MÜSAHİBƏ
A- A A+

Sun Cinvu: Dağlıq Qarabağ münaqişəsi Azərbaycanın ərazi bütövlüyü çərçivəsində həll edilməlidir

2017-03-15 08:45:09

.

Milli Məclisdə Çin Xalq Respublikasının Xarici Ölkələrlə Çin Dostluq Cəmiyyətinin sədr müavini Sun Cinvunun başçılıq etdiyi nümayəndə heyəti ilə görüş keçirilib.

AZƏRTAC xəbər verir ki, görüşdə Azərbaycan-Çin əlaqələrinin çoxşaxəliliyindən məmnunluq ifadə olunub.

Milli Məclisin ictimai birliklər və dini qurumlar komitəsinin sədri, Azərbaycan-Çin parlamentlərarası dostluq qrupunun rəhbəri Siyavuş Novruzov bildirib ki, Azərbaycan müstəqilliyini bərpa etdikdən sonra ticari, iqtisadi, siyasi əlaqələri daha da genişlənib.

Komitə sədri vurğulayıb ki, Azərbaycan-Çin əlaqələrinin dərin tarixi kökləri var. Xalqımızın ümummilli lideri Heydər Əliyevin 1994-cü ildə Çinə rəsmi səfəri, orada keçirdiyi yüksək səviyyəli görüşlər və apardığı danışıqlar müasir dövrdə ölkələrimiz arasında əlaqələrin əsasını qoyub. Prezident İlham Əliyevin Çinə səfərlərini xatırlayan komitə sədri deyib ki, bu səfərlər ikitərəfli münasibətlərin genişlənməsinə xüsusi töhfə verib.

Siyavuş Novruzov parlamentlərarası, o cümlədən Çin Kommunist Partiyası ilə Yeni Azərbaycan Partiyası arasındakı əlaqələrdən də danışıb.

Ermənistan-Azərbaycan, Dağlıq Qarabağ münaqişəsinə toxunan komitə sədri qeyd edib ki, 20 ildən çoxdur Azərbaycan torpaqlarının 20 faizi erməni silahlı qüvvələri tərəfindən işğal olunub, bir milyondan çox azərbaycanlı öz doğma torpaqlarından didərgin düşüb. Münaqişənin həlli ilə bağlı BMT Təhlükəsizlik Şurasının dörd qətnaməsi hələ də Ermənistan tərəfindən icra olunmayıb.

Təhsil əlaqələrindən danışan S.Novruzov vurğulayıb ki, Azərbaycanın bir çox universitetlərində Çin dili tədris olunur. Çindən gələn tələbələr ölkəmizdə, azərbaycanlı tələbələr isə Çinin bir sıra universitetlərində təhsil alırlar.

Sədr müavini Sun Cinvu qeyd edib ki, hər iki ölkənin rəhbərlərinin səyləri nəticəsində hazırda dostluq münasibətləri bütün sahələri əhatə edir. Siyasi baxımdan ölkələrimiz arasında inam və etimad mövcuddur.

Qonaq bildirib ki, bu il Çin ilə Azərbaycan arasında diplomatik əlaqələrin qurulmasının 25-ci ildönümüdür və Pekin şəhərində bu münasibətlə böyük ziyafət keçiriləcək.

Sun Cinvu Dağlıq Qarabağ münaqişəsinə münasibətdə Çin Xalq Respublikasının mövqeyini bir daha təsdiqləyərək vurğulayıb ki, biz problemin Azərbaycanın ərazi bütövlüyü prinsipi əsasında, beynəlxalq hüquq normalarına uyğun həll edilməsinin tərəfdarıyıq. İnanırıq ki, BMT Təhlükəsizlik Şurasının müvafiq qətnamələri tezliklə icra olunacaq.

Söhbət zamanı hər iki ölkənin təşəbbüskarı olduğu yeni iqtisadi layihələr, Azərbaycan ilə Çin arasında humanitar təmaslar, münasibətlərin gələcək inkişaf perspektivləri barədə fikir mübadiləsi aparılıb.

 

 

 


Kateqoriya : MÜSAHİBƏ Baxış sayı : 920

QHT və MEDİA

2020-04-07 08:30:37

QHT və MEDİA
İctimai Qərargah ictimai sektorun poten...
İctimai Qərargah ictimai sektorun poten...

"Ümid edirəm ki, Şuranın təşkil etdiyi İctimai Qərargah #koronavirusla effekt...

2020-04-06 18:20:43

QHT və MEDİA
“Ruhlar şəhəri”ndən ruhlar planetinə...
“Ruhlar şəhəri”ndən ruhlar planetinə...

Ermənistan Ağdamı da işğal etdi və Şuşa kimi, Laçın, Kəlbəcər, Füzuli, Cəbray...

CƏMİYYƏT

2020-04-01 15:10:10

CƏMİYYƏT
31 mart 1918-ci il Bakı hadisələri bir i...
31 mart 1918-ci il Bakı hadisələri bir i...

XX əsr tariximizin ən ağrılı, ən qanlı, ən faciəli məqamı - xalqımızın və əra...

2020-03-30 14:00:00

CƏMİYYƏT
Milli həmrəyliyimiz, məsuliyyətli davran...
Milli həmrəyliyimiz, məsuliyyətli davran...

Bu barədə QHT.az-a Sosial Rifah və Tədqiqatlar İctimai Birliyinin sədri Əkrəm...

İQTİSADİ

2020-04-07 18:15:52

İQTİSADİ
Sahil Babayev: Fərdi sahibkarlar üçün DS...
Sahil Babayev: Fərdi sahibkarlar üçün DS...

Əmək və Əhalinin Sosial Müdafiəsi Nazirliyi İqtisadiyyat Nazirliyi ilə birlik...

2020-04-05 17:25:14

İQTİSADİ
Sahibkarlıqla bağlı Koordinasiya Şurası ...
Sahibkarlıqla bağlı Koordinasiya Şurası ...

Ölkədə sahibkarlıq fəaliyyətini (o cümlədən kiçik və orta sahibkarlığı) dəstə...