QHT və MEDİA
A- A A+

QHT TV-nin təqdimat mərasimi keçirilib

2017-09-14 09:35:26

.

Sentyabrın 13 - də Beynəlxalq Mətbuat Mərkəzində Azərbaycanda ilk dəfə QHT-lər üçün ixtisaslaşmış internet televiziyasının təqdimat mərasimi keçirilib. Tədbiri giriş sözü ilə ""QHT TV" - vətəndaş cəmiyyəti təşkilatları üçün media imkanlarının genişləndirilməsi" layihəsinin və QHT TV-nin rəhbəri Cəsarət Hüseynzadə açaraq bildirib ki, layihə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə "Şəmsi Əsədullayev" xeyriyyə ictimai birliyi tərəfindən həyata keçirilir.

Layihənin əsas mahiyyəti QHT-lərin fəaliyyəti haqqında video informasiyaların hazırlanması və yayımını təşkil etməklə, Azərbaycanda ixtisaslaşmış ilk QHT TV-nin (internet TV) formalaşdırlmasıdır.

QHT TV-nin rəhbəri vurğulayıb ki, layihə QHT-lərin fəaliyyəti haqqında cəmiyyətdə dolğun məlumatların formalaşması və Vətəndaş Cəmiyyəti Təşkilatları haqqında informasiyanın əlçatanlığının inkişaf etdirilməsini hədəfləyir. QHT TV-nin əsas vəzifələrindən biri qeyri-kommersiya təşkilatları, vətəndaş birlikləri, vətəndaşların və gənclərin fəal hissəsinin fəaliyyətini təbliğ etməkdir. Layihə problemləri və onların həlli yollarını axtaran qrupların fəaliyyətini ümumi auditoriyaya çatdırmaq üçün informasiya təminatını həyata keçirəcəkdir. Bu fəaliyyət Azərbaycanda qeyri-kommersiya sektorunun təbliğini, QHT-lərin sosial və digər problemlərin həllinə verdiyi töhfələri, sektorlar arası ünsiyyət və qarşılıqlı inamın inkişaf etdirlməsinə dəstək verməyi hədəfləyir.

Layihə çərçivəsində 30 video materialın hazırlanması nəzərdə tutulsa da, bu günə kimi artıq 60-a yaxın video material hazırlanıb. Bu materiallar sırasında QHT-lərin həyata keçirdiyi tədbirlərdən reportajlar, QHT sektorunda baş verən hadisələr ilə bağlı xəbərlər, QHT sektorunu maraqlandıran müxtəlif problemlərlə bağlı müsahibələr və digər materiallar hazırlanaraq yayımlanıb. QHT TV-nin bütün materialları layihə çərçivəsində yaradılan qhttv.az saytında yayımlanıb.

Bütün video materiallar eyni zamanda qht.az saytında, facebook sosial şəbəkəsində, QHT TV-nin youtube və myvideo.az kanalında yayımlanıb. Cəsarət Hüseynzadə alternativ imkanlar çərçivəsində QHT TV-nin davamlı inkişafına nail olmaq üçün çalışacaqlarını bildirib. O bunun üçün müxtəlif resursların olduğunu bildirərək, təşkilat rəhbərlərini QHT TV-yə dəstək olmağa çağırıb. Daha sonra QHT TV-nin hazırladığı xəbər, reportaj və müsahibələrdən ibarət çarx nümayiş edilib.

Tədbirdə çıxış edən Milli QHT Forumunun prezidenti Rauf Zeyni QHT TV-nin fəaliyyətinin vətəndaş cəmiyyəti inkişafına yönəlmiş bir layihə olduğunu və QHT TV komandasının kiçik maliyyə və texniki imkanlar çərçivəsində bu fəaliyyətləri uğurla həyata keçirdiyini bildirib.

Digər QHT rəhbərləri və nümayəndələri Akif Kərimiov, Davud Rəhimli, Mehriban Abdullayeva, İradə Əlilli, Firuzə Əsədullayeva, Tahirə Məmmədova, Mətanət Əsgərqızı, Yaşar Zeynalov, Ayaz Hüseynov, Tahirə Nağiyeva, Şəhla Qarayeva, Ziba Nəbiyeva, Cəmilə Abdulova, Ülkər Priyeva və digərləri QHT TV-nin fəaliyyətə başlamasın müsbət addım kimi dəyərləndirərək, QHT-lərin fəaliyyətinin işıqlandırlması baxımından bu layihənin önəmli olduğunu bildirmişlər.

Eyni zamanda QHT rəhbərləri internet televiziyanın gələcək fəaliyyəti ilə bağlı təklif və tövsiyələrini də səsləndiriblər.


Kateqoriya : QHT və MEDİA Baxış sayı : 665

QHT və MEDİA

2019-08-16 12:55:45

QHT və MEDİA
Sərhəd Mühafizəsinin 100-cü ildönümü...
Sərhəd Mühafizəsinin 100-cü ildönümü...

"Report" xəbər verir ki, Azərbaycan Sərhəd Mühafizəsinin 100-cü ildö­nümü mün...

2019-08-16 09:10:38

QHT və MEDİA
Dağlıq Qarabağ bölgəsinin azərbaycanlı i...
Dağlıq Qarabağ bölgəsinin azərbaycanlı i...

Azərbaycan Respublikası Dağlıq Qarabağ bölgəsinin azərbaycanlı icması Ermənis...

CƏMİYYƏT

2019-08-17 11:20:15

CƏMİYYƏT
Dünyanı fəth edən ecazkar səs
Dünyanı fəth edən ecazkar səs

Hər bir bəşər övladının ölümündən sonrakı vaxt axarında böyük bir boşluq yara...

2019-08-14 16:15:54

CƏMİYYƏT
Nəsimi haqqında “Son gecə” filmi çəkilib...
Nəsimi haqqında “Son gecə” filmi çəkilib...

AzTV-nin Sosial media və ictimaiyyətlə əlaqələr şöbəsindən Modern.az-a verilə...

İQTİSADİ

2019-08-13 08:40:17

İQTİSADİ
İkinci Xəzər İqtisadi Forumu keçiriləcək...
İkinci Xəzər İqtisadi Forumu keçiriləcək...

İkinci Xəzər İqtisadi Forumu 2020-ci ildə Həştərxanda keçiriləcək. Trend-in m...

2019-08-08 12:35:16

İQTİSADİ
Hacı Zeynalabdin Tağıyevin hesabatı nəşr...
Hacı Zeynalabdin Tağıyevin hesabatı nəşr...

Böyük xeyriyyəçi Hacı Zeynalabdin Tağıyevin 1889-cu ildə “Kaspi” qəzetində ru...