İQTİSADİ
A- A A+

ABŞ mediasında Bakı-Tbilisi-Qars dəmir yolunun strateji əhəmiyyəti müzakirə olunub

2017-11-03 09:35:01

.

Bakı-Tbilisi-Qars dəmir yolunun rəsmi açılışı münasibətilə ABŞ-ın nüfuzlu və geniş auditoriyaya malik “Con Batçelor Şou” radio verilişi canlı yayımda Azərbaycanın bu ölkədəki səfiri Elin Süleymanovdan müsahibə alıb.

Müsahibə zamanı aparıcı Bakı-Tbilisi-Qars dəmir yolunun açılışı münasibətilə təbriklərini çatdıraraq, təxminən 850 km uzunluğu olan bu yolun Azərbaycan, Gürcüstan və Türkiyə ilə yanaşı, bütövlükdə regionun inkişafına töhfə verəcəyini diqqətə çatdırıb, bu üç ölkənin birgə necə uğurlu əməkdaşlıq etməsi ilə bağlı səfirə sual ünvanlanıb.

Azərbaycan, Gürcüstan və Türkiyə arasında əməkdaşlığın regionun digər ölkələri üçün örnək olduğunu deyən diplomat bunun könüllü surətdə və heç kimin təsiri olmadan baş verdiyini, hər üç ölkənin və xalqın maraqlarına və rifahına xidmət etdiyini vurğulayıb. Tarixi İpək Yolunun yenidən canlandırılmasında mühüm bağlantı olan Bakı-Tbilisi-Qars dəmir yolunun rəsmi açılış mərasimində Azərbaycan və Türkiyə prezidentləri ilə yanaşı, Gürcüstan, Qazaxıstan və Özbəkistanın Baş nazirlərinin, Türkmənistanın, Tacikistanın və digər ölkələrin rəsmilərinin iştirak etdiyi, bu faktın özünün layihənin region üçün əhəmiyyətinin göstəricisi olduğu bildirilib. Səfir deyib: “Azərbaycan Prezidenti İlham Əliyevin qeyd etdiyi kimi, bir çoxları Bakı-Tbilisi-Qars dəmir yolunun tikintisinə inanmırdı və onun reallaşmasını qeyri-mümkün hesab edirdilər. Bu layihə üç ölkə arasındakı dostluğun və qardaşlığın nəticəsidir”.

Daha sonra aparıcı Bakı-Tbilisi-Qars dəmir yolunun əhəmiyyətindən bəhs edib. İlkin mərhələdə ildə 1 milyon sərnişin və 6,5 milyon ton yük daşıma potensialına malik yolun Avropa ilə Asiya bazarlarını bir-birinə bağladığını deyən aparıcı üç ölkə arasında bu sahədə əməkdaşlıqla bağlı səfirin fikirlərini soruşub.

E.Süleymanov Azərbaycan, Gürcüstan və Türkiyənin əvvəlki dövrlərdə enerji sahəsində, o cümlədən Bakı-Tbilisi-Ceyhan neft, Bakı-Tbilisi-Ərzurum qaz kəmərləri kimi mühüm əhəmiyyətə malik birgə layihələr həyata keçirdiklərini, hazırda isə Avropanın ən böyük infrastruktur layihələrindən biri olan “Cənub Qaz Dəhlizi”nin inşası üzərində işlədiklərini vurğulayıb. O, Bakı-Tbilisi-Qars dəmir yolunun qeyri-enerji sektorunda ilk belə irimiqyaslı layihə olduğunu söyləyib. Səfir ABŞ ilə Avropa İttifaqının (Aİ) da bu dəmir yolunu dəstəklədiyini və rəsmi açılış münasibətilə bəyanat verdiklərini vurğulayıb. Qeyd edilib ki, Aİ yaydığı bəyanatda həmin dəmir yolunun Şərq Tərəfdaşlığı, eləcə də Mərkəzi Asiya strategiyasının mahiyyətinə uyğun gəldiyini bildirib.

Sonda aparıcı Bakı-Tbilisi-Qars dəmir yoluna ABŞ tərəfindən göstərilən dəstəyə, habelə bu layihənin region ölkələri ilə bu sahədə əməkdaşlığa marağının artmasına toxunaraq, bu xüsusda ABŞ-ın İxraca Nəzarət və Sərhəd Təhlükəsizliyi Proqramı çərçivəsində həm Azərbaycanda, həm də Gürcüstanda gömrük və sərhəd keçid məsələlərinə həsr olunmuş təlimlərin təşkil edildiyini bildirib.

Aparıcının Azərbaycanın ABŞ üçün strateji əhəmiyyətinə dair sualını cavablandıran səfir əlverişli coğrafi mövqeyə malik ölkəmizin qədim İpək Yolunun mühüm hissəsi olduğunu, Şərq-Qərb və Şimal-Cənub yollarının kəsişməsində yerləşdiyini, eləcə də mühüm enerji layihələrinin təşəbbüskarı və müəllifi kimi çıxış etdiyini bildirib. O deyib: “Azərbaycan NATO-nun Şimal Təchizat Şəbəkəsi çərçivəsində ABŞ ilə yaxından əməkdaşlıq edir. Bununla yanaşı, ölkəmiz ABŞ ilə əlaqələrə böyük diqqət yetirir və bu münasibətlərin inkişafı hər iki tərəf üçün faydalıdır”. Müsahibənin tam versiyasını https://player.fm/series/the-john-batchelor-show/azerbaijan-starts-the-silk-road-of-iron-rails-elinsuleymanov internet səhifəsindən əldə etmək olar.

Qeyd edək ki, “Con Batçelor Şou” verilişi gündəlik həyatda aktual olan beynəlxalq hərbi, siyasi və iqtisadi mövzulara həsr olunur, ABŞ-da federal ABC Radio Şəbəkəsinə daxil müxtəlif ştat və şəhərlərdə geniş çeşidli radio kanalları tərəfindən həm canlı, həm də audio yazısı geniş yayımlanır. Bu gündəlik şou ABŞ-da milyonlarla dinləyici auditoriyasına malikdir.(Azərtac)


Kateqoriya : İQTİSADİ Baxış sayı : 961

QHT və MEDİA

2020-05-26 08:25:22

QHT və MEDİA
Parisdə 28 May - Respublika Gününə həsr ...
Parisdə 28 May - Respublika Gününə həsr ...

Mayın 27-də Parisdə yerli vaxtla saat 16:00-da Azərbaycan Xalq Cümhuriyyətini...

2020-05-24 09:05:41

QHT və MEDİA
Tural Gəncəliyev: Ermənistanın siyasi rə...
Tural Gəncəliyev: Ermənistanın siyasi rə...

Mayın 21-də Ermənistan sülh prosesinə ən yüksək səviyyədə zərbə vuran bir add...

CƏMİYYƏT

2020-05-18 15:15:58

CƏMİYYƏT
QHT ictimai nəzarəti necə təmin edə bil...
QHT ictimai nəzarəti necə təmin edə bil...

Bu gün vətəndaş cəmiyyətinin fəaliyyəti bizi qane edirmi sualına birmənalı ca...

2020-05-17 09:20:42

CƏMİYYƏT
Laçının “Dəhliz” edilməsi, Qarabağın süq...
Laçının “Dəhliz” edilməsi, Qarabağın süq...

Laçının şərq hissəsi Qarabağ silsiləsinin qərb yamacında, şimalı Mıxtökən si...

İQTİSADİ

2020-05-15 10:35:56

İQTİSADİ
Azərbaycan Qafqazdan keçən Avrasiya nəql...
Azərbaycan Qafqazdan keçən Avrasiya nəql...

Azərbaycan Qafqaz regionundan keçən Avrasiya nəqliyyat marşrutlarının inkişaf...

2020-05-12 12:15:01

İQTİSADİ
Avropa Şurası "Şərq tərəfdaşlığı" ölkələ...
Avropa Şurası "Şərq tərəfdaşlığı" ölkələ...

Avropa Şurası viza rejiminin liberallaşması üzrə mövcud fəaliyyət planının uğ...