QHT və MEDİA
A- A A+

"Hədsiz imkanları olan həyat" adlı VII Yaradıcılıq Festivalı

2017-08-26 07:30:22

.

Rusiya Federasiyasının paytaxtı Moskva şəhərində sağlamlıq imkanları məhdud olan gənclərin "Hədsiz imkanları olan həyat" (“Жизнь безграничных возможностей") adlı VII Yaradıcılıq Festivalı keçirilir. Festivalın təşkilatçısı sağlamlıq imkanları məhdud olan tələbələr üçün xüsusi şəraitə malik Moskva Dövlət Humanitar-İqtisad Universitetidir. Festival Rusiya Federasiyasının Təhsil və Elm Nazirliyinin dəstəyi ilə keçirilir. 24 avqust tarixində "Hədsiz imkanları olan həyat" adlı VII Yaradıcılıq Festivalının açılışına həsr olunmuş təntənəli mərasimdə iştirakçıları salamlayan festivalın Təşkilat Komitəsinin sədri və Moskva Dövlət Humanitar-İqtisad Universitetinin rektoru, professor Vaqif Bayramov əsas məqsədin əlilliyi olan istedadlı gəncləri dəstəkləmək, onların yaradıcılığını və sosial adaptasiyasını inkişaf etdirməkdən ibarət olduğunu bildirdi. Festivalda 15-20 yaş arası sağlamlıq imkanları məhdud olan tələbələr, Rusiyada və xarici ölkələrdə fəaliyyət göstərən sağlamlıq imkanları məhdud gənclər təşkilatlarının nümayəndələri iştirak edir. Onlar müxtəlif yaradıcı istiqamətlər üzrə vokal, instrumental, rəqs nümunələri ilə çıxış edəcəklər. Həmin festivalda respublikamızı "Beynəlxalaq Əlillər Cəmiyyəti" İctimai Birliyi təmsil edir. Onlar festivala qarşılıqlı əməkdaşlıq etdiyi Moskva Dövlət Humanitar-İqtisad Universiteti tərəfindən dəvət almışlar. "Beynəlxalq Əlillər Cəmiyyəti" İB-in sədri Tahir Xudiyevin rəhbərliyi ilə festivalda iştirak edən nümayəndə heyətinin tərkibinə rəqqasələr Nərgiz Əliyeva, Nisə Bağırlı, rəssam, 1-ci qrup əlil Cavid Həsənli, müğənni, xoreoqraf Kamil Ağazadə, İB-in hüquqşünası, 2-ci qrup Qarabağ müharibəsi əlili Əli Mahmudov və tərcüməci Sevinc Xudiyeva daxildır. Azərbaycandan bu festivala yeganə olaraq dəvət alan "Beynəlxalq Əlillər Cəmiyyəti"nin Mədəniyyət şöbəsinin üzvləri Nisə Bağırlı və Nərgiz Əliyevanın festivalın açılış mərasimində ifa etdikləri "Qaval rəsi" tamaşaçılar tərəfindən alqışlarla qarşılanıb. Bundan başqa digər çıxışlar da nəzərdə tutulub. Biz də öz növbəmizdə sağlamlıq imkanları məhdud olan gənclərin "Hədsiz imkanları olan həyat" (“Жизнь безграничных возможностей") adlı VII Yaradıcılıq Festivalının iştirakçılarına uğurlar arzulayırıq.


Kateqoriya : QHT və MEDİA Baxış sayı : 238

QHT və MEDİA

2018-01-20 21:30:21

QHT və MEDİA
Qənirə Paşayeva İstanbuldan türk dünyası...
Qənirə Paşayeva İstanbuldan türk dünyası...

İstanbulda Sarıqamış şəhidlərinin xatirəsinə həsr edilmiş tədbirdə çıxış edən...

2018-01-19 09:55:33

QHT və MEDİA
“Müstəqil Azərbaycanın tarixində 20 yanv...
“Müstəqil Azərbaycanın tarixində 20 yanv...

Azərbaycan Milli QHT Forumunda (MQF) 20 yanvar faciəsinin 28-ci ildönümünə hə...

CƏMİYYƏT

2018-01-17 11:10:33

CƏMİYYƏT
“Jerusalem Post” qəzeti: Müstəqil və güc...
“Jerusalem Post” qəzeti: Müstəqil və güc...

Sovetlər dönəmində Azərbaycan – Azərbaycan Xalq Cümhuriyyətinin mövcud olduğu...

2018-01-12 19:40:25

CƏMİYYƏT
Şəhid Cəlil Fərzəliyevin həyat hekayəti...
Şəhid Cəlil Fərzəliyevin həyat hekayəti...

Azərbaycan tarixi müstəqilliyinə qovuşduqdan sonra şəhid sözü qəhrəmanlıq si...

İQTİSADİ

2018-01-19 10:15:12

İQTİSADİ
2017-ci ildə 1335 kilometr yol tikilib, ...
2017-ci ildə 1335 kilometr yol tikilib, ...

Azərbaycan Avtomobil Yolları Dövlət Agentliyi tərəfindən 2017-ci il ərzində u...

2018-01-15 08:50:31

İQTİSADİ
Azərbaycan dünyada ən güclü xalq-iqtidar...
Azərbaycan dünyada ən güclü xalq-iqtidar...

Dünya İqtisadi Forumunun "2017-2018 Qlobal Rəqabətlilik Hesabatı"nın "Siyasət...