İQTİSADİ
A- A A+

“China Daily”: Azərbaycan İpək yolu zəncirində açar rol oynayır

2017-01-23 10:35:37

Çinin nüfuzlu “China Daily” qəzetində “Azərbaycan İpək yolu zəncirində açar rol oynayır” başlıqlı məqalə dərc olunub

Məqalədə Asiya ilə Avropanı birləşdirən ticarət yolları baxımından böyük potensialı olan, zəngin enerji və təbii resurslara malik Azərbaycanın Çin Xalq Respublikasının Sədri Si Cinpinin irəli sürüdüyü İpək yolu iqtisadi kəməri strategiyasında vacib ölkə olduğu vurğulanır.

Qeyd olunur ki, hələ qədim İpək yolu dövründən dəniz və quru yolu ilə ticarət edənlər coğrafi mövqe baxımından Çin-Mərkəzi Asiya-Qərbi Asiya iqtisadi dəhlizində xüsusi əhəmiyyət daşıyan Azərbaycana gəlirdilər.

Müəllif yazır ki, Qərbi Xan sülaləsinin hakimiyyəti illərində Çinin Roma imperiyası ilə ticarət əlaqələrinin Azərbaycan üzərindən keçməsinə dair tarixdə faktlar var. Qədim İpək yolu üzərində ən təhlükəsiz yol hesab edilən Azərbaycanın Bərdə şəhəri bir vaxtlar ticarət mərkəzi idi. Tarixən olduğu kimi, indi də Çindən Qərbi Asiyaya ən qısa yol Bakıdan keçir.

Bildirilir ki, hazırda Aktau və Türkmənbaşı liman şəhərlərindən yüklər Bakı Beynəlxalq Dəniz Ticarət Limanına, oradan isə Türkiyə və Avropaya daşınır. Çinin Şıxeci şəhərindən yola çıxan yük qatarı sınaq rejimində Aktau limanı vasitəsilə Bakıya gedib çıxıb.

Məqalədə, həmçinin Azərbaycandan keçən Şimal-Cənub nəqliyyat dəhlizi üzərində iş getdiyi, yaxın zamanlarda Rusiya və İranı birləşdirəcək bu dəhlizin Hind okeanı ölkələrinin Avropaya çıxışını təmin edəcəyi diqqətə çatdırılır.

Qeyd olunur ki, Azərbaycan Çin ilə Avropa arasında yüklərin daşınmasını təmin edəcək Transxəzər beynəlxalq nəqliyyat marşrutunun yaradılması üçün qonşu ölkələrlə razılıq əldə edib.

İnşası başa çatmaq üzrə olan Bakı-Tbilisi-Qars dəmir yolunun “Dəmir İpək yolu” adlandırıldığını vurğulayan müəllif yazır ki, Transxəzər beynəlxalq nəqliyyat marşrutu ilə 2020-ci ilədək 300-400 min konteynerin daşınması ehtimal olunur.

Azərbaycan ilə Çin arasında münasibətlərin sürətlə inkişafından bəhs edilən məqalədə qeyd edilir ki, Azərbaycan İpək yolu layihəsində Çinin dəyərli tərəfdaşı olmaq potensialına malikdir.

Yazıda Bakı-Tbilisi-Ceyhan neft, Bakı-Tbilisi-Ərzurum qaz kəmərləri barədə məlumat verilir. Bildirilir ki, bu kəmərlər vasitəsilə Azərbaycan nefti və qazı Avropanın enerji təchizatını təmin edir.

 

 


Kateqoriya : İQTİSADİ Baxış sayı : 920

QHT və MEDİA

2020-03-29 18:55:57

QHT və MEDİA
Səfir: Saxta “erməni soyqırımı” mövzusun...
Səfir: Saxta “erməni soyqırımı” mövzusun...

Erməni millətçi dairələrinin Azərbaycan xalqına qarşı törətdikləri soyqırımı ...

2020-03-29 09:30:18

QHT və MEDİA
Azərbaycan Respublikasının Birinci vitse...
Azərbaycan Respublikasının Birinci vitse...

Azərbaycan Respublikasının Birinci vitse-prezidenti Mehriban Əliyeva rəsmi “I...

CƏMİYYƏT

2020-03-30 14:00:00

CƏMİYYƏT
Milli həmrəyliyimiz, məsuliyyətli davran...
Milli həmrəyliyimiz, məsuliyyətli davran...

Bu barədə QHT.az-a Sosial Rifah və Tədqiqatlar İctimai Birliyinin sədri Əkrəm...

2020-03-21 10:05:33

CƏMİYYƏT
TRT Hacı Zeynalabdin Tağıyevə həsr edilm...
TRT Hacı Zeynalabdin Tağıyevə həsr edilm...

Türkiyənin “TRT AVAZ” televiziya kanalında yayımlanan “Köklərin izində” sənəd...

İQTİSADİ

2020-03-23 12:10:28

İQTİSADİ
Könül Nurullayeva: Azərbaycan Prezidenti...
Könül Nurullayeva: Azərbaycan Prezidenti...

Fevralın 9-da Milli Məclisə keçirilən seçkilər Azərbaycanda demokratik dəyərl...

2020-03-17 11:00:35

İQTİSADİ
Hazırkı vəziyyət Rəqabət Məcəlləsinin qə...
Hazırkı vəziyyət Rəqabət Məcəlləsinin qə...

Artıq iqtisadi strukturlarda baş verən dəyişikliklər Rəqabət Məcəlləsinə qəbu...