SOSİAL
A- A A+

İordaniyanın “Ər-Rəy” qəzetində Azərbaycan haqqında məqalə dərc olunub

2015-06-04 09:50:14

İordaniyanın “Ər-Rəy” qəzetində Azərbaycanın bu ölkədəki səfirliyinin müşaviri Hüseyn Rəhimlinin “Azərbaycan qədim tarixi köklərə malik dünyəvi, demokratik dövlətdir” adlı məqaləsi dərc edilib

Müəllif hələ 1918-ci ildə Şərqdə ilk demokratik dövlət olan Azərbaycan Xalq Cümhuriyyətinin yaranması haqqında söhbət açır. Eyni zamanda, demokratik, hüquqi, milli mənəvi dəyərlərə söykənən müasir müstəqil Azərbaycan dövlətinin iqtisadi dirçəlişinin, siyasi imicinin formalaşmasının, mədəni intibahının ümummilli lider Heydər Əliyevin adı ilə bağlı olduğu vurğulanır.

Məqalədə 1994-cü ildə imzalanan “Əsrin Müqaviləsi”nin dövlət müstəqilliyinin təmin olunması, gələcək inkişafın əsaslarının formalaşdırılması baxımından müstəsna əhəmiyyətə malik olduğu bildirilir. Qeyd edilir ki, tarixi təcrübəyə əsaslanan müstəqil siyasət kursu Azərbaycana öz milli maraqlarını daha effektiv müdafiə etməsinə imkan verir. Hazırda Prezident İlham Əliyevin həyata keçirdiyi çoxşaxəli, balanslaşdırılmış xarici siyasətin məntiqi nəticəsində beynəlxalq aləmdə nüfuzu gündən-günə artan Azərbaycanın həlledici geosiyasi oyunçuya və regionun lider dövlətinə çevrilməsi ilə yanaşı, qlobal məsələlərin həllinə daha aktiv cəlb olunması xüsusi vurğulanır. Müəllif son illər Azərbaycanın bütün sahələrdə əldə etdiyi uğurlardan ətraflı bəhs edir.

Məqalədə Azərbaycan Prezidentinin düşünülmüş siyasi kursunun ölkəmizin dinamik sosial-iqtisadi inkişafına xidmət etdiyi, son 10 ildə həyata keçirilən məqsədyönlü siyasət nəticəsində Azərbaycanın iqtisadi göstəricilərə görə dünyanın aparıcı dövlətləri ilə bir sırada dayandığı diqqətə çatdırılır.

Azərbaycanın regionda və dünyada humanitar mərkəz statusunu möhkəmləndirdiyi, o cümlədən multikulturalizm ideyasının təşviqinə, dinlərarası və millətlərarası dialoqun inkişaf etdirilməsinə öz dəyərli töhfəsini verdiyi, bu gün də Azərbaycanın bütün dünyada milli və dini tolerantlıq məkanı kimi tanındığı vurğulanır, bununla bağlı Bakıda keçirilən tədbirlərdən söhbət açılır.

Müəllif Ermənistan-Azərbaycan, Dağlıq Qarabağ münaqişəsindən də yazır, problemin həll edilməməsinin regionun inkişafına mənfi təsir göstərən amil olduğunu qeyd edir. Ermənistanın qeyri-konstruktiv siyasətindən bəhs edən diplomat bildirir ki, Azərbaycan rəhbərliyi tərəfindən münaqişənin sülh yolu ilə həll edilməsi istiqamətində göstərilən ardıcıl səylərə baxmayaraq, rəsmi Yerevanın təcavüzkar siyasət yeritməsi münaqişənin həllinə maneə yaradır.

Məqalədə Bakıda keçiriləcək ilk Avropa Oyunlarına hazırlıq istiqamətində görülən işlər haqqında ətraflı məlumat verilir, iordaniyalılar qonaq olaraq Azərbaycana dəvət edilir. İlk Avropa Oyunlarının Azərbaycanın tarixində yeni bir səhifə açacağına, nəticədə ölkəmizin beynəlxalq aləmdə nüfuzunun daha da artacağına əminlik ifadə edilir.

Müəllif əldə edilən bütün nailiyyətlərin bu gün Azərbaycanın güclü, inkişaf edən, müstəqil siyasət yürüdən dövlət kimi gələcəyə nikbinliklə baxmaq üçün tam əsas yaratdığını vurğulayır.

 

 

 


Kateqoriya : SOSİAL Baxış sayı : 1007

QHT və MEDİA

2019-01-23 19:40:21

QHT və MEDİA
Şuranın dövlət orqanları tərəfindən veri...
Şuranın dövlət orqanları tərəfindən veri...

Bu gün Şuranın cənab prezident İlham Əliyevin “Dövlət orqanları tərəfindən qe...

2019-01-22 09:05:43

QHT və MEDİA
Ermənilərlə barış planı necə ola bilər?...
Ermənilərlə barış planı necə ola bilər?...

Hətta bəzi beynəlxalq təşkilatların nümayəndələri Azərbaycana və Ermənistana ...

CƏMİYYƏT

2019-01-24 08:25:18

CƏMİYYƏT
Sətir-sətir oxu məni
Sətir-sətir oxu məni

Torpaq-yurd sevgisi, dünyanın müəmmaları, böyüyə hörmət, müəllimlərə ehtiram,...

2019-01-22 20:20:14

CƏMİYYƏT
Əfsanəvi sərkərdə Həzi Aslanovun anım mə...
Əfsanəvi sərkərdə Həzi Aslanovun anım mə...

Əfsanəvi qəhrəmanın abidəsi önünə əklillərin qoyulması ilə başlanan mərasimdə...

İQTİSADİ

2019-01-22 18:40:25

İQTİSADİ
"Azərbaycan inkişaf strategiyasını beynə...
"Azərbaycan inkişaf strategiyasını beynə...

Bunu Azərbaycan Prezidenti İlham Əliyev Davosda Dünya İqtisadi Forumunun prez...

2019-01-15 10:05:29

İQTİSADİ
Dağlıq Qarabağ münaqişəsi həll edilmədən...
Dağlıq Qarabağ münaqişəsi həll edilmədən...

İslam Əməkdaşlıq Təşkilatına daxil olan ölkələrin regiona və Ermənistan-Azərb...