SİYASƏT
A- A A+

Azərbaycan səfirliyi Almaniya mətbuatında ölkəmizə qarşı aparılan kampaniyaya ilə bağlı bəyanat verib

2015-06-10 09:40:31

Azərbaycanın Almaniyadakı səfirliyi bəzi alman kütləvi informasiya vasitələrində ölkəmizə qarşı aparılan kampaniyaya ilə bağlı bəyanat yayıb.

Səfirlik son günlərdə Almaniya mətbuatında Azərbaycanın ev sahibliyi edəcəyi ilk Avropa Oyunları haqqında yayılmış qərəzli məlumatları ölkəmizə qarşı aparılan qarayaxma kampaniyası adlandırıb.

Bəyanatda bu kampaniyanın fəal iştirakçıları olan “Frankfurter Allgemeine Zeitung” qəzetinin müxbiri Kristof Bekerin, “Der Tagesspiegel” qəzetinin müxbiri Klaudia fon Zaltsenin və “Deutschlandradio” şirkətinə məxsus radio-kanalların simasında Azərbaycan haqqında qeyri-obyektiv xəbərlər yayan mətbuat nümayəndələri sərt tənqid olunub. Bəyanatda diqqətə çatdırılır ki, həmin mətbu orqanlarda Azərbaycanın ünvanına səsləndirilən tənqidi fikirlər faktlara deyil, uydurma və ya natamam məlumatlara əsaslanır, ölkəmiz haqqında müsbət məqamlar isə qulaq ardına vurulur: “Azərbaycanda insan hüquqları və mətbuat azadlığının vəziyyəti haqqında səsləndirilən tənqid əsassızdır, çünki bu tənqid dərin jurnalist araşdırmaları və obyektiv siyasi analizlərə söykənmir.”

Səfirlik verdiyi bəyanatda Avropa Oyunlarının əhəmiyyətini şübhə altına almağa çalışanlara da sərt şəkildə etiraz edib. Bəyanatda bildirilir ki, bu yarışın keçirilməsi haqqında qərar Avropa Olimpiya Komitəsinin Baş Assambleyasının iclasında böyük səs çoxluğu ilə qəbul edilib. Avropa Olimpiya Komitəsinin üzvü olan 50 ölkənin hamısı ilk dəfə Bakıda keçirilən Avropa Oyunlarında iştirak edirlər. Azərbaycanın ilk Avropa Oyunlarına hazırlığı dəfələrlə beynəlxalq idman mütəxəssisləri, xüsusilə də Avropa Olimpiya Komitəsinin prezidenti Patrik Hikki tərəfindən yüksək qiymətləndirilib. Qeyd olunur ki, Avropa idman ictimaiyyəti Avropa Oyunlarına böyük əhəmiyyət verdiyi halda, mətbuatda Oyunları qərəzli şəkildə tənqid edən məlumatların yayılması heç cür başa düşülmür.

Səfirliyin yaydığı bəyanatda Azərbaycanın demokratik inkişaf yolu keçdiyi, hüquqi dövlətçilik və azad bazar iqtisadiyyatı istiqamətində böyük uğurlar əldə etdiyi vurğulanıb, söz və fikir azadlığının tam şəkildə təmin olunması konkret faktlarla diqqətə çatdırılıb. Səfirlik, həmçinin Ermənistanın hərbi təcavüzü nəticəsində Azərbaycanın 20 faiz ərazisinin işğal altında olmasına və bir milyon azərbaycanlının öz doğma torpağından qovulmasına etiraz etməyən mətbuat nümayəndələrini ikiüzlükdə ittiham edib.

 

Bəyanatın sonunda bildirilir ki, “Səfirlik Almaniyanın idman ictimaiyyəti və siyasətçilərini ölkəmizə qarşı aparılan qarayaxma kampaniyasından uzaq durmağa çağırır. İdman yarışı mənfi məqsədlər üçün siyasiləşdirilməli deyil, xalqlar arasında anlaşma yaratmaq üçün istifadə olunmalıdır.”


Kateqoriya : SİYASƏT Baxış sayı : 1362

QHT və MEDİA

2018-07-15 11:40:29

QHT və MEDİA
“Səhra həkimləri” sənədli filminin təqdi...
“Səhra həkimləri” sənədli filminin təqdi...

Bugünki vəziyyətdə Azərbaycanın ərazi bütövlüyünün bərpası güclü vətəndaşlı...

2018-07-13 17:10:51

QHT və MEDİA
Cənub bölgəsində Prezidentin Fərmanına i...
Cənub bölgəsində Prezidentin Fərmanına i...

11 iyul 2018-ci il tarixində, Azərbaycan Respublikasının Prezidenti yanında ...

CƏMİYYƏT

2018-07-14 09:05:08

CƏMİYYƏT
YAP Pirallahı rayon təşkilatının sədri H...
YAP Pirallahı rayon təşkilatının sədri H...

Ümummilli lider Heydər Əliyevin 1969-cu il iyulun 14-də Azərbaycan rəhbərl...

2018-07-13 14:30:58

CƏMİYYƏT
Rufiz Qonaqov: NATO Sammitinin yekun sən...
Rufiz Qonaqov: NATO Sammitinin yekun sən...

Azərbaycan Prezidenti İlham Əliyevin Brüsselə səfəri, keçirdiyi görüşlər, imz...

İQTİSADİ

2018-07-13 10:25:36

İQTİSADİ
Zurab Pololikaşvili: Azərbaycanda turizm...
Zurab Pololikaşvili: Azərbaycanda turizm...

Görüşdə son illər Azərbaycanda turizm sektorunda reallaşdırılmış tədbirlərin ...

2018-07-10 08:05:18

İQTİSADİ
Yüksək bal toplayanlara UNEC-də ikinci i...
Yüksək bal toplayanlara UNEC-də ikinci i...

2018/2019-cu tədris ilindən UNEC-ə 700 bal toplayaraq qəbul olan tələbələr pr...