SİYASƏT
A- A A+

“İslam demokratik, sivil cəmiyyət quruculuğuna təkan verir”

2017-02-01 11:00:46

Milli Məclis və Dini Qurumlarla İş üzrə Dövlət Komitəsinin təşkilatçılığı ilə “Müasir çağırışlar və islam həmrəyli” mövzusunda tədbir keçirilib

APA-nın məlumatına görə, tədbirdə çıxış edən Milli Məclisin sədr müavini Bahar Muradova deyib ki, Azərbaycan prezidenti İlham Əliyev tərəfindən 2017-ci ilin “İslam həmrəyliyi ili” elan olunması təsadüfi deyil. 
 B. Muradova hazırda bütün qitələrdə bəşəriyyəti narahat edən problemlər olduğunu, dünyanın sivilizasiyalararası və dinlərarası ziddiyyətlərdən daha çox ziyan çəkdiyini bildirib: “Bu gün daha çox təhdidlərlə üzləşən islam ölkələridir. Bir çox hallarda islam dünyasının öz daxilindən qaynaqlanan ziddiyyətlər təhdidləri artırır. Sirr deyil ki, Qərb-Şərq qarşıdurmasından daha çox islam ölkələri, biz ziyan çəkirik. Ölkələr ərazi bütövlüklərini, dövlətlər öz suverenliklərini necə qorumalıdır? Bu gün dünyada bu barədə müzakirələr gedir. Qərb və Şərqin qovşağında yerləşən Azərbaycan müasir, inkişaf etmiş, xalqının sosial rifahına nail olmuş ölkə kimi islam həmrəyliyinə öz töhfəsini verməyə çalışır. Azərbaycan prezidenti müasir dünyanın üzləşdiyi təhdidləri nəzərə alaraq 2017-ci ilin “İslam həmrəyliyi ili” elan edilməsi ilə bağlı sərəncam verib”.
 B. Muradova son prezident seçkilərindən sonra ABŞ kimi fövqəldövlətin dünyanın bu sahədə üzləşdiyi problemlərin həllindən çox, ziddiyyətləri kəskinləşdirmək yönündə addımlar atdığını vurğulayıb: “İslam dünyasında həmrəylik bütövlükdə dünyanın marağında olmalıdır. İslam dünyasında həmrəylik varsa, təhdidlər dəf edilər. Bir məqamı da qeyd edim. Azərbaycanda islam dini demokratik, sivil cəmiyyət quruculuğuna təkan verir. Ancaq bu gün dünyada islamın geriliyin səbəbi olması yönündə haqsız bir baxış var. Ən ağrılısı isə odur ki, bir sıra terror təşkilatları islamdan vasitə kimi istifadə etməyə çalışır”.
Dini Qurumlarla İş üzrə Dövlət Komitəsinin sədri Mübariz Qurbanlı tədbirin Milli Məclisin Kitabxanasında keçirilməsinin təsadüf olmadığını söyləyib:  “Milli Məclis üçün darıxmışam və nə zamansa yenidən Milli Məclisə qayıtmağı arzu edirəm. Biz bu sahədə ilk tədbirin məhz Milli Məclisin Kitabxanasında keçirilməsini vacib saydıq.  Dövlət Komitəsi olaraq kitabxanaya 50 kitab hədiyyə etdik. Bu kitablar arasında “İslam ensiklopediyası”, “Quran” da var. Deputatlar bu kitablardan bəhrələnə bilərlər ”.                     
M. Qurbanlı Azərbaycan prezidentinin imzaladığı sərəncamın islam dünyası üçün bir çağırış olduğunu vurğulayıb: “Bu gün 7 milyard dünya əhalisinin 25 faizi islam dininə sitayiş edir. İslam dünyası 100 trilyon dollarlıq dünya iqtisadiyyatında yalnız 8,5 faiz paya malikdir.  Dünya neft ehtiyatlarının 60 faizi, qaz ehtiyatlarının 62 faizi islam ölkələrindədir. Ancaq internetləşmənin səviyyəsi islam ölkələrində dünya orta göstəricisindən 4 dəfə azdır.  Dünyadakı elmi kəşflərin yalnız 1,5 faizi islam alimlərinin payına düşür. Nobel mükafatçılarının yalnız 2-3 faizi islam alimləridir. İslam ölkələri arasında iqtisadi sahədə, beynəlxalq təşkilatlarda, siyasi sahədə bir həmrəylik olmalıdır. Bütün bu çağırışlar prezidentin sərəncamında əksini tapıb. İslam həmrəyliyi sivilizasiyalararası həmrəyliyə körpü yaratmaq məqsədi daşıyır”.
Azərbaycanın İslam Əməkdaşlıq Təşkilatı Parlament Assambleyasındakı nümayəndə heyətinin rəhbəri Gövhər Baxşəliyeva islam ölkələrinin din xadimlərinin Azərbaycana səfər etməsini vacib sayıb: “Onların bir müsəlman ölkəsinin necə inkişaf etməsini görmələrinə ehtiyac var”. 


Kateqoriya : SİYASƏT Baxış sayı : 907

QHT və MEDİA

2020-02-22 22:05:34

QHT və MEDİA
Almaniyada Ümumavropa Qarabağ mitinqi ke...
Almaniyada Ümumavropa Qarabağ mitinqi ke...

Dünyanın 30-a yaxın ölkəsində fəaliyyət göstərən diaspor təşkilatlarının təşə...

2020-02-22 09:50:08

QHT və MEDİA
Serbiyada Xocalı qurbanlarının xatirəsi ...
Serbiyada Xocalı qurbanlarının xatirəsi ...

Yaxın tariximizin üz qarası olan Xocalı soyqırımının 28-ci ildönümü ilə əlaqə...

CƏMİYYƏT

2020-02-20 09:50:36

CƏMİYYƏT
Prezident İlham Əliyevin Münxen qələbəsi...
Prezident İlham Əliyevin Münxen qələbəsi...

Almaniyanın Münxen şəhərində təhlükəsizlik problemləri ilə bağlı ənənəvi olar...

2020-02-14 09:15:13

CƏMİYYƏT
Bəxtiyar Vahabzadə yaradıcılığı "Temrin"...
Bəxtiyar Vahabzadə yaradıcılığı "Temrin"...

Unudulmaz Heydər Əliyevin Azərbaycan və Türkiyənin bütün parametrlərdə birgəl...

İQTİSADİ

2020-02-19 18:20:24

İQTİSADİ
Azərbaycanlı alimlərin dünya elminə mühü...
Azərbaycanlı alimlərin dünya elminə mühü...

Azərbaycan Milli Elmlər Akademiyası (AMEA) Geologiya və Geofizika İnstitutunu...

2020-02-18 10:35:30

İQTİSADİ
Azərbaycanda aparılan islahatların miqya...
Azərbaycanda aparılan islahatların miqya...

Azərbaycanda aparılan islahatların miqyası olduqca geniş və şaxəlidir. Bu isl...