SOSİAL
A- A A+

Milli Qəhrəmanımızın xatirəsi anılıb

2017-06-21 08:15:56

Azərbaycanın Milli Qəhrəmanı, Polkovnik-leytenant Şirin Mirzəyevin ölümündən 25 il ötür

Bakı Humanitar Kollecində “Qarabağ Qaziləri” və “Xankəndi” Məcburi Köçkünlərə Dəstək ictimai birliklərinin birgə təşkilatçılığı ilə Azərbaycanın Milli Qəhrəmanı Şirin Mirzəyevin şəhidliyinin 25-ci ildönümü münasibətilə anım tədbiri keçirilib.

Əvvəlcə şəhidin xatirəsi birdəqiqəlik sükutla yad olunub.

Daha sonra tədbirdə çıxış edən Azərbaycan Respublikasının Prezidenti yanında QHT-lərə Dövlət Dəstəyi Şurası Katibliyinin icraçı direktoru Fərasət Qurbanov işğalçılıq siyasəti aparan qəsbkar ermənilərin torpaqlarımızda törətdikləri qanlı hadisələrdən danışıb.

Qəsbkar düşmənə qarşı döyüşlərdə Vətən övladlarının qəhrəmanlığından bəhs edən F.Qurbanov şəhidlərin xatirəsinin daim müqəddəs və əziz tutulduğunu vurğulayıb.

Tədbirdə Ş.Mirzəyevin həyatı və şərəfli döyüş yolu barədə ətraflı məlumat verilib.

Qeyd olunub ki, Ş.Mirzəyev 1947-ci il yanvarın 5-də Xankəndində anadan olub. 1967-ci ildə Sankt-Peterburq Ali Siyasi Hərbi Məktəbini, 1988-ci ildə Hərbi Siyasi Akademiyanı bitirib. O, 1991-ci ildə ölkəmizdə ilk nizami özünümüdafiə taboru yaradıb. Alay komandiri kimi Ağdam rayonunun müdafiəsində, ayrı-ayrı yaşayış yerlərinin bədnam ermənilərdən təmizlənməsində xüsusi igidlik göstərib.

1992-ci ildə Ş.Mirzəyev Sırxavənd istiqamətində gedən döyüşlərdə qəhrəmancasına şəhid olub. Ölümündən sonra o, Azərbaycanın Milli Qəhrəmanı adına layiq görülüb.

Milli Məclisin deputatı Aqil Abbas polkovnik-leytenant Ş.Mirzəyevin qəhrəmanlığından, doğma Vətənə, torpağa sonsuz sevgisindən, düşmənə qarşı qəzəb və nifrətindən bəhs edib.

A.Abbas məkrli ermənilər tərəfindən zəbt edilmiş torpaqlarımızın Prezident İlham Əliyevin apardığı məqsədyönlü siyasət nəticəsində tezliklə azad olunacağına əminliyini bildirib.

Digər çıxış edənlər də Ş.Mirzəyevin həyat və qəhrəmanlığının gənc nəslə layiqli örnək olduğunu vurğulayıblar.

Sonda qəhrəman hərbçimizin şərəfli döyüş yolundan bəhs edən film göstərilib.

 

 

 

 

 

 


Kateqoriya : SOSİAL Baxış sayı : 514

QHT və MEDİA

2019-02-18 08:40:09

QHT və MEDİA
Ermənilər azərbaycanlılar və çeçenlər ar...
Ermənilər azərbaycanlılar və çeçenlər ar...

Trend-in məlumatına görə, erməni sosial şəbəkə istifadəçiləri həmyerlilərini ...

2019-02-16 11:30:34

QHT və MEDİA
Zahid Oruc Sosial Tədqiqatlar Mərkəzinin...
Zahid Oruc Sosial Tədqiqatlar Mərkəzinin...

Trend-in məlumatına görə, bunu Sosial Tədqiqatlar Mərkəzinin (STM) İdarə Heyə...

CƏMİYYƏT

2019-02-18 18:10:30

CƏMİYYƏT
Ombudsmandan Xocalı soyqırımı ilə bağlı ...
Ombudsmandan Xocalı soyqırımı ilə bağlı ...

Bəyanatda deyilir: "Ermənistanın Azərbaycana qarşı uzun illər işğalçılıq və s...

2019-02-15 09:05:13

CƏMİYYƏT
Haqq və ədalətin inkarı: "Freedom House"...
Haqq və ədalətin inkarı: "Freedom House"...

Ayrıca "Freedom House" təşkilatının nə dərəcədə "obyektiv" olduğu barədə də ə...

İQTİSADİ

2019-02-18 16:05:32

İQTİSADİ
Prezident Sumqayıtda “SOCAR Polymer”in p...
Prezident Sumqayıtda “SOCAR Polymer”in p...

Trend Prezidentin Mətbuat Xidmətinə istinadən xəbər verir ki, Dövlət Neft Şir...

2019-02-16 08:55:20

İQTİSADİ
"Davamlı inkişafın sosial-iqtisadi probl...
"Davamlı inkişafın sosial-iqtisadi probl...

Konfransın açılış mərasimində təşkilatçılarla yanaşı, Təhsil Nazirliyi, İqtis...