SOSİAL
A- A A+

İstanbulda keçiriləcək “D-8” Zirvəsinə hazırlıq işləri başa çatıb

2017-10-10 08:05:01

Oktyabrın 19-da və 20-də Türkiyə daha bir beynəlxalq təşkilatın dövlət başçılarının Zirvə görüşünə ev sahibliyi edəcək

Bu dəfə “İnkişafda olan səkkizlər”in (D-8) dövlət və hökumət başçıları İstanbulda bir araya gələcəklər. Türkiyə tərəfi ev sahibliyi etdiyi bu Zirvəyə Azərbaycanı xüsusi qonaq statusu ilə dəvət edib.

“D-8” formatına Türkiyə, İran, Pakistan, Bangladeş, Malayziya, İndoneziya, Misir və Nigeriya daxildir. Təşkilatın üzvlərindən ikisi Türkiyə və İndoneziya “Böyük iyirmilər”in (G-20) üzvüdür. Qeyd edək ki, Türkiyənin sədrliyi dövründə Azərbaycan “Böyük iyirmilər”in toplantılarında xüsusi statuslu qonaq kimi iştirak edib. “D-8”in yaranması ideyası İslam Əməkdaşlıq Təşkilatının 1996-cı il oktyabrın 22-də İstanbulda keçirilmiş toplantısı çərçivəsində meydana çıxıb və bir il sonra təşkilatın İstanbul Zirvə toplantısı ilə təsis olunub. “D-8” ötən dövrdə böyük inkişaf yolu keçib. Hazırda təşkilat Zirvə, Şura və Komissiyalardan ibarət 3 əsas rəhbər struktur tərəfindən idarə olunur.

“D-8” Birləşmiş Millətlər Təşkilatında 2014-cü ildən müşahidəçi statusu ilə təmsil olunur. Təşkilata üzvlük inkişaf etmiş ölkələr üçün azaddır. İlk növbədə üzv ölkələrdə elm və texnologiyaların, ticarət, sənaye, kənd təsərrüfatı, o cümlədən balıqçılıq və qablaşdırılmış qida istehsalını yüksəltmək təşkilatın qarşıya qoyduğu əsas vəzifədir.

Tərəflər hesab edirlər ki, iqtisadi əməkdaşlığı genişləndirməklə, o cümlədən ticarət sahəsindəki imkanlardan daha səmərəli istifadə etməklə həm üzv ölkələrin, eyni zamanda, onların qarşılıqlı münasibətlərdə olduqları ölkələrin inkişafına böyük töhfələr vermək mümkündür. Təşkilatın katibliyinin rəsmi məlumatına görə, 2015-ci ildə üzv ölkələrin ümumi daxili məhsulu ümumilikdə 3,6 trilyon dollar olub. Bundan başqa, hesabat ilində ticarət dövriyyəsi 120 milyard, ixracat isə 693 milyard dollar məbləğinə yüksəlib. Bu göstərici dünyadakı illik ticarət dövriyyəsinin təxminən 4 faizini təşkil edir.

Artıq iyirmi yaşını qeyd etməyə hazırlaşan “D-8” bu vaxtadək 8 Zirvə, 37 komissiya iclası, 16 şura toplantısı keçirib. Ekspertlər hesab edirlər ki, “D-8” qurumuna üzv olan ölkələr arasında ticarət dövriyyəsinin məbləğini 500 milyard, ixracatı isə 800 milyard ABŞ dolları səviyyəsindən yuxarı qaldırmaq mümkündür. Heç şübhəsiz ki, oktyabrın 19-da başlayacaq və iki gün davam edəcək “D-8” IX İstanbul Zirvəsi dünya iqtisadiyyatındakı mövcud problemlərin həlli yollarının göstərilməsi üçün də böyük töhfələr verəcək.

Təşkilat komitəsinin məlumatına görə, “D-8” Zirvəsinə hazırlıq işləri başa çatıb. Türkiyə Nazirlər Kabinetinin Mətbuat və İnformasiya Baş İdarəsi Zirvəni izləmək üçün KİV nümayəndələrinin qeydiyyatını oktyabrın 10-da başa çatdıracaq. İlkin məlumata görə, Zirvəni işıqlandırmaq məqsədilə 150-dən çox beynəlxalq media qurumunun təmsilçiləri qeydiyyat üçün müraciət ünvanlayıb.(Azərtac)


Kateqoriya : SOSİAL Baxış sayı : 180

QHT və MEDİA

2018-02-22 17:10:35

QHT və MEDİA
Regionlarda gənclərin bilik və bacarıqla...
Regionlarda gənclərin bilik və bacarıqla...

“Tərəqqi” Sosial Tədqiqatlar İctimai Birliyi və Mərhəmət Kimsəsizlərə Yardım ...

2018-02-21 17:00:17

QHT və MEDİA
“Cəzasız cinayət” - Xocalı soyqırımından...
“Cəzasız cinayət” - Xocalı soyqırımından...

Filmin məsləhətçisi BDU-nun rektoru, akademik Abel Məhərrəmov, ssenari müəlli...

CƏMİYYƏT

2018-02-22 17:20:31

CƏMİYYƏT
“Xocalı şahidləri danışır” kitabının təq...
“Xocalı şahidləri danışır” kitabının təq...

Fevralın 22-də Beynəlxalq Mətbuat Mərkəzində “Xocalı şahidləri danışır” kitab...

2018-02-20 08:25:22

CƏMİYYƏT
Şəhid atası: "Övladımın şəhidliyi mənə m...
Şəhid atası: "Övladımın şəhidliyi mənə m...

UNEC-in İqtisadiyyat fakültəsində keçirilən tədbirdə şəhidin müəllimləri, dos...

İQTİSADİ

2018-02-22 10:10:43

İQTİSADİ
Bakı-Tbilisi-Qars dəmir yolu ilə sərnişi...
Bakı-Tbilisi-Qars dəmir yolu ilə sərnişi...

Bakı-Tbilisi-Qars dəmir yolu ilə sərnişin daşınması yəqin ki, bu ilin sonunad...

2018-02-20 08:10:24

İQTİSADİ
Bakıda "IT və IT Təhlükəsizlik üzrə konf...
Bakıda "IT və IT Təhlükəsizlik üzrə konf...

AZƏRTAC Azərbaycan Banklar Assosiasiyasına (ABA) istinadla xəbər verir ki, "A...