CƏMİYYƏT
A- A A+

İordaniya Senatında Xocalı soyqırımı barədə danışılıb

2017-02-12 16:35:15

Azərbaycanın İordaniyadakı səfiri Sabir Ağabəyov fevralın 12-də bu ölkənin Senatında fəaliyyət göstərən İordaniya-Azərbaycan Qardaşlıq Komitəsində görüş keçirib.

Səfirlikdən AZƏRTAC-a verilən məlumata görə, əvvəlcə Azərbaycan Respublikası Milli Məclisində Azərbaycan-İordaniya parlamentlərarası əlaqələr üzrə işçi qrupunun rəhbəri millət vəkili Nəriman Əliyevin iordaniyalı həmkarlarına ünvanladığı məktub qarşı tərəfə təqdim olunub. Məktubda İordaniya-Azərbaycan Qardaşlıq Komitəsinin sədrinin və üzvlərinin seçilməsi münasibətilə təbrik ifadə olunub, parlamentlərarası münasibətlərin bundan sonra da dərinləşdirilməsi naminə fəaliyyətlərində uğurlar arzu edilib.

İordaniya-Azərbaycan Qardaşlıq Komitəsinin sədri senator Mərvan Abdulhəlim ən-Nəmr əl-Hmud təbrik məktubuna görə şəxsən öz adından və Komitə üzvləri adından azərbaycanlı həmkarlarına minnətdarlıqlarını ifadə edib, dost ölkələrimiz arasında əlaqələrin daha da inkişaf etdirilməsi naminə bütün qüvvələrini sərf edəcəklərini bildirib.

Görüşdə iki ölkə arasında dostluq və əməkdaşlıq əlaqələrinin səviyyəsindən razılıq ifadə edilib, bu əlaqələrin Prezident İlham Əliyev ilə Kral II Abdullah arasında şəxsi dostluq münasibətlərindən bəhrələndiyi vurğulanıb. Parlamentlərarası əməkdaşlıq əlaqələrinin mövcud vəziyyəti, bu əlaqələrin daha da inkişaf etdirilməsi perspektivləri, qanunverici orqanların nümayəndələrinin səfər mübadilələrinin təşkili haqqında fikir mübadiləsi aparılıb.

Səfir S.Ağabəyov Ermənistan-Azərbaycan, Dağlıq Qarabağ münaqişəsinin tarixi, ermənilərin xalqımıza qarşı həyata keçirdikləri soyqırımı cinayətləri, işğalçı ölkənin etnik təmizləmə siyasəti, münaqişə ilə bağlı son vəziyyət, Ermənistanın bölgədə davam edən təxribatları, Azərbaycan Ordusunun uğurlu aprel döyüşləri və həmin döyüşlər nəticəsində düşməndən azad edilmiş ərazilərdə yenidənqurma işlərinə başlanılması barədə məlumat verib.

İyirmi beş il əvvəl Ermənistan silahlı qüvvələri tərəfindən Xocalıda Azərbaycan xalqına qarşı törədilmiş soyqırımı cinayətindən söhbət açan diplomat respublikamızın hazırda bu qanlı cinayətin ildönümünə hazırlaşdığı və yaxın günlərdə Əmmandakı səfirliyimizdə də Xocalı soyqırımı qurbanlarının anım mərasiminin keçiriləcəyini qeyd edib. Qardaşlıq Komitəsinin sədri və üzvləri həmin mərasimə dəvət olunublar.

Səfir S.Ağabəyov İordaniya Senatının Xocalı soyqırımının tanınması və qətiyyətlə pislənməsi barədə sənəd qəbul etdiyini məmnunluqla vurğulayaraq, bu addımın Azərbaycan xalqı və hökuməti tərəfindən yüksək qiymətləndirildiyini bildirib, Xocalı soyqırımının 25-ci ildönümü ilə bağlı səfirliyin bəyanatını sədrə və Komitə üzvlərinə təqdim edib.

Azərbaycan Prezidenti İlham Əliyevin Sərəncamı ilə 2017-ci ilin ölkəmizdə “İslam Həmrəyliyi İli” elan edildiyi, cari il mayın 12-22-də Bakıda keçiriləcək İslam Həmrəyliyi Oyunları barədə də qarşı tərəfə məlumat verilib.

Mərvan əl-Hmud verilən ətraflı məlumata görə təşəkkür edib, Ermənistan-Azərbaycan, Dağlıq Qarabağ münaqişəsi və Xocalı soyqırımı ilə bağlı ölkəsinin birmənalı mövqeyinin heç zaman dəyişməyəcəyini vurğulayıb və Əmmandakı səfirliyimizdə keçiriləcək anım mərasimində Komitə üzvləri ilə birlikdə iştirak edəcəyini diqqətə çatdırıb.

Görüşdə ölkəmizin bu ölkədəki səfirliyinin müşaviri İ.Əliyev də iştirak edib.

 

 

 

 

 


Kateqoriya : CƏMİYYƏT Baxış sayı : 807

QHT və MEDİA

2019-12-10 18:00:15

QHT və MEDİA
İnformasiya təhlükəsizliyinə həsr olunan...
İnformasiya təhlükəsizliyinə həsr olunan...

Jurnalistlərin Həmkarlar İttifaqının təşkilatçılığı (JuHİ) ilə Bakı şəhərində...

2019-12-10 10:10:25

QHT və MEDİA
Azay Quliyev “Azərbaycanı beynəlxalq təş...
Azay Quliyev “Azərbaycanı beynəlxalq təş...

“Azərbaycanı beynəlxalq təşkilatlarda təmsil edən ən fəal deputat” nominasiya...

CƏMİYYƏT

2019-12-04 10:50:22

CƏMİYYƏT
Elxan Ələsgərov: Erməni nazir Rusiyaya q...
Elxan Ələsgərov: Erməni nazir Rusiyaya q...

Yerevanda İordaniyanın xarici işlər və miqrantlarla iş üzrə naziri Ayman Safa...

2019-12-02 12:05:29

CƏMİYYƏT
Klassik irsimizin zirvəsi
Klassik irsimizin zirvəsi

Əsərləri klassik Azərbaycan poeziyasının incilərindən sayılan Mirzə Şəfi Vaze...

İQTİSADİ

2019-12-10 20:15:07

İQTİSADİ
“The Jerusalem Post”: TANAP qaz kəməri A...
“The Jerusalem Post”: TANAP qaz kəməri A...

Azərbaycan özünün Cənub Qaz Dəhlizi meqalayihəsini uğurla davam etdirir. Azər...

2019-12-08 09:30:36

İQTİSADİ
“Abşeron” yatağı Azərbaycanın daxili təl...
“Abşeron” yatağı Azərbaycanın daxili təl...

Dekabrın 6-da SOCAR-ın prezidenti Rövnəq Abdullayev Fransanın TOTAL şirkəti...