHT hesabat-seçki toplantısı keçirib...

Yığıncağı Birliyin Qadınlar Şurasının sədri, Ümumi Yığıncağa hazırlıq məqsədi...

2018-12-14 10:20:57

QHT və MEDİA
Ukraynada Azərbaycanla bağlı beyin mərkə...
Ukraynada Azərbaycanla bağlı beyin mərkə...

Azərbaycanın Ukraynadakı səfirliyindən AZƏRTAC-a bildiriblər ki, bu günlərdə ...

CƏMİYYƏT

2018-12-14 19:20:47

CƏMİYYƏT
Leyla Əliyevanın bir qrup rusiyalı qadın...
Leyla Əliyevanın bir qrup rusiyalı qadın...

Bu yaxınlarda Heydər Əliyev Fondunun vitse-prezidenti Leyla Əliyevanın ünvanı...

2018-12-08 11:05:14

CƏMİYYƏT
Azərbaycan Parlamenti necə yarandı
Azərbaycan Parlamenti necə yarandı

2018-ci il dekabr ayının 7-də Azərbaycanda parlamentarizmin tarixində əlamət...

İQTİSADİ

2018-12-12 08:45:08

İQTİSADİ
"Novo Nordisk" Dağlıq Qarabağ ərazisində...
"Novo Nordisk" Dağlıq Qarabağ ərazisində...

Danimarkanın dərman preparatları istehsalçısı olan "Novo Nordisk" şirkəti tər...

2018-12-06 18:25:31

İQTİSADİ
SOCAR modernləşmə proqramı üçün “Honeywe...
SOCAR modernləşmə proqramı üçün “Honeywe...

SOCAR Heydər Əliyev adına Neft Emalı Zavodunun modernizasiyası prosesində yük...