SİYASƏT
A- A A+

Azay Quliyev: "Fransada belə bir təşəbbüsün irəli sürülməsini təqdir edirəm"

2017-03-02 21:15:54

Fransa ictimaiyyəti, nəhayət, ikili standartlara etiraz etməli, Xocalı hadisələrinə, kifayət qədər dəlil, sübut və şahidləri olan bu soyqırıma adekvat qiymət verməlidir

Bu sözləri Axar.az-a Prezident yanında Qeyri-Hökumət Təşkilatlarına Dövlət Dəstəyi Şurasının sədri, millət vəkili və ATƏT PA-nın vitse-prezidenti Azay Quliyev Fransada Xocalı soyqırımının tanınması üçün başladılan petisiya ilə bağlıdanışarkən deyib. 

Millət vəkili bildirib ki, Fransada atılan bu addımı yalnız alqışlamaq lazımdır, çünki Xocalıda törədilmiş qətliamlar birbaşa soyqırım və beynəlxalq cinayətdir:

“Bütün ölkələr bu soyqırım cinayətinə adekvat qiymət verməlidir. Çünki Xocalı soyqırımı insanlıq əleyhinə törədilib, günahsız insanlar, uşaqlar, qadınlar, yaşlılar öldürülüb. Onların tək günahı azərbaycanlı olmalarıdır. Bu soyqırım ermənilər tərəfindən törədilmiş məhvetmə hadisəsdir. Ona görə də bəşəriyyət və insanlıq əleyhinə törədilmiş bu cinayətə heç bir toplum səssiz qalmamalıdır. Fransada belə bir təşəbbüsün irəli sürülməsini təqdir edirəm. Bu təşəbbüsə bütün tərəqqipərvər insanlar qoşulmalıdır. Eyni zamanda, Fransa hökuməti və parlamentindən tələb olunmalıdır ki, Xocalıda baş vermiş hadisələrə olduğu kimi qiymət versinlər, soyqırım kimi tanısınlar və bunu törədənlərin ədalət mühakiməsinə cəlb olunmasını tələb etsinlər”.

Millət vəkili vurğulayıb ki, Fransa Minsk Qrupunun həmsədridir və müəyyən mənada mandatına uyğun olaraq da bu cür məsələlərdə öz prinsipial mövqeyini sərgiləməlidir:

“Təəssüf ki, biz indiyə qədər bunu Fransadan görməmişik, tam əksinə, Fransanın Ermənistanı dəstəkləməsinin, işğal edilmiş ərazilərimizə qanunsuz səfərlərin təşkil olunmasının şahidi olmuşuq. Bu gün qondarma rejimlə Fransanın müxtəlif şəhər və bələdiyyələri qardaşlaşıb, yaxud da əməkdaşlıq haqqında müqavilə imzalayıb. Fransa separatçı rejimə ən çox dəstək verən və separatçı rejimin nümayəndəliyini təsis edən çox nadir ölkələrdən biridir. Bu gün Fransa Ermənistanı özünə “kiçik bacı” hesab edir və işğalçını bütün vəchlə dəstəkləyir”.

Azay Quliyev hesab edir ki, Fransa bu gün bir seçim qarşısındadır:

“Bu ölkə 1915-ci ildə Anadoluda baş vermiş hadisələri heç bir əsas olmadan, hər hansı tutarlı fakta söykənmədən Osmanlı Türkiyəsi tərəfindən ermənilərə qarşı törədilmiş soyqırım kimi tanıyıb, hətta soyqırımı inkar edən şəxslərə cəza nəzərdə tutan qanun qəbul edib. Düzdür, son vaxtlar bu qanunun konstitusiya məhkəməsi tərəfindən keçərliliyi dayandırılıb. İndi isə Fransa ictimaiyyəti, nəhayət, ikili standartlara etiraz etməli, Xocalı hadisələrinə, kifayət qədər dəlil, sübut və şahidləri olan bu soyqırıma adekvat qiymət verməlidir. Hesab edirəm ki, Fransa ictimaiyyətinin bu gün belə imkanı var. Əgər Fransa xalqı doğurdan da tərəqqi və sülhpərvər, ədalətli toplumdursa, özlərinin də iştirakı ilə yaratdıqları beynəlxalq hüquq normalarına hörmət edirlərsə, onda sübut etməlidirlər ki, ermənilər tərəfindən Xocalıda törədilən hadisələrə laqeyd deyillər və bu soyqırımı pisləyirlər. Mən bütövlükdə belə bir təşəbbüsü dəstəkləyirəm və təbii ki, biz bunun nəticəsini gözləyəcəyik”.

Qeyd edək ki, fransalı vəkil Oliviyer Perdo tərəfindən Fransa hakimiyyətinin Xocalı soyqırımını tanıması üçün petisiya təqdim edilib.

Petisiyada deyilir: “Bəzi fransalılar Xocalı faciəsi barədə məlumatlıdırlar, lakin Fransa hakimiyyəti bu hadisədən xəbəri olsa da, günahkarların məsuliyyətə cəlb olunması zərurətindən yayınmaq üçün susmağa üstünlük verir”.

 

 


Kateqoriya : SİYASƏT Baxış sayı : 766

QHT və MEDİA

2019-06-19 10:10:23

QHT və MEDİA
Azərbaycan nümayəndə heyəti Vyanada Avst...
Azərbaycan nümayəndə heyəti Vyanada Avst...

Qafqaz Müsəlmanları İdarəsinin sədri Şeyxülislam Allahşükür Paşazadənin rəhbə...

2019-06-18 09:45:56

QHT və MEDİA
Ankarada Azərbaycan diplomatik xidmət or...
Ankarada Azərbaycan diplomatik xidmət or...

Konfransda Ankarada akkreditə olunan diplomatik korpusun rəhbərləri və təmsil...

CƏMİYYƏT

2019-06-19 15:25:56

CƏMİYYƏT
Hikmət Şikarov: “İmzalanan fərman və sə...
Hikmət Şikarov: “İmzalanan fərman və sə...

Dövlətimizin imkanları genişləndikcə daxili siyasətin əsas istiqamətlərindən ...

2019-06-17 10:45:20

CƏMİYYƏT
Litvada “Qara bağın faciəsi” kitabının i...
Litvada “Qara bağın faciəsi” kitabının i...

Litvanın Şaulyay şəhərində yazıçı-publisist Gintaras Visotskasın “Qara bağın ...

İQTİSADİ

2019-06-14 22:40:47

İQTİSADİ
SOCAR-ın AMEA ilə əməkdaşlığı çərçivəsi...
SOCAR-ın AMEA ilə əməkdaşlığı çərçivəsi...

Bu gün SOCAR-ın prezidenti Rövnəq Abdullayev və Şirkət rəhbərliyinin nümayənd...

2019-06-13 18:40:16

İQTİSADİ
Yohannes Han: “Azərbaycan Avropanı Avras...
Yohannes Han: “Azərbaycan Avropanı Avras...

Fact-info.az-ın APA-ya istinadən xəbərinə görə, bunu Avropa İttifaqının Avrop...