MƏDƏNİ
A- A A+

Türk dünyasına ədəbi-publisistik töhfə

2017-08-04 08:45:50

Yazıçı-jurnalist Afət Sadıqoğlunun “Türk dünyasının Kıbrısı” kitabı çapdan çıxıb

“Xalq qəzeti”nin baş redaktorunun müavini, Əməkdar Mədəniyyət İşçisi, Beynəlxalq Elmlər Akademiyasının akademiki, yazıçı-jurnalist Afət Sadıqoğlunun “Türk dünyasının Kıbrısı” kitabı çapdan çıxıb. Tarixi, beynəlxalq münasibətlər və bədii mövzularda bir neçə kitabın müəllifi olan Afət Sadıqoğlunun yeni kitabı Şimali Kipr Türk Respublikasına səfərlərinin təəssüratlarından və yol qeydlərindən ibarətdir. Müəllif ölkələrimiz arasında əlaqələrin genişlənməsi, Şimali Kipr Türk Respublikasının bayramlarında iştirakı, dövlət və hökumət rəhbərləri ilə görüşləri, onun tarixi, ictimai-siyasi, sosial-iqtisadi həyatı, inkişafı və Kipr problemi barədə qeydlərini səmimi məhəbbət duyğuları ilə qələmə alıb.

AZƏRTAC xəbər verir ki, “Elm və təhsil” nəşriyyatında nəfis tərtibatla çapdan çıxmış kitabın elmi redaktoru tarix elmləri doktoru, professor Abbas Seyidov, redaktoru Əməkdar Jurnalist İttifaq Mirzəbəyli, məsləhətçisi və “Ön söz”ün müəllifi Şimali Kipr Türk Respublikasının Bakı təmsilçisi Ufuk Turganerdir.

Kitabın “Kıbrıs adası” və “Tarixin səhifələri” bölmələrində müəllif Şimali Kipr Türk Respublikasına səfərini, onun qədim tarixindən tutmuş müasir dövrümüzədək keçdiyi yolu araşdırır. “Kıbrıs Türk Ticarət Palatası beynəlxalq arenada”, “Quzey Kıbrısda mətbuat”, “Turizm imkanları”, “Mədəniyyətlərin paytaxtı Lefkoşa”, “Kıbrısın turizm incisi Girnə” və digər bölmələrdə Şimali Kipr Türk Respublikasının inkişafı, sosial-iqtisadi, mədəni-mənəvi həyatı əks etdirilib. “Quzey Kıbrıs və Azərbaycan əlaqələri”, “Təhsil”, “Yaxın Doğu Universiteti”, “Azərbaycanı Kıbrısda tanıdan alim”, “Kıbrıs mətbəxi” və digər bölmələrdə isə ölkələrimiz arasında əlaqələrin, xüsusilə təhsil sahəsinin inkişafı, diasporumuzun fəaliyyətinin genişlənməsi, ölkə mətbəxinin şöhrəti, mədəniyyətlərin tərbiyəvi və dünyəvi əhəmiyyəti ilə bağlı məsələlər yer alıb.

Kitab Azərbaycan–Şimali Kipr Türk Respublikası əlaqələrinin tarixinin öyrənilməsi, əməkdaşlığının tədqiqi, turizm imkanlarının təbliği baxımından əhəmiyyət kəsb edir. “Son söz”də Afət Sadıqoğlu yazır: “İnanıram ki, bu kitab Azərbaycanla Türkiyənin və Türk Cümhuriyyəti olan Quzey Kıbrısın tarixi, siyasi, iqtisadi, mədəni-mənəvi, ədəbi əlaqələrinin daha da möhkəmlənməsinə kömək edəcək, türk dünyasının, türk xalqlarının qardaşlığı və dostluğu yolunda əbədi körpü olacaqdır”.

Geniş oxucu kütləsi üçün nəzərdə tutulan kitabın ərsəyə gəlməsində müəllif Azərbaycan, türk, rus və ingilis dillərində ədəbiyyatdan istifadə edib

 

 

 

 

 

 


Kateqoriya : MƏDƏNİ Baxış sayı : 732

QHT və MEDİA

2019-09-21 08:30:20

QHT və MEDİA
Ermənistanın işğalçılıq siyasəti ilə bağ...
Ermənistanın işğalçılıq siyasəti ilə bağ...

Azərbaycan Respublikasının Prezidenti yanında Qeyri Hökümət Təşkilatlarına ...

2019-09-20 08:55:01

QHT və MEDİA
Qlobal enerji təhlükəsizliyi problemi və...
Qlobal enerji təhlükəsizliyi problemi və...

Bu, bir həqiqətdir ki, yüksək inkişaf etmiş ölkələrin enerji təhlükəsizliyi s...

CƏMİYYƏT

2019-09-19 18:20:16

CƏMİYYƏT
Azərbaycan Milli Radiosunda nələr gözlən...
Azərbaycan Milli Radiosunda nələr gözlən...

1926-cü ildə təməli qoyulan və ölkəmizdə ilk kütləvi informasiya vasitəsi ol...

2019-09-15 05:55:09

CƏMİYYƏT
“Unudulmayan tarix”i dünyaya xatırladan ...
“Unudulmayan tarix”i dünyaya xatırladan ...

Doğrudur,bir zamanlar bu faciələri xalqımızın qan yaddaşından silməyə çalışa...

İQTİSADİ

2019-09-21 15:25:56

İQTİSADİ
UNEC rektoru Ədalət Muradov: “Milli ali ...
UNEC rektoru Ədalət Muradov: “Milli ali ...

UNEC rektoru, professor Ədalət Muradov çıxışı zamanı mütəxəssis hazırlığında ...

2019-09-19 18:55:57

İQTİSADİ
SOCAR-ın Fontana Qarşı Dağmədənxilasetmə...
SOCAR-ın Fontana Qarşı Dağmədənxilasetmə...

Sentyabrın 19-da “Əsrin müqaviləsi”nin 25-ci ildöbümü və “Neftçilər günü” ərə...