CƏMİYYƏT
A- A A+

Tədqiqatçı İlan Sialom: Cənubi Qafqazda sabitlik Dağlıq Qarabağ münaqişəsinin həllindən asılıdır

2017-08-02 08:05:41

.

Fransanın “Alternatives-Economiques” portalında Avropa Proqnozlaşdırma və Təhlükəsizlik İnstitutunun tədqiqatçısı, geosiyasətçi İlan Sialomun Ermənistan-Azərbaycan, Dağlıq Qarabağ münaqişəsi ilə bağlı müsahibəsi yayılıb.

Tədqiqatçı münaqişənin tarixindən danışaraq Azərbaycan torpaqlarının 25 ildir Ermənistan tərəfindən işğal olunduğunu bildirib. O, ötən ilin aprel ayında baş vermiş dörd günlük müharibə, eləcə də bu ilin iyul ayında Füzuli rayonunun Alxanlı kəndində Ermənistan silahlı qüvvələri tərəfindən balaca Zəhranın və onun nənəsinin qətlə yetirilməsi haqqında məlumat verib. Bildirib ki, ermənilərin bu təxribatı barədə Avropa Parlamentinə müraciət olunub, erməni təcavüzü pislənilib və Ermənistan silahlıları tərəfindən mülki şəxslərin hədəfə alınmasının qəbuledilməz olduğu diqqətə çatdırılıb.

İlan Sialom Ermənistanın Metsamor Atom Elektrik Stansiyasının yaratdığı təhlükələr barədə də söhbət açıb. O, stansiyanın köhnə və təhlükəli vəziyyətdə olduğunu, Atom Enerjisi üzrə Beynəlxalq Agentliyin onun bağlanmasını məsləhət gördüyünü bildirib.

Geosiyasətçi BMT Təhlükəsizlik Şurasının Ermənistan silahlı qüvvələrinin Azərbaycanın işğal olunmuş ərazilərindən dərhal və qeyd-şərtsiz çıxarılmasını tələb edən dörd qətnamə qəbul etməsinə baxmayaraq, rəsmi Yerevanın işğal siyasətini hələ də davam etdirdiyini vurğulayıb. Status-kvonun qəbuledilməz olduğunu bildirən İ.Sialom münaqişənin sülh yolu ilə həllinin həvalə olunduğu ATƏT-in Minsk qrupunun fəaliyyətinin heç bir nəticə vermədiyini diqqətə çatdırıb. O, Dağlıq Qarabağ münaqişəsinin həllinə diqqətin artırılmasının vacibliyini qeyd edib. Vurğulayıb ki, Cənubi Qafqazda sabitlik Dağlıq Qarabağ münaqişəsinin həllindən asılıdır.

Tədqiqatçı müsahibəsində Polad Bülbüloğlunun UNESCO-nun baş direktoru vəzifəsinə namizədliyinin irəli sürülməsi məsələsinə də toxunub. Bildirib ki, Bakının mədəniyyətlərarası dialoqun təşviqində iştirakı, eləcə də sülh mədəniyyətini müdafiə etmək iradəsi bu namizədliyin tam mənasını əks etdirir. O, Azərbaycanda mühüm beynəlxalq tədbirlərin keçirilməsinə də diqqəti cəlb edib.

 

 

 


Kateqoriya : CƏMİYYƏT Baxış sayı : 588

QHT və MEDİA

2019-06-25 07:40:37

QHT və MEDİA
Ağdama qayıdanda bəs siz harada olacaqsı...
Ağdama qayıdanda bəs siz harada olacaqsı...

O şəkillərə məndə baxdım. Ağdamımın saralmış şəkillərini deyirəm. Bir ağdamlı...

2019-06-24 22:05:53

QHT və MEDİA
Azay Quliyev: "QHT-lər bizi şantaj etmək...
Azay Quliyev: "QHT-lər bizi şantaj etmək...

APA-nın məlumatına görə, bunu Azərbaycan Respublikasının Prezidenti yanında Q...

CƏMİYYƏT

2019-06-24 08:50:09

CƏMİYYƏT
UNESCO jurnalının “Dünya irsi Azərbaycan...
UNESCO jurnalının “Dünya irsi Azərbaycan...

Ölkəmizə həsr edilmiş xüsusi buraxılışda UNESCO baş direktoru Odri Azuleyin,...

2019-06-20 07:30:53

CƏMİYYƏT
Hərbi cinayətkarların cəzasız qalması mü...
Hərbi cinayətkarların cəzasız qalması mü...

Onun Azərbaycan hərbçisinin qətlə yetirilməsi ilə bağlı şəxsən göstəriş verm...

İQTİSADİ

2019-06-24 07:45:46

İQTİSADİ
İqtisadçı ekspert: Son artımlardan sonra...
İqtisadçı ekspert: Son artımlardan sonra...

Prezident İlham Əliyev iqtisadi inkişaf, neft və qaz sektorundan əldə olunan ...

2019-06-20 07:25:35

İQTİSADİ
Elman Nəsirov: Son sərəncamlar bir daha ...
Elman Nəsirov: Son sərəncamlar bir daha ...

Azərbaycan Respublikasının Prezidenti İlham Əliyevin əhalinin sosial rifahını...