CƏMİYYƏT
A- A A+

Mənim Tanrım gözəllikdir

2017-10-26 10:25:14

Hüseyn Cavidin anadan olmasının 135-ci ildönümünə həsr edilmiş tədbir keçirilib

Tədbir Prezident İlham Əliyev şairin 135 illik yubileyinin keçirilməsi haqqında imzaladığı müvafiq Sərəncama əsasən təşkil olunub. AYB-in Hüseyn Cavid irsi komissiyasının təşkilatçılığı ilə reallaşan tədbirdə qurumun katibi, komissiyanın sədr müavini İlqar Fəhmi deyib ki, totalitarizmin çoxsaylı qurbanlarından biri kimi Cavidin adı doğma xalqının təfəkküründə obrazlaşıb. Onun adı doğma xalqının təfəkküründə ölməzlik, vətənsevərlik və dəyanət nümunəsi olaraq əbədiləşib.

H.Cavid ədəbi-məclisinin sədri, şair Kəmaləddin Qədim ağır repressiya illərində Cavidin mənən sarsılmadan keçdiyi ibrətamiz həyat yolunu dönməzlik, məğrurluq, ziyalılıq yolu adlandırıb. Bildirib ki, ulu öndər Heydər Əliyev Cavid şəxsiyyətinə hər zaman böyük qiymət verib.

Ehtiyatda olan polkovnik Həmid Cəfərov 1982-ci ildə H.Cavidin 100 illik yubileyi ərəfəsində nəşinin ulu öndər Heydər Əliyevin iradəsi və uzaqgörənliyi sayəsində Vətənə gətirilməsini, məzarı üzərində məqbərənin ucaldılmasını xalqın və Ulu Öndərin böyük şəxsiyyətə ehtiramı kimi qiymətləndirib. Tədbirdə çıxış edən digər natiqlər bildiriblər ki, 1937-ci il və ondan sonrakı hadisələr dahi sənətkarın ideya-məfkurə istiqamətini zərrə qədər də dəyişə bilmədi. Milli poeziyamızda fəlsəfi lirikanın təkrarsız nümunələrini yaratmış Hüseyn Cavidin mənzum faciələri və tarixi dramları ilə Azərbaycan dramaturgiyasında yeni mərhələ açdığını bildirən natiqlər onun yaradıcılığının Şərqin estetik fikir tarixi və dünya romantizm ənənələri ilə sıx bağlı olduğunu diqqətə çatdırıblar.

Bildirilib ki, dahi dramaturqun zəngin irsinə “Keçmiş günlər”, “Bahar şəbnəmləri” şeirlər silsiləsi, “Azər”, “Kor neyzən” poemaları, “Ana”, “Maral”, “Şeyx Sənan”, “İblis”, “Şeyda”, “Uçurum”, “Afət”, “Peyğəmbər, “Topal Teymur”, “Knyaz”, “Səyavuş”, “Xəyyam”, “İblisin intiqamı” dramları, ədəbi, elmi, ictimai baxışlarını əks etdirən məqalələri, məktubları daxildir.

“Mənim Tanrım gözəllikdir, sevgidir”, - deyən Hüseyn Cavidin dramaturq olmazdan öncə romantik şair, sevgi və gözəllik aşiqi kimi tanındığı vurğulanıb. Şairin poeziyasını əbədi edən isə şairin həyata sevgisi, dərin kamalı və sağlam, məntiqi fəlsəfəsi olduğu bildirilib.


Kateqoriya : CƏMİYYƏT Baxış sayı : 632

QHT və MEDİA

2019-12-10 21:10:55

QHT və MEDİA
Şura Ulu Öndər Heydər Əliyevin əziz xati...
Şura Ulu Öndər Heydər Əliyevin əziz xati...

Tədbiri açıq elan edən Şuranın ictimaiyyətlə əlaqələr bölməsinin rəhbəri Elmə...

2019-12-10 18:00:15

QHT və MEDİA
İnformasiya təhlükəsizliyinə həsr olunan...
İnformasiya təhlükəsizliyinə həsr olunan...

Jurnalistlərin Həmkarlar İttifaqının təşkilatçılığı (JuHİ) ilə Bakı şəhərində...

CƏMİYYƏT

2019-12-04 10:50:22

CƏMİYYƏT
Elxan Ələsgərov: Erməni nazir Rusiyaya q...
Elxan Ələsgərov: Erməni nazir Rusiyaya q...

Yerevanda İordaniyanın xarici işlər və miqrantlarla iş üzrə naziri Ayman Safa...

2019-12-02 12:05:29

CƏMİYYƏT
Klassik irsimizin zirvəsi
Klassik irsimizin zirvəsi

Əsərləri klassik Azərbaycan poeziyasının incilərindən sayılan Mirzə Şəfi Vaze...

İQTİSADİ

2019-12-10 20:15:07

İQTİSADİ
“The Jerusalem Post”: TANAP qaz kəməri A...
“The Jerusalem Post”: TANAP qaz kəməri A...

Azərbaycan özünün Cənub Qaz Dəhlizi meqalayihəsini uğurla davam etdirir. Azər...

2019-12-08 09:30:36

İQTİSADİ
“Abşeron” yatağı Azərbaycanın daxili təl...
“Abşeron” yatağı Azərbaycanın daxili təl...

Dekabrın 6-da SOCAR-ın prezidenti Rövnəq Abdullayev Fransanın TOTAL şirkəti...