SİYASƏT
A- A A+

BMT-nin baş katibi: “Bakı prosesi” mədəniyyətlərarası dialoqun dəstəklənməsində əsas yer tutur

2017-10-14 09:20:54

.

BMT-nin baş katibi Antoniu Quterreş Baş Assambleyaya “Dünyanın rifahı naminə sülh mədəniyyətinin, dinlərarası və mədənidəniyyətlərarsı dialoqun, qarşılıqlı anlaşmanın və əməkdaşlığın təşviqi” adlı məruzə təqdim edib.

Azərbaycanın BMT yanında Daimi Nümayəndəliyindən AZƏRTAC-a bildirilib ki, məruzədə BMT Baş Assambleyasının müvafiq qətnamələrinin icrasında BMT-nin sülh mədəniyyəti, dinlərarası və mədəniyyətlərarası dialoqun təşviqi məsələləri ilə məşğul olan əsas təşkilatları haqqında informasiya yer alıb.

Məruzənin dayanıqlı inkişafın maraqları baxımından dialoqa, onun etnik, dini, sosial və mədəni tərkib hissələri məsələlərinə həsr edilən bölməsində BMT-nin baş katibi Azərbaycanın YUNESKO, BMT-nin Sivilizasiyalar Alyansı, Dünya Turizm Təşkilatı, Ərzaq və Kənd Təsərrüfatı Təşkilatı, Avropa Şurası, ISESCO-nun tərəfdaşlığı ilə keçirdiyi Ümumdünya Mədəniyyətlərarası Dialoq Forumunu xüsusilə vurğulayır.

Baş katib qeyd edir ki, 2008-ci ildən reallaşdırılan “Bakı prosesi” mədəniyyətlər arasında dialoqun dəstəklənməsi cəhdlərində əsas yer tutur, bu proses çərçivəsində iki ildən bir keçirilən Ümumdünya Forumu isə mədəniyyətlərarası dialoqun təşviqi üçün zəruri qlobal platforma kimi özünü təsdiqləyib. Məruzədə bildirilir ki, 2017-ci il mayın əvvəlində “Mədəniyyətlərarası dialoqun inkişafı: İnsan təhlükəsizliyi, sülh və davamlı inkişaf üçün yeni imkanlar” mövzusunda Bakıda keçirilən IV Ümumdünya Mədəniyyətlərarası Dialoq Forumunda əvvəlki forumlarda olduğundan daha çox nümayəndə iştirak edib, daha çox tədbirlər və işçi iclaslar keçirilib.

Baş katibin məruzəsində builki Forum çərçivəsində keçirilmiş Nazirlər Görüşü, “Qızların təhsili vasitəsilə zorakı ekstremizmə qarşı” mövzusunda iclas barədə məlumat verilir.

Məruzədə vurğulanır ki, Forumda 120-dən çox ölkədən 800 nümayəndə resursların, toplanmış bilik və təcrübənin mübadiləsi məsələlərini müzakirə edib. Baş katibin sözlərinə görə, bu müzakirələr Mədəniyyətlərin Yaxınlaşması üzrə Beynəlxalq Onilliyin Məqsədlərinin birgə dərkinə və reallaşdırılmasına yönələn tədbirlər görməyə, Dayanıqlı İnkişafın 16-cı məqsədində göstərilən sülhpərvər və açıq cəmiyyətlərin qurulmasına, “Bakı prosesi”nin həyata keçirilməsinə yeni imkanlar yaradır.


Kateqoriya : SİYASƏT Baxış sayı : 363

QHT və MEDİA

2019-02-18 08:40:09

QHT və MEDİA
Ermənilər azərbaycanlılar və çeçenlər ar...
Ermənilər azərbaycanlılar və çeçenlər ar...

Trend-in məlumatına görə, erməni sosial şəbəkə istifadəçiləri həmyerlilərini ...

2019-02-16 11:30:34

QHT və MEDİA
Zahid Oruc Sosial Tədqiqatlar Mərkəzinin...
Zahid Oruc Sosial Tədqiqatlar Mərkəzinin...

Trend-in məlumatına görə, bunu Sosial Tədqiqatlar Mərkəzinin (STM) İdarə Heyə...

CƏMİYYƏT

2019-02-18 18:10:30

CƏMİYYƏT
Ombudsmandan Xocalı soyqırımı ilə bağlı ...
Ombudsmandan Xocalı soyqırımı ilə bağlı ...

Bəyanatda deyilir: "Ermənistanın Azərbaycana qarşı uzun illər işğalçılıq və s...

2019-02-15 09:05:13

CƏMİYYƏT
Haqq və ədalətin inkarı: "Freedom House"...
Haqq və ədalətin inkarı: "Freedom House"...

Ayrıca "Freedom House" təşkilatının nə dərəcədə "obyektiv" olduğu barədə də ə...

İQTİSADİ

2019-02-18 16:05:32

İQTİSADİ
Prezident Sumqayıtda “SOCAR Polymer”in p...
Prezident Sumqayıtda “SOCAR Polymer”in p...

Trend Prezidentin Mətbuat Xidmətinə istinadən xəbər verir ki, Dövlət Neft Şir...

2019-02-16 08:55:20

İQTİSADİ
"Davamlı inkişafın sosial-iqtisadi probl...
"Davamlı inkişafın sosial-iqtisadi probl...

Konfransın açılış mərasimində təşkilatçılarla yanaşı, Təhsil Nazirliyi, İqtis...