QHT və MEDİA
A- A A+

Qarabağ müharibəsi veteranları fəxri döyüş növbəsində

2017-09-07 09:15:57

.

Qurban bayramı münasibətilə Silahlı Qüvvələrdə keçirilən “Açıq qapı günü” tədbirlərindən birində Tərtər rayonunun Qarabağ müharibəsi veteranlarından bir qrupu Müdafiə Nazirliyinin rəhbərliyinə ön səngərə - döyüş mövqeyinə gedərək şəxsi heyətlə görüşmək, gənc əsgərlərlə birlikdə döyüş növbəsinə çıxmaq arzularını bildiriblər. Müdafiə Nazirliyinin mətbuat xidmətindən verilən məlumata görə, veteranların bu təşəbbüsünün şəxsi heyətin döyüş ruhunun, mənəvi-psixoloji hazırlığının və vətənpərvərlik hissinin daha da yüksəldilməsində mühüm əhəmiyyəti nəzərə alınaraq aidiyyəti üzrə tapşırıqlar verilib və veteranların istəklərinin tezliklə reallaşacağı bildirilib. Artıq keçmiş döyüşçülərdən bir qrupu Tərtər şəhərindəki Heydər Əliyev parkından düşmənlə üzbəüz döyüş mövqelərinə yola salınıblar. Yolasalma mərasimində çıxış edən Tərtər Rayon İcra Hakimiyyətinin başçısı Müstəqim Məmmədov bildirib ki, xalqımızın ümummilli lideri Heydər Əliyev ilə başlanan müstəqil respublikamızın ordu quruculuğu prosesi hazırda Prezident, Ali Baş Komandan İlham Əliyev tərəfindən uğurla davam etdirilir. Ölkəmizin dövlət müstəqilliyini, ərazi bütövlüyünü qoruyan güclü və qüdrətli Silahlı Qüvvələrimiz var. Azərbaycan Ordusunun uğur və nailiyyətləri bütün xalqımız kimi tərtərliləri də sevindirir, hər bir rayon sakini ordumuza arxalanır, ona güvənir. Etibarlı şəkildə müdafiə olunan rayonun bərəkətli torpaqlarında əkin-biçinin geniş vüsət alması, kənd təsərrüfatının dinamik inkişafı məhz dövlətimizin başçısının apardığı məqsədyönlü daxili və xarici siyasətin, eləcə də, ordumuzun gücü sayəsində mümkün olub. Azərbaycan Prezidentinin və Müdafiə Nazirliyi rəhbərliyinin mütəmadi olaraq cəbhəboyu zonaya gəlişləri, hərbi qulluqçularla yanaşı, rayon sakinləri ilə görüşləri həm ordunun şəxsi heyətinin, həm də yerli əhalinin işğal altındakı torpaqların tezliklə azad ediləcəyinə inamlarını daha da artırır. Ordu ilə xalqın birliyi daha da möhkəmlənir. Gənclərin vətənpərvərlik tərbiyəsi, orduya hazırlanması rayonda prioritet məsələlərdəndir. Ehtiyatda olan mayor Pənah Məmmədov çıxış edərək deyib: “Uzun illərdən sonra yenidən hərbi libas geyinməyimiz hər birimiz üçün qürurvericidir. Yaxşı bilirik ki, güclü ordumuz, onun igid döyüşçüləri var. Biz Azərbaycan əsgərinin nəyə qadir olduğunu aprel döyüşləri zamanı bir daha gördük. Həmin günlərdə bütün tərtərlilər də ayaq üstə idi. Hamı döyüşə can atırdı. Ancaq ehtiyac olmadığını bildirdilər. Bu gün də bizə ehtiyac yoxdur. Ancaq biz bu gün fəxri döyüş növbəsinə gedirik. Vətən müdafiəçiləri ilə görüşəcək, keçdiyimiz döyüş yolu barədə söhbət açacaq, onlara mənəvi dayaq olacağıq. Nə qədər gec deyil, qoy düşmən işğal etdiyi ərazilərdən qeyd-şərtsiz rədd olub getsin. Yoxsa aprel döyüşləri yenidən təkrarlanacaqsa, bu dəfə vuracağımız zərbə daha sarsıdıcı, daha dağıdıcı olacaq. Döyüşlərdən çıxmış, böyük təcrübə toplamış biz veteranlar da Azərbaycan əsgərinin yanında olacağıq.” Polkovnik Abdulla Qurbani “Əsgər oğul, ürəyini aç mənə” aksiyası çərçivəsində Tərtər veteranlarının hər bir əsgərlə fərdi söhbət aparacaqlarını, onların problem və qayğıları ilə yerindəcə tanış olacaqlarını, döyüşlərdə qazandıqları təcrübədən bəhrələnmələri üçün gənc zabitlərlə məşğələlər təşkil edəcəklərini və fəxri döyüş növbəsi çəkəcəklərini nəzərə çatdırıb. Veteranlar əsgərlər üçün Tərtər bağlarından dərilmiş xeyli meyvə sovqatları da aparıblar. Döyüş mövqelərində veteranlar səmimiyyətlə qarşılanıb. Onları müşayiət edən A.Qurbani keçmiş döyüşçüləri şəxsi heyətə təqdim edib. Onların 90-cı illərin əvvəllərində Ağdərə və Tərtər rayonları uğrunda göstərdikləri qəhrəmanlıq və şücaət nümunələrindən söhbət açılıb. Şəhidlərin xatirəsi ehtiramla yad edilib. Tərtər qəhrəmanlarına həsr olunmuş “Batalyon” sənədli filmi nümayiş olunub. Əsgərlərin sualları cavablandırılıb. Polkovnik-leytenant Babək Səmidli belə görüşlərin davamlı olacağına əminliyini bildirib. Qarabağ Müharibəsi Veteranları, Əlilləri və Şəhid Ailələri İctimai Birliyinin Tərtər rayon filialının sədri Suliddin Yusifov, keçmiş döyüşçülərdən Mətləb Manafov, Elbrus Sadıqov, Elman Quliyev, Rövşən Məmmədov, Vüqar Quliyev və başqalarının çıxışları şəxsi heyətin böyük marağına səbəb olub. Veteranlar aprel döyüşləri zamanı azad edilmiş yüksəkliklərə qalxaraq xidmət şəraiti ilə tanış olublar. Onlar düşmən mövqelərini müşahidə edib, əsgərlərə məsləhətlər verib, düşmən təxribatlarının qarşısını qətiyyətlə alan şəxsi heyətin peşəkarlığının və döyüş ruhunun yüksək səviyyədə olduğundan böyük fərəh hissi keçirdiklərini bildiriblər. Fəxri döyüş növbəsində hər bir gəncə örnək olacaq xidmət nümayiş etdiriblər.(Azərtac)


Kateqoriya : QHT və MEDİA Baxış sayı : 127

QHT və MEDİA

2017-09-22 11:55:45

QHT və MEDİA
Ermənişünaslıq sahəsinin tədqiqinə dair:...
Ermənişünaslıq sahəsinin tədqiqinə dair:...

Ermənişünaslıq ümumi şəkildə ermənilərin tarixi, dili, folkloru, ədəbiyyatı, ...

2017-09-21 22:30:56

QHT və MEDİA
Şura Şəmkirdə QHT-hökumət münasibətləri ...
Şura Şəmkirdə QHT-hökumət münasibətləri ...

Azərbaycan Respublikasının Prezidenti yanında Qeyri-Hökumət Təşkilatlarına Dö...

CƏMİYYƏT

2017-09-22 10:05:54

CƏMİYYƏT
Prezident İlham Əliyevin BMT-dəki çıxışı...
Prezident İlham Əliyevin BMT-dəki çıxışı...

Azərbaycan Respublikasının Prezidenti İlham Əliyevin BMT Baş Assambleyasının ...

2017-09-21 09:55:18

CƏMİYYƏT
AŞPA-da ermənilərin dağıtdığı Azərbaycan...
AŞPA-da ermənilərin dağıtdığı Azərbaycan...

Avropa Şurası Parlament Asambleyasının (AŞPA) Mədəniyyət, elm, təhsil və medi...

İQTİSADİ

2017-09-15 07:50:47

İQTİSADİ
Yeni "Əsrin müqaviləsi" bizə nə vəd edir...
Yeni "Əsrin müqaviləsi" bizə nə vəd edir...

Belə ki, Heydər Əliyev Mərkəzində "Azəri-Çıraq-Günəşli" (AÇG) yataqlar blokun...

2017-09-11 10:10:38

İQTİSADİ
Qırğızıstanın altı televiziya və radio k...
Qırğızıstanın altı televiziya və radio k...

Qırğızıstanın altı televiziya və radio kanalı “Azerspace-1” peyki üzərindən y...