CƏMİYYƏT
A- A A+

Tbilisidə Azərbaycan ocağı

2017-10-20 07:50:03

.

Tbilisidə keçiriləcək konfransa dəvət alanda ağlıma ilk gələn fikir Mirzə Fətəli Axundovun bu şəhərdəki ev-muzeyini ziyarət etmək oldu. Konfrans işini yekunlaşdıran kimi internet vasitəsiylə muzeyin ünvanını tapdım: Vaxtanq Qorsaqali küçəsi 17... Muzey bizim qaldığımız oteldən piyada 10 dəqiqəlik məsafədə yeləşirdi, özü də şəhərin mərkəzində, daha çox azərbaycanlıların məskunlaşdığı yerdə. Vestibüldə bizi azərbaycanlı mühafizəçi qarşıladı.

Muzeyin girişində dahi mütəfəkkirin büstü qoyulmuşdu. Binanın birinci mərtəbəsində art-kafe var idi. Burada tez-tez rəsm əsərlərinin sərgisi və bədii gecələr keçirildiyini öyrəndik. Yaxın dostum, konfrans iştirakçısı Seymur Nağıyevlə hərəyə üç lari verib muzeyə daxil olduq. Muzey əməkdaşı Cəmilə xanımın şirin, özünəməxsus ləhcəsiylə dramaturqun həyatına qısa ekskurs etdik. Öyrəndik ki, muzeydə 2700-ə yaxın eksponat sərgilənir. Sərgilənən eksponatların bir qismi orijinal olmasa da, çox nəfis formada tərtib edilib.

Cəmilə xanım söhbət zamanı bildirdi ki, 22 yaşında Tiflisə gələn Mirzə Fətəli Axundov 1864-cü ildə bu ərazini alaraq ikimərtəbəli binanı öz layihəsi ilə tikdirir və ömrünün sonunadək burada yaşayır. Keçmiş sovet dövründə binanın bir qismi yaşayış üçün şəhər sakinlərinə verildiyindən onun yalnız salamat qalan iki otağında 1982-ci ildə muzey təsis olunur. 2012-ci ildə isə Azərbaycan prezidentinin göstərişi və SOCAR-ın maliyyə dəstəyi, o cümlədən, ciddi nəzarətiylə muzey yenidən bərpa edilir. İlk olaraq ərazidə məskunlaşan yerli əhali SOCAR-ın ayırdığı maliyyə ilə başqa yerlərə köçürülür və bina sıfırdan əsaslı şəkildə yenidən qurulur, üçüncü mərtəbə inşa edilir.

Məqsəd muzeyi azərbaycanlıların mədəniyyət mərkəzinə çevirmək idi. Bu gün muzeyin üçüncü mərtəbəsində yerləşən konfrans zalında tez-tez mədəniyyət tədbirləri keçirilir. Azərbaycan və onun mədəniyyəti Gürcüstanda belə təbliğ olunur. Cəmilə xanım deyir ki, Gürcüstan məktəbliləri, turistlər, Azərbaycan vətəndaşları tez-tez muzeyi ziyarətə gəlirlər.

Bir məqamı qeyd edim ki, biz ziyarətdə olanda artıq möhtəşəm bir təqdimata hazırlıq gedirdi. Muzeydə dramaturqun ailə üzvləri, əsərləri, müasirləri haqqında sənədlər, fotoşəkillər ayrıca bölmələrdə sərgilənir.

Dramaturuqn iş otağı da olduğu kimi saxlanılıb. Muzeydə Qarabağ musiqiçiləri haqqında ayrıca bir bölmə də var. Bu bölmədə M.F.Axundovun böyük hörmət bəslədiyi Xurşidbanu Natəvanın porteti, müasirlərinin arxiv fotoları sərgilənir.

Muzeydən xoş təəssüratla ayrılırıq. Azərbaycan səfirliyinin möhtəşəm inzibati binası da bu ərazidə yerləşir. Üçgünlük səfər çərçivəsində şəhərdə çoxsaylı Şərq mədəniyyətinin nümunələrini gördük və ziyarət etdik.

Fəxr duyulası məqamlar çox oldu. Məbədə çevrilən muzey bu gün Tbilisidə Azərbaycan mədəniyyətinin təbliğat mərkəzinə çevrilib. Bu gün M.F.Axundovun muzeyə çevrilən evi təmiz və saf Azərbaycan sevgisi üzərində qurulduğundan inanıram ki, bundan sonra da muzey mədəniyyət mərkəzi kimi bir sıra ciddi və yaddaqalan layihələrə imza atacaq.

Vüqar TOFİQLİ


Kateqoriya : CƏMİYYƏT Baxış sayı : 581

QHT və MEDİA

2018-06-21 08:45:09

QHT və MEDİA
Azərbaycan Ordusunun 100 illiyinə həsr o...
Azərbaycan Ordusunun 100 illiyinə həsr o...

İyunun 20-də Silahlı Qüvvələrin Hərbi Akademiyasının təşkilatçılığı ilə Müdaf...

2018-06-20 09:15:36

QHT və MEDİA
Parisdə türk dünyası ilə bağlı silsilə t...
Parisdə türk dünyası ilə bağlı silsilə t...

Fact-info.az AZƏRTAC-a istinadən xəbər verir ki, konfrans Beynəlxalq Türk M...

CƏMİYYƏT

2018-06-19 08:55:32

CƏMİYYƏT
“Kolokol Rossii”: Ermənistanın Paşinyan ...
“Kolokol Rossii”: Ermənistanın Paşinyan ...

Fact-info.az AZƏRTAC-a istinadən müəllifi Aleksandr Nikişin olan məqaləni tə...

2018-06-19 07:50:35

CƏMİYYƏT
Xələf Xələfov sərhədlərin delimitasiyası...
Xələf Xələfov sərhədlərin delimitasiyası...

"Rusiya ilə sərhədin demarkasiyası prosesi davam edir. Bu, uzunmüddətli prose...

İQTİSADİ

2018-06-13 10:15:31

İQTİSADİ
Azərbaycan müdafiə və təhlükəsizlik xərc...
Azərbaycan müdafiə və təhlükəsizlik xərc...

Fact-info.az-ın Trend-ə istinadən məlumatına görə, 2018-ci ilin dövlət büdcəs...

2018-06-12 08:35:08

İQTİSADİ
Hərbi məhsullarımız Fransada keçirilən s...
Hərbi məhsullarımız Fransada keçirilən s...

Müdafiə Sənayesi Nazirliyindən APA-ya verilən məlumata görə, açılışda müdafiə...