SİYASƏT
A- A A+

ATƏT PA-da Qrup yaradıldı - Azay Quliyev Qrupun koordinatoru seçildi

2017-07-09 07:25:38

.

ATƏT Parlament Assambleyasının Belarusun paytaxtı Minskdə keçirilən 26-cı illik sessiyası çərçivəsində iyulun 8-də Azərbaycan nümayəndə heyətinin üzvü, ATƏT PA-nın vitse-prezidenti Azay Quliyevin təşəbbüsü ilə “ATƏT PA-nınİpək Yoluna Dəstək Qrupu”  (Silk Road Support Group of the OSCE PA, SRG) təsis edilib. 

Təsis yığıncağını açıq elan edən Azərbaycan nümayəndə heyətinin ATƏT PA-dakı rəhbəri və Milli Məclisin sədr müavini Bahar Muradova İpək Yolunun tarixi rolundan danışaraq onun müasir dünyadakı əhəmiyyətini qeyd edib. Bahar Muradova İpək Yoluna Dəstək Qrupunun yaradılmasının üzv ölkələr üçün xüsusi önəm daşıdığını vurğulayaraq iştirakçı ölkələrə bu təklifə dəstək verdiklərinə görə Azərbaycan Respublikasının Milli Məclisi adından təşəkkür edib.

Azay Quliyev çıxışında ATƏT PA-nın prezidenti Kristine Muttonenə, Baş Katib Roberto Montellya, Monteneqronun spikeri İvan Brayoviçə, Bosniya və Herseqovinanın spikeri Borisa Çolaka, nümayəndə heyətlərinin rəhbərlərinə tədbirdə iştirak etdiklərinə və irəli sürdüyü təşəbbüsü dəstəklədiklərinə görə təşəkkür edib. Qrupun məqsəd və məramından danışan Azay Quliyev belə bir təşəbbüsün gerçəkləşməsi nəticəsində İpək Yolu Qrupu ölkələrinin bir-birinə daha da yaxınlaşacağına, ATƏT dəyərlərinin təşviqinə, üzv ölkələrin milli maraqlarının təmin olunmasına və onlar arasında əməkdaşlığın və qarşılıqlı anlaşmanın inkişafına töhvə verəcəyini bildirib.

ATƏT PA-nın Prezidenti Kristine Muttonen çıxışında Assembleyada İpək Yoluna dəstək Qrupun yaradılması ideyasını yüksək qiymətləndirib və onu təşkilat üçün mühüm və maraqlı təşəbbüs adlandırıb. Xanım Muttonen Qrupa olan yüksək marağı da qeyd edərək onun gələcəkdə parlament diplomatiyasına və ölkələr arası dialoqa xüsusi töhvə verəcəyinə inandığını qeyd edib.

Baş Katib Roberto Montella da öz növbəsində ATƏT PA-da belə bir qurumun yaradılmasını alqışladığını və qurumun vitse prezidenti Azay Quliyevin təşkilatda göstərdiyi aktiv fəaliyyəti təqdir etdiyini bildirib.

Daha sonra çıxış edən Monteneqronun spikeri İvan Brayoviç, Rumıniyanın nümayəndə heyətinin rəhbəri Viktor Ponta, Gürcüstan nümayəndə heyətinin üzvü və ATƏT PA-nın vitse –prezidenti George Sereteli, Albaniyanın nümayəndə heyətinin rəhbəri Arta Dade, Serbiyanın nümayəndə heyətinin rəhbəri Stefano Miladinoviç, İspaniyanın nümayəndə heyətinin üzvü,UNESCO-nun İpək Yolu şəbəkəsinin rəhbəri Joze Maria Çikuillo, İsveçrənin nümayəndə heyətinin rəhbəri Filippo Lombardi və digərləri çıxış edərək ATƏT PA-da İpək Yolu Qrupunun yaradılması təşəbbüsünü dəstəklədilər.

Müzakirələrdən sonra İpək Yolu Qrupunun yaradılması ilə bağlı Protokolun rəsmi imzalanma mərasimi oldu.

17 ölkənin- Azərbaycan,Albaniya, Belarus, Bosniya və Herseqovina, Bolqarıstan, Xorvatiya, Gürcüstan, Qırğızıstan, Monqolustan, Monteneqro, Rumıniya, Serbiya, İsveçrə, İspaniya, Tacikistan, Türkiyə və Ukraynaın təsisçiliyi ilə “ATƏT PA-nın İpək Yoluna Dəstək Qrupu” (Silk Road Support Group of the OSCE PA, SRG) təsis edilib.

Sonda isə Azay Quliyev yekdilliklə Qrupun kordinatoru, Mirkamal Əlizadə isə qrupun katibi seçilib.

 

 

 

 


Kateqoriya : SİYASƏT Baxış sayı : 1059

QHT və MEDİA

2020-06-04 11:05:08

QHT və MEDİA
Dövlətçilik tariximizin parlaq səhifəsi...
Dövlətçilik tariximizin parlaq səhifəsi...

O illərdə xalqımızın qabaqcıl şəxsiyyətləri, mütəfəkkir adamları, ziyalıları ...

2020-06-03 09:15:29

QHT və MEDİA
Şura qrant müsabiqəsi elan edir
Şura qrant müsabiqəsi elan edir

Azərbaycan Respublikasının Prezidenti yanında Qeyri-Hökumət Təşkilatlarına Dö...

CƏMİYYƏT

2020-06-04 18:35:30

CƏMİYYƏT
Ekoloji təhlükəsizlik siyasəti
Ekoloji təhlükəsizlik siyasəti

Əvvəl "Ekoloji təhlükəsizlik" nədir sualına aydınlıq gətirməyə çalışaq. Ekolo...

2020-06-03 08:40:48

CƏMİYYƏT
Azərbaycan Ordusu - 102
Azərbaycan Ordusu - 102

“Danışıqlar öz yerində, ancaq indi dünyada siz də yaxşı görürsünüz ki, güc a...

İQTİSADİ

2020-05-29 09:30:52

İQTİSADİ
Azərbaycan postpandemiya dövründə biznes...
Azərbaycan postpandemiya dövründə biznes...

Dünyanın aparıcı şirkətlərinin Azərbaycana marağı artmaqdadır. Hətta pandemiy...

2020-05-15 10:35:56

İQTİSADİ
Azərbaycan Qafqazdan keçən Avrasiya nəql...
Azərbaycan Qafqazdan keçən Avrasiya nəql...

Azərbaycan Qafqaz regionundan keçən Avrasiya nəqliyyat marşrutlarının inkişaf...