SİYASƏT
A- A A+

"Münaqişənin nizamlanması üçün bütün şanslardan istifadə olunmayıb"

2017-03-08 19:05:42

.

"Azərbaycan və Ermənistan qoşunlarının təmas xəttində vəziyyətin gərginləşməsi keçən ilin aprel müharibəsindən sonra Dağlıq Qarabağ münaqişəsinin həll olunmamasının birbaşa nəticəsidir."

Bu barədə "Report"un Rusiya bürosuna politoloq, "Avrasiya İdeyaları Emalatxanası" Fondunun ekspert şurasının sədri Qriqori Trofimçuk bildirib.

"Bu gün Dağlıq Qarabağda münaqişənin gərginləşməsi birbaşa 2016-cı ilin aprel müharibəsindən sonra problemin həlli istiqamətində heç bir addımın atılmamasının nəticəsidir. Rəsmi Bakı danışıqların, eləcə də Vyana və Sankt-Peterburq sammitlərinin hansısa nəticə verəcəyinə çox ümid edirdi. İndi, fevral hadisələrindən sonra elə təəssürat yaranır ki, Qarabağdakı hadisələr heç kimi maraqlandırmır" - Q.Trofimçuk vurğulayıb.

Politoloqun fikrincə, başverənlərin səbəbi Rusiyada məsələnin həllinin hərbi variantını istisna edə biləcək heç bir yeni ideyanın olmaması ilə bağlıdır.

O, Dağlıq Qarabağ ətrafında vəziyyətin ağır olduğunu bildirib və bunu münaqişənin həlli üçün yaranmış bütün şanslardan istifadə olunmaması ilə izah edib: "Bu şansların nə vaxt yarandığını xatırladım. Birincisi, 1994-cü ildə atəşkəsin elan olunmasından dərhal sonra. Atəşkəs rejimi 23 ildir qüvvədədir, amma heç bir nəticə verməyib. İkincisi, keçənilki aprel müharibəsindən dərhal sonra. Üçüncüsü isə Ağ Evdə prezident dəyişikliyi zamanı. Həmin vaxt 3 ölkə - Azərbaycan, Ermənistan və Rusiya münaqişəni aralarında həll edə bilərdi".

Politoloqun fikrincə, indi Qərb, xüsusən də ABŞ və İran arasındakı qarşıdurma kontekstində, öz baxış bucağı üzrə fikirlərini diqtə etməyə çalışacaq.

Ekspert Şurasının sədri Azərbaycanın XİN başçısının əvvəllər də danışıqlar prosesinin gedişi ilə bağlı narazılığını bildirdiyini xatırladıb.

"Rəsmi Bakının mövqeyi heç vaxt olmadığı qədər aydındır. Ona dörə də tərəfləri heç olmasa formal olaraq danışıqlar masasına əyləşdirmək üçün konkret həllər axtarmaq lazımdır" - Q.Trofimçuk vurğulayıb.

 

 


Kateqoriya : SİYASƏT Baxış sayı : 644

QHT və MEDİA

2019-07-20 09:10:35

QHT və MEDİA
Gürcü ekspertlər: “İnsidentin arxasında ...
Gürcü ekspertlər: “İnsidentin arxasında ...

Bunu “Report”un yerli bürosuna açıqlamasında Gürcüstanın əməkdar jurnalisti, ...

2019-07-20 07:45:42

QHT və MEDİA
UNUDULMUŞ ŞƏHİD MƏZARLARI 1990-1997
UNUDULMUŞ ŞƏHİD MƏZARLARI 1990-1997

Azərbaycan Respublikasının Prezidenti yanında Qeyri-Hökumət Təşkilatlarına...

CƏMİYYƏT

2019-07-19 08:40:08

CƏMİYYƏT
Akademik Azərbaycan Xalq Cümhiriyyətini...
Akademik Azərbaycan Xalq Cümhiriyyətini...

Azərbaycan Respubliksının Prezidenti İlham Əliyevin 27 may 2019-cu il tarixli...

2019-07-16 08:20:48

CƏMİYYƏT
Müharibə şəraitində mediamız
Müharibə şəraitində mediamız

Ancaq bəzi məqamları diqqətsiz buraxmaq olmur. Ümumiyyətlə, jurnalistikanın ...

İQTİSADİ

2019-07-17 08:50:31

İQTİSADİ
100,6 milyard dollar investisiya yatırıl...
100,6 milyard dollar investisiya yatırıl...

Energetika Nazirliyindən bildirilib ki, Energetika naziri Pərviz Şahbazov ADA...

2019-07-16 09:25:35

İQTİSADİ
Aİ-Azərbaycan: strateji tərəfdaşlığın ak...
Aİ-Azərbaycan: strateji tərəfdaşlığın ak...

Bir sıra ekspertlər son zamanlar Avropa İttifaqı-Azərbaycan münasibətlərində ...