2017-08-23 10:30:31 | TƏDQİQATLAR-ANALITIKA
“Ermənistan Rusiya və Qərblə ikili oyun oynayır” - Rəy

.

“Ermənistan regionda qeyri-sabit xarici siyasət yürüdür. Hiss olunur ki, bu siyasət dərin strateji məqsədlər üzərində qurulmayıb, sadəcə, mövcud işğalçılıq siyasətinə dəstək əldə etmək məqsədini daşıyır”. Bunu APA-nın sorğusuna cavab olaraq deputat Hikmət Babaoğlu deyib. H. Babaoğlu bildirib ki, Ermənistan eyni zamanda regionda hərbi-siyasi “rıçaq”lara malik olan Rusiya ilə də münasibətlərini taktika üzərində qurur: “Rusiya-Azərbaycan münasibətlərinin inkişaf etməsi, strateji əməkdaşlığa qalxması fonunda Ermənistan yenə də ikibaşlı oyun oynamağa çalışır. Rusiya ilə oynayır. Bir tərəfdən Kollektiv Təhlükəsizlik Müqaviləsi Təşkilatına üzv olur, bir tərəfdən NATO ilə təlimlərə qoşulur, dərin əməkdaşlığa cəhd edir, gizli danışıqlar aparır. Ermənistan iyulun 30-dan avqustun 12-dək Gürcüstanda NATO çərçivəsində keçirilən "Layiqli tərəfdaş 2017" təlimlərinə qatıldı. Halbuki Azərbaycan bu hərbi təlimdə iştirakdan imtina etdi. Ermənistan Rumıniyada keçirilən tədbirlərə də qatıldı. Bu, siyasi terror deməkdir. Yəni, Ermənistan hər hansı güc mərkəzini siyasi terrorla şantaj edir. Əlbəttə ki, bu cür təhlükəli manevrlər heç vaxt sona qədər davam etməz. Bu, sonda prezident Sarkisyanın özünə qarşı yönələcək”. Deputat qeyd edib ki, bu cür addımlar Rusiyanın da gözündən yayınmır: “Ermənistan axırda xəyanətkar mövqeyinə görə bu və ya digər şəkildə cəzalandırıla bilər. Rusiyanın Ermənistanın siyasi, hərbi və iqtisadi həyatında çox böyük nüfuzu var. Bu sahələr Ermənistanda demək olar ki, Rusiyanın nəzarəti altındadır. Ötən illərdə heç kimin proqnozlaşdırmadığı hadisə baş verdi: iki müttəfiq ölkə kimi tanınan Ukrayna və Rusiya faktiki müharibə həddinə qədər gəlib çıxdı. Düşünürəm ki, Ermənistanın atdığı addımlar da nəticə etibarilə eyni hala gətirib çıxaracaq. İndi görünən odur ki, Sarkisyan Rusiya prezidenti ilə görüşərək “hesabat” verməyə cəhd edir. Amma bu, o qədər primitivdir ki, nəticə etibarilə Ermənistanın əleyhinə yönəlmiş prosesin başlanmasına gətirib çıxara bilər”. H. Babaoğlunun sözlərinə görə, Azərbaycan bu prosesi çox diqqətlə izləyir, dəqiq müşahidələr aparır və heç şübhəsiz ki, hadisələrin inkişafına görə addımlarını müəyyənləşdirir: “Azərbaycanın siyasəti öz torpaqlarını işğaldan azad etməkdən ibarətdir. Ermənistan nə qədər çox səhvlər edəcəksə, bu, ancaq Azərbaycanın lehinə olacaq”. Politoloq Qabil Hüseynli isə Ermənistandakı Rusiya hərbi bazalarını xatırladaraq bildirib ki, işğalçı ölkənin sərhədlərini artıq Moskva qoruyur. Onun sözlərinə görə, Ermənistan ikili oyunlarla Qərblə də əməkdaşlığa can ataraq çıxış yolu axtarmaq istəyir: “Amma Ermənistanın bütün mülkiyyəti – istehsal müəssisələri, sənayesi borc əvəzinə Rusiyaya girov verilib, yaxud satılıb. Mən çox təəccüblənirəm ki, bu ölkəni necə ciddiyə alıb NATO təlimlərinə dəvət ediblər. Ermənistan hazırda Rusiyanın yaratdığı Kollektiv Təhlükəsizlik Müqaviləsi Təşkilatının üzvüdür. Bu təşkilatın ilk hərbi akademiyası da Ermənistandadır. Bu qurumda baş katib vəzifəsinə də Ermənistan generalı təyin olunub. İndi bu qədər Rusiyaya bağlı olan, iqtisadiyyatı Moskvadan asılı olan dövlətin Qərblə müstəqil əməkdaşlığı mümkün deyil”.

Baxış sayı : 916
Şuşaya çəkilən “Zəfər yolu” sentyabr ayınadək istifadəyə veriləcək 2021-01-19 16:55:50 Prezident İlham Əliyev: "XX əsrdə belə barbarlıq görünməyib" 2021-01-19 16:45:47 Prezidentin Şuşaya səfəri Qarabağı qısa müddətdə bərpa edəcəyimizi bütün dünyaya bir daha göstərdi 2021-01-19 08:35:37 "Azərbaycanın qələbəsi bütün türk dünyasını birləşdirən qələbədir" 2021-01-19 08:20:35 Prezidentin Şuşa səfəri 2021-01-19 07:25:17 Dini konfessiya rəhbərləri 20 Yanvarla bağlı bəyanat veriblər 2021-01-19 07:05:00 Kompleks yanaşma, innovativ təşəbbüslər medianı xilas edə bilər 2021-01-18 18:10:18 Prezident İlham Əliyev: “Hər şey planlı şəkildə, düzgün aparılmalıdır” 2021-01-18 18:50:05 Ərdoğan: "Qarabağda ortaya qoyduğumuz güclü iradə və qətiyyəti bütün dünyaya göstərdik" 2021-01-18 15:25:45 “Azərbaycan pandemiyaya son qoyan ilk ölkələrdən olacaq” 2021-01-18 15:05:50 Qarabağ çaylarının suları Azərbaycanda ən keyfiyyətli sular hesab oluna bilər 2021-01-18 10:20:07 "İşğaldan azad edilən torpaqlarda iqtisadi, mədəni dirçəliş dövrü başlanır" 2021-01-18 09:30:33 Tərxis edilmiş şəxslərin müraciətlərinə baxılması üzrə komissiya bölgələrdə də fəaliyyətə başlayır 2021-01-18 08:25:55 Prezident İlham Əliyevin Şuşaya səfəri Gürcüstan KİV-ləri tərəfindən də geniş işıqlandırılıb 2021-01-18 07:30:40 “Ağdamda baş verən vəhşilik bütün insanlığa qarşıdır” 2021-01-18 07:20:47 Azərbaycanın Ermənistana qarşı dövlətlərarası ərizəsi İnsan Hüquqları üzrə Avropa Məhkəməsinə göndərilib 2021-01-17 08:30:22 Hikmət Hacıyev Respublika Veteranlar Təşkilatının iclasında iştirak etdi 2021-01-17 07:10:37 Mövlud Çavuşoğlu: Azərbaycana hər zaman dəstək verəcəyik 2021-01-16 10:50:02 Reza Deqati Fransanın TV5MONDE kanalında Şuşanın tarixindən, erməni vəhşiliklərindən və Azərbaycan multikulturalizmindən bəhs edib 2021-01-16 10:05:39 Koronavirusa qarşı vaksinasiya strategiyasının prinsipləri 2021-01-16 09:25:34 Prezident Füzuli-Şuşa yolunun və hava limanının təməlini qoyub, Şuşada olub 2021-01-15 16:35:08 Ermənistanın törətdiyi cinayətlərə məhkəmədə baxılmalıdır - İCESCO-nun Baş direktoru 2021-01-15 11:35:02 Prezident İlham Əliyev Şuşada Azərbaycan bayrağını yüksəldib 2021-01-15 11:30:59 Əhməd İsmayılov: Media subyektlərinin stimullaşdırılması və rəqabət qabiliyyətlərinin artırılması istiqamətində tədbirlərin görülməsi nəzərdə tutulub 2021-01-15 10:25:22