SİYASƏT
A- A A+

ASALA terrorçusu Ermənistanın terroru dəstəkləyən dövlət olduğunu etiraf edib

2017-01-09 09:20:40

AZƏRTAC terrorçu Mardiros Jamkoçyanın müxbirə etiraflarını diqqətə çatdırır

İsveçrənin “Hebdo” qəzetində müxbir Antuan Hararinin Ermənistanın Azadlığı uğrunda Gizli Erməni Ordusunun (ASALA) üzvü, 1981-ci ildə Cenevrədə Türkiyə konsulluğunun əməkdaşını qətlə yetirən terrorçu Mardiros Jamkoçyan ilə görüşü barədə məqaləsi dərc olunub.

Məqalədə terrorçu ASALA-nın Azərbaycanın işğal olunmuş ərazilərində fəaliyyət göstərdiyini, bu qurumun Ermənistanın xüsusi xidmət orqanlarına və ordusuna inteqrasiya etdiyini, Ermənistanın terroru dəstəkləyən ölkə olduğunu etiraf edib.

Müəllif 1981-ci il iyunun 9-da Cenevrədə törədilmiş terror aktını belə təsvir edir: “Helvetika prospekti və Ferdinand-Hodler küçəsinin kəsişməsində atəş açılır. Sonra daha ikisi. Başından, ürəyindən və çiynindən yaralanan şəxs yerə yıxılır. Bir qədər aralıda taksi maşını tüstülənir: onun güllə atəşinə tutulmuş mühərriki partlayır. Bu, panikadır. Türkiyə konsulluğunun katibi Mehmet Savaş Erquz Mardiros Jamkoçyan adlı 21 yaşlı terrorçu erməni tərəfindən qətlə yetirilir. Uzun müddət hazırlanmış bu tapşırığın məqsədi İsveçrədə türk kəşfiyyatının rəhbəri olduğu güman edilən həmin şəxsin aradan götürülməsi idi.

Terrorun müəllifi bilir ki, qətlə iyirmidən artıq şəxs şahidlik edib. O, cəld şəkildə Ferdinand-Hodler küçəsindəki binalardan birinə daxil olur, köynəyini dəyişir, tapançasını və istifadə etmədiyi qumbaralarını kənara atır.

Binadan çıxdıqdan sonra o, iti addımlarla Sən-Antuan prospekti istiqamətində gedir. O, məhkəmə binasına doğru gedərkən siqaret almaq məqsədilə yolda bir köşkün yanında dayanır. Yaxınlıqdan keçən birisi onu tanıyaraq polisə xəbər verir. Mardirosu həbs edirlər”.

Müxbir yazır ki, mən bu söhbəti onunla Ermənistan paytaxtının ticarət küçələrindən birində yerləşən kiçik və rahat qəhvəxanada – “Café de Paris”də edirəm. Mardiros Jamkoçyan bu qətliamdan 35 ildən artıq bir müddətin ötməsinə baxmayaraq, qətlin təfərrüatlarını təəssüf hissi keçirmədən danışır: “Mən altı gün ərzində “Jardin anglais”də (gölkənarı bulvarda) yatırdım. Mən silahımı Kornavən vağzalındakı saxlama kamerasında yerləşdirib Cenevrədə konsulu izləyirdim. Mən fürsəti gözləyib, lazım olan anda hərəkətə keçdim”.

Məqalədə deyilir: “O, tapşırığı yerinə yetirmək üçün Cenevrəyə göndərilməzdən əvvəl 17 yaşından etibarən Cənubi Livanda terror düşərgələrində təlim keçib. Həmin dövrdə ASALA çoxlarının bixəbər olduğu uydurma “erməni genosidi” barədə dünya ictimaiyyətini xəbərdar etmək məqsədilə silahlı hücumlar həyata keçirirdi. Onun fəaliyyət üsulu sadədir: bütün Avropa ərazisində Türkiyənin maraqlarını hədəfə almaq”.

İsveçrə məhkəməsi 1981-ci ildə Mardiros Jamkoçyanı 15 il müddətinə qapalı rejimli həbsxanada saxlanılmaqla azadlıqdan məhrum edir. ASALA onu azad etmək üçün çox təxribat və terror aktı törətsə də, İsveçrə güzəştə getmir. Nəhayət, 12 ildən sonra Mardirosu şərti cəza ilə azadlığa buraxırlar. İsveçrə bu terrorçudan canını qurtarmaq üçün onu etibarlılıq müddəti bir ay olan pasportla Ermənistana yola salır.

Müəllif yazır ki, Ermənistana qayıtdıqdan sonra onu qəhrəman kimi qarşılayırlar. Onu dərhal Ermənistan-Azərbaycan, Dağlıq Qarabağ müharibəsinə göndərirlər. Mardiros o dövrdə erməni ordusuna rəhbərlik edən Vazgen Sarqsyanın çox yaxın adamına çevrilir və vəzifə pillələrində onunla birlikdə yüksəlir. O zaman müdafiə naziri və Dağlıq Qarabağda hərbi əməliyyatlara cavabdeh bir şəxs olan Vazgen Sarqsyan 1995-ci ildə baş nazir təyin edilir. Mardiros Jamkoçyan 1997-ci ilədək onun cangüdənlərindən biri olur.

Göründüyü kimi, ASALA terrorçusu Ermənistanın terroru dəstəkləyən dövlət olması faktını isveçrəli jurnalistə etiraf edir.

 

 

 

 

 

 


Kateqoriya : SİYASƏT Baxış sayı : 325

QHT və MEDİA

2017-12-09 09:50:15

QHT və MEDİA
“Məscidlər: İslamın möhtəşəmliyi” kitabı...
“Məscidlər: İslamın möhtəşəmliyi” kitabı...

Heydər Əliyev Mərkəzində Leyla Uluxanlının “Məscidlər: İslamın möhtəşəmliyi” ...

2017-12-08 09:40:27

QHT və MEDİA
Fransalı gənclər Azərbaycana tanışlıq sə...
Fransalı gənclər Azərbaycana tanışlıq sə...

Azərbaycanın Gənclər və İdman Nazirliyinin, ölkəmizin Fransadakı səfirliyinin...

CƏMİYYƏT

2017-12-10 23:05:03

CƏMİYYƏT
Xarici media nümayəndələri Azərbaycanda ...
Xarici media nümayəndələri Azərbaycanda ...

Misirin geniş oxucu auditoriyasına malik “Əxbar əl-yaum” qəzeti ölkənin aparı...

2017-12-07 21:05:37

CƏMİYYƏT
Şura qrant müsabiqəsi elan edib
Şura qrant müsabiqəsi elan edib

Şura sədrinin müavini Vusal Quliyev iclası açaraq gündəliyə təklif olunan “...

İQTİSADİ

2017-12-08 09:50:29

İQTİSADİ
“Azerspace-2” gələn ilin əvvəlində orbit...
“Azerspace-2” gələn ilin əvvəlində orbit...

Gələn ilin əvvəlində Azərbaycanın ikinci telekommunikasiya peyki - “Azerspace...

2017-12-04 09:40:50

İQTİSADİ
Cocuq Mərcanlıda 5 hektardan çox ərazi t...
Cocuq Mərcanlıda 5 hektardan çox ərazi t...

Cəbrayıl rayonunun Cocuq Mərcanlı kəndinin ətrafında olan və suvarma kanalını...