MÜSAHİBƏ
A- A A+

Aprel döyüşləri ordumuzun düşmənlə müqayisədə böyük üstünlüyünü nümayiş etdirdi

2017-03-31 09:15:08

.

Aprel döyüşləri son illər Silahlı Qüvvələrimizdə aparılan genişmiqyaslı işlərin uğurlu nəticələrini inandırıcı şəkildə göstərdi, ordumuzun işğalçı düşmənlə müqayisədə böyük hərbi-psixoloji üstünlüyə malik olduğunu nümayiş etdirdi.

Bu fikri AZƏRTAC-a açıqlamasında ehtiyatda olan polkovnik, müharibə veteranı Əzizağa Qəni-zadə səsləndirib.

Ə.Qəni-zadə deyib ki, Qarabağ cəbhəsində 24 illik status-kvonu dəyişdirən Azərbaycan Respublikasının Silahlı Qüvvələrinin 2016-cı ilin aprelində keçirdiyi əks-həmlə əməliyyatlarının nəticələri, xüsusən aprel döyüşlərindən sonra düşmənin itirilmiş strateji yüksəklikləri geri qayıtmaq cəhdlərinin qarşısının alınması ölkəmizin mövqeyini beynəlxalq aləmdə əsaslı şəkildə gücləndirib. Silahlı Qüvvələrimizin qısamüddətli effektiv əks-hücumlarının yaratdığı güclü rezonans bütün dünyaya real durumun əsl mahiyyətini dəqiq anlatdı və aparılan uğurlu əməliyyatlarla işğal altında olan ərazilərimizi azad etməyə qadir olduğumuzu bir daha sübuta yetirdi. Ermənistan artıq hərbi-siyasi iflasın son mərhələsinə qədəm qoyduğunu anlayır, təcavüzkar ölkənin vətəndaşları isə Qarabağın heç vaxt onların olmayacağını dərk edirlər.

Ehtiyatda olan polkovnik qeyd edib ki, aprelin 2-də Ermənistan silahlı qüvvələrinin Qarabağda - işğal olunmuş torpaqlarımızda bütün cəbhə boyu hücuma keçməsi və layiqli cavabını alaraq geri oturdulması, çoxsaylı itkilərə məruz qalması, işğal altındakı Lələtəpə yüksəkliyinin və bir sıra digər strateji yüksəkliklərin düşməndən azad olunması Azərbaycan ictimaiyyətində, həmçinin gündən-günə güclənən ordumuzun şəxsi heyətində böyük ruh yüksəkliyi yaratdı. Bu qələbə göstərdi ki, müzəffər Azərbaycan Ordusu düşmənə nəinki tutarlı cavabı verməyə, hətta onu çox ağır itkiyə uğradaraq işğal altındakı ərazilərimizi azad etməyə qadirdir. Belə ki, igid əsgərlərimiz ermənilərin çoxlu sayda ağır texnikasını, eləcə də yüzlərlə canlı qüvvəsini məhv edərək, düşmən caynağında olan strateji yüksəklikləri nəzarətə götürdü.

“Aprel döyüşləri bir daha təsdiqlədi ki, Prezident, Silahlı Qüvvələrin Ali Baş Komandanı İlham Əliyevin dediyi kimi, “Azərbaycan güclü dövlətdir, onun güclü ordusu vardır”. Bu gün ölkəmizdə güclü nizami ordu qurulub. Silahlı Qüvvələrimiz müasir texnika, hərbi sursatla təchiz olunub və regionun ən güclü ordusuna çevrilib. Xalqımız əmindir ki, Azərbaycan Ordusu işğal altındakı bütün torpaqlarımızı düşməndən təmizləyəcək, apreldə qazanılmış qələbələri davam etdirərək üçrəngli bayrağımızı Qarabağın hər guşəsində dalğalandıracaq”, - deyə polkovnik Ə.Qənizadə bildirib.

 

 


Kateqoriya : MÜSAHİBƏ Baxış sayı : 256

QHT və MEDİA

2018-02-23 10:00:44

QHT və MEDİA
Xarici mediada Xocalı soyqırımına dair ...
Xarici mediada Xocalı soyqırımına dair ...

Ukraynanın “Vechirniykiev” portalında AZƏRTAC-ın Ukrayna, Belarus, Moldova üz...

2018-02-22 17:10:35

QHT və MEDİA
Regionlarda gənclərin bilik və bacarıqla...
Regionlarda gənclərin bilik və bacarıqla...

“Tərəqqi” Sosial Tədqiqatlar İctimai Birliyi və Mərhəmət Kimsəsizlərə Yardım ...

CƏMİYYƏT

2018-02-23 13:25:31

CƏMİYYƏT
Sumqayıt hadisələri-məkrli planlar
Sumqayıt hadisələri-məkrli planlar

Hər il fevralın 27-28-də Sumqayıt hadisələri haqqında media yazır, müzakirəl...

2018-02-22 17:20:31

CƏMİYYƏT
“Xocalı şahidləri danışır” kitabının təq...
“Xocalı şahidləri danışır” kitabının təq...

Fevralın 22-də Beynəlxalq Mətbuat Mərkəzində “Xocalı şahidləri danışır” kitab...

İQTİSADİ

2018-02-22 10:10:43

İQTİSADİ
Bakı-Tbilisi-Qars dəmir yolu ilə sərnişi...
Bakı-Tbilisi-Qars dəmir yolu ilə sərnişi...

Bakı-Tbilisi-Qars dəmir yolu ilə sərnişin daşınması yəqin ki, bu ilin sonunad...

2018-02-20 08:10:24

İQTİSADİ
Bakıda "IT və IT Təhlükəsizlik üzrə konf...
Bakıda "IT və IT Təhlükəsizlik üzrə konf...

AZƏRTAC Azərbaycan Banklar Assosiasiyasına (ABA) istinadla xəbər verir ki, "A...