MƏDƏNİ
A- A A+

Vaşinqtonda Azərbaycan mədəniyyətinin təntənəsi

2017-05-09 11:00:33

Azərbaycanın ABŞ-dakı səfirliyi ölkəmizin zəngin mədəniyyətini nümayiş etdirmək üçün öz qapılarını geniş ictimaiyyət üçün açıb

Gün ərzində yağışlı hava şəraitinə baxmayaraq, səfirliyimizi mindən çox qonaq ziyarət edib. Ziyarətçilər arasında Vaşinqton və yaxın ərazilərdə yaşayan ictimaiyyət nümayəndələri, dövlət strukturlarının və diplomatik korpusun əməkdaşları olub.

Səfirliyə təşrif buyurmuş çoxsaylı qonaqlar ölkəmizin milli mədəni irsi, füsunkar təbiəti və müxtəlif sahələrdə qazandığı əlamətdar uğurları əks etdirən əyani vəsaitlərə, xüsusilə Azərbaycan xalçalarına, milli geyimlərə, rəsm əsərlərinə, xəritə, kitab və digər müxtəlif nəşrlərı baxıblar. Daha sonra ölkəmizin tarixi, coğrafiyası, turizm potensialı, o cümlədən Bakı və bölgələrin füsunkar təbiəti və gözoxşayan yerlərdən bəhs edən videoçarxlar nümayiş etdirilib. Bundan əlavə, ziyarətçilərə ölkəmizin coğrafi mövqeyi, zəngin tarixi, qədim adət-ənənəsi və qonaqpərvər insanları haqqında məlumat verilib və onların sualları cavablandırılıb.

Azərbaycan musiqisi və rəqsləri qonaqlarda xüsusi maraq doğurub. Vaşinqtonda fəaliyyət göstərən İpək Yolu rəqs ansamblı (Silk Road Dance Company) “Nəlbəki”, “Sarı Gəlin”, “Arşın mal alan” və digər milli rəqslərimizi ifa edib. Ziyarətçilərin bir çoxu rəqqasələrlə birlikdə yallı gediblər. Bundan başqa, səfirliyin ərazisində uşaqlar üçün rəsm guşəsi təşkil olunub və ölkəmizin görməli yerləri fonunda fotoşəkil çəkdirmək imkanı yaradılıb. Nahar zamanı isə plov süfrəsi açılıb.

Bu festival Vaşinqton meriyası tərəfindən keçirilən “Dünya boyu səfirliklər turu” (Around the World Embassy Tour) adlı mədəni festival çərçivəsində təşkil olunub. Azərbaycanın ABŞ-dakı səfirliyi ardıcıl olaraq beş ildir ki, bu təşəbbüsdə iştirak edir. Ümumiyyətlə isə budəfəki festivala 72 ölkənin səfirliyi qatılıb.

Səfirliyimiz Azərbaycan mədəniyyətinin təbliği məqsədilə silsilə tədbirlərdə fəal iştirakı ilə seçilir. Xatırladaq ki, aprelin 26-da keçirilmiş “Macy’s Global Fashion” mədəni tədbiri çərçivəsində 38 ölkə səfirliyi arasında “Ən yaxşı milli geyim" adlı müsabiqədə qalib gələn Azərbaycanın milli geyimi bir ay ərzində Vaşinqtonun mərkəzində yerləşən məşhur “Macy’s” ticarət şəbəkəsinin vitrinlərində sərgilənməkdədir.

       

 

 


Kateqoriya : MƏDƏNİ Baxış sayı : 940

QHT və MEDİA

2020-03-28 08:05:34

QHT və MEDİA
Əzizağa Qəni-zadə: Azərbaycanla münasibə...
Əzizağa Qəni-zadə: Azərbaycanla münasibə...

Son günlərdə Ermənistan ordusunun bölmələri atəşkəs rejimini kobud surətdə po...

2020-03-27 08:00:41

QHT və MEDİA
Tofiq Abbasov: Azərbaycan Prezidentinin ...
Tofiq Abbasov: Azərbaycan Prezidentinin ...

İslahatlar bütün cəmiyyətlərdə tələb olunan dəyərdir. Bir çox hallarda cəmiyy...

CƏMİYYƏT

2020-03-21 10:05:33

CƏMİYYƏT
TRT Hacı Zeynalabdin Tağıyevə həsr edilm...
TRT Hacı Zeynalabdin Tağıyevə həsr edilm...

Türkiyənin “TRT AVAZ” televiziya kanalında yayımlanan “Köklərin izində” sənəd...

2020-03-19 10:20:52

CƏMİYYƏT
Azərbaycan musiqi tarixinin korifeyi
Azərbaycan musiqi tarixinin korifeyi

Ömrünü xalq musiqisinin təbliğinə həsr edənləri xalq heç vaxt yaddan çıxarmır...

İQTİSADİ

2020-03-23 12:10:28

İQTİSADİ
Könül Nurullayeva: Azərbaycan Prezidenti...
Könül Nurullayeva: Azərbaycan Prezidenti...

Fevralın 9-da Milli Məclisə keçirilən seçkilər Azərbaycanda demokratik dəyərl...

2020-03-17 11:00:35

İQTİSADİ
Hazırkı vəziyyət Rəqabət Məcəlləsinin qə...
Hazırkı vəziyyət Rəqabət Məcəlləsinin qə...

Artıq iqtisadi strukturlarda baş verən dəyişikliklər Rəqabət Məcəlləsinə qəbu...