CƏMİYYƏT
A- A A+

“Mauthauzen” əsir düşərgəsində İkinci Dünya müharibəsinin qurbanlarının xatirəsi yad olunub

2017-05-08 09:50:50

Azərbaycan səfirliyinin əməkdaşları və bu ölkədə yaşayan soydaşlarımız azərbaycanlı əsirlərin xatirəsinə ucaldılmış abidə önünə əklil qoyublar

Avstriyanın Yuxarı Avstriya federal əyalətində yerləşən keçmiş “Mauthauzen” əsir düşərgəsində bu düşərgənin alman nasizmindən azad edilməsi və İkinci Dünya müharibəsinin başa çatmasının 72-ci ildönümü münasibətilə mərasim keçirilib.

İkinci Dünya müharibəsi zamanı Avstriyada ən böyük əsir düşərgəsi olmuş “Mauthauzen”in azad edilməsi münasibətilə keçirilən anım tədbirində Avstriyanın Federal Prezidenti Aleksander Van der Bellen, kansler Kristian Kern, vitse-kansler Raynhold Mitterlener, parlament rəhbərliyi, nazirlər, dövlət və hökumət nümayəndələri, diplomatik korpusun təmsilçiləri, yerli və xarici qonaqlar, əsir düşərgələrində alman faşistlərinin işgəncələrinə məruz qalmış keçmiş əsirlər iştirak ediblər.

Builki anım tədbirləri “Beynəlmiləlçilik birləşdirir“ devizi altında keçirilib. Avstriya Mauthauzen Komitəsinin rəhbəri Villi Mernyi bildirib ki, milli perspektivlərin və şəxsi əhəmiyyətin ön plana çıxarıldığı müasir dövrümüzdə beynəlmiləlçiliyin milli maraqlar üçün təhlükə olduğu hesab edilir. Lakin müxtəlif ölkələrdən olan alman nasizmi qurbanlarının əsir düşərgələrində bu gün təsəvvür belə edə bilməyəcəyimiz şəraitdə göstərdikləri beynəlmiləl həmrəylik bir örnək olmalıdır.

Sağ qalmış əsirlərdən Aba Levit isə gənclərə müraciətində onları diqqətli olmağa çağıraraq bildirib ki, ifrat sağçıların populist çıxışlarına və şirin vədlərinə aldanmasınlar. Çünki müasir dövrün populist siyasətçiləri nisbətən yaxşı faşistlərdir.

Azərbaycanın Avstriyadakı səfirliyinin əməkdaşları və bu ölkədə yaşayan soydaşlarımız mərasimlərdə iştirak edərək, ümumi anım monumenti və azərbaycanlı əsirlərin xatirəsinə ucaldılmış abidə önünə əklil qoyublar.

Xatırladaq ki, 2001-ci ildə “Mauthauzen” əsir düşərgəsində, 2011-ci ildə isə “Ebenzee” əsir düşərgəsinin ərazisində Azərbaycanın Avstriyadakı səfirliyinin təşəbbüsü və birbaşa dəstəyi ilə azərbaycanlı əsirlərin xatirəsini əbədiləşdirən abidələr qoyulub. Rəsmi məlumata görə, müharibə illərində “Mauthauzen”də 81 nəfər azərbaycanlı əsir qətlə yetirilib. Azərbaycan səfirliyinin araşdırmaları nəticəsində “Mauthauzen” və onun tabeliyindəki digər əsir düşərgələrində 300-dək soydaşımızın əsirlik həyatı yaşadığı müəyyən edilib.

Yaradıldığı 1938-ci ildən İkinci Dünya müharibəsinin sonunadək “Mauthauzen” əsir düşərgəsində müxtəlif Avropa ölkələrindən 200 mindən çox hərbi əsir işgəncələrə məruz qalıb, onların təxminən yarısı (90 min nəfər) isə alman nasistləri tərəfindən məhv edilib. Avstriya ərazisində ən böyük əsir düşərgəsi olmuş “Mauthauzen”in ona yaxın ətraf ərazilərdə 49 “filialı” fəaliyyət göstərib. Onlardan biri olan “Ebenzee”də 27 mindən çox hərbi əsir saxlanılıb.

1945-ci ildə ABŞ ordusu tərəfindən azad edilən “Mauthauzen” əsir düşərgəsi 1947-ci ildən tarixi xatirə kompleksi kimi fəaliyyət göstərir. Burada hərbi əsirlərin saxlandığı baraklar, “xəstəxana”, həbsxana, qaz kameraları və krematoriya olduğu kimi qalır və tarixin acı gerçəkliklərinin nümunəsi kimi qorunur. (Azərtac)

 

 


Kateqoriya : CƏMİYYƏT Baxış sayı : 1076

QHT və MEDİA

2020-03-31 08:25:41

QHT və MEDİA
Fərasət Qurbanov: QHT-lər ən çətin məqam...
Fərasət Qurbanov: QHT-lər ən çətin məqam...

QHT-lər hər zaman Cənab Prezidentin çağırış və tövsiyələrinə dəstək verib, ən...

2020-03-29 18:55:57

QHT və MEDİA
Səfir: Saxta “erməni soyqırımı” mövzusun...
Səfir: Saxta “erməni soyqırımı” mövzusun...

Erməni millətçi dairələrinin Azərbaycan xalqına qarşı törətdikləri soyqırımı ...

CƏMİYYƏT

2020-03-30 14:00:00

CƏMİYYƏT
Milli həmrəyliyimiz, məsuliyyətli davran...
Milli həmrəyliyimiz, məsuliyyətli davran...

Bu barədə QHT.az-a Sosial Rifah və Tədqiqatlar İctimai Birliyinin sədri Əkrəm...

2020-03-21 10:05:33

CƏMİYYƏT
TRT Hacı Zeynalabdin Tağıyevə həsr edilm...
TRT Hacı Zeynalabdin Tağıyevə həsr edilm...

Türkiyənin “TRT AVAZ” televiziya kanalında yayımlanan “Köklərin izində” sənəd...

İQTİSADİ

2020-03-23 12:10:28

İQTİSADİ
Könül Nurullayeva: Azərbaycan Prezidenti...
Könül Nurullayeva: Azərbaycan Prezidenti...

Fevralın 9-da Milli Məclisə keçirilən seçkilər Azərbaycanda demokratik dəyərl...

2020-03-17 11:00:35

İQTİSADİ
Hazırkı vəziyyət Rəqabət Məcəlləsinin qə...
Hazırkı vəziyyət Rəqabət Məcəlləsinin qə...

Artıq iqtisadi strukturlarda baş verən dəyişikliklər Rəqabət Məcəlləsinə qəbu...