TƏDQİQATLAR
A- A A+

"Yersiz dedi-qodular nə mətbuatımıza, nə də müharibə veteranlarımıza yaraşmır"

2016-12-04 20:20:21

Qeydlər

Son günlər bəzi mətbu orqanlarında, xüsusən də daha çox o qədər də geniş oxucu kütləsinə malik və tanış olmayan onlayn saytlarda müharibə veteranları arasında Azərbaycan Respublikası Müharibə, Əmək və Silahlı Qüvvələr Veteranları Təşkilatı ilə bağlı bəzi xoşagəlməz yazılara rast gəlinir. Bizim bir vaxtlar çiyin-çiyinə Qarabağ savaşında erməni qəsbkarlarına və onların havadarlarına qarşı bərabər olduğumuz yoldaşlarımızdan bir qrupu heç bir ciddi əsas olmadan adı yuxarıda qeyd olunan təşkilatla bağlı müxtəlif fikirlər səsləndirilər. 

Qeyd etmək istərdim ki, mən də bir vaxtlar Müharibə, Əmək və Silahlı Qüvvələr Veteranları təşkilatı ilə bağlı müəyyən tənqidi və təhlili fikirlər səsləndirən şəxslərdən biri olmuşam. Ən böyük istəyim də, geniş ictimaiyyətin səsləndirdiyi bir önəmli təklifi ictimailəşdirərək müvafiq dövlət və hökumət qurumlarına çatdırmaqdan ibarət olub. Geniş ictimaiyyətin yeganə arzu və istəyi isə ondan ibarət olub ki, təşkilatın rəhbəri, sabiq müdafiə naziri general-mayor Dadaş Rzayevin daha cavan, daha çevik, eyni zamanda ölkə miqyasında tanınan bir şəxslə əvəzlənməsi məsələsi idi. Sonradan isə təşkilatda sədrin kifayət qədər tanınmış bir təcrübəli zabit – polkovnik rütbəli, keçmiş SSRİ Silahlı Qüvvələri sıralarında uzun illər müxtəlif hərbi hissə və birləşmələrində xidmət keçmiş bir əsl vətənpərvər, savadlı, hərtərəfli hazırlıqlı və bacarıqlı zabitlərdən biri – Cəlil Xəlilovun olmasını gördükdən sonra mən təşkilatın hərbi vətənpərvərlik işinin aparılmasında bütün güc strukturlarına hərtərəfli dəstək olacağına bir daha əmin oldum. 

Həqiqətən də, son vaxtlar, baxmayaraq ki, təşkilatın sədri general Dadaş Rzayev səhhətində yaranmış bəzi narahatçılıqlarla əlaqədar vəzifə borclarına tam şəkildə əməl edə bilməsə də, məhz sədrin müavininin və təşkilatın üzvlərinin birgə səyi nəticəsində hərbi-vətənpərvərlik mövzusunda çoxsaylı tədbir keçirilir. Prezident Administrasiyasının, Müdafiə Sənayesi və Müdafiə Nazirliklərinin, Qeyri-Hökumət Təşkilatlarının, Milli Qəhrəmanlar, Müharibə, Əmək, Silahlı Qüvvələr veteranları və gənclərin də böyük həvəslə iştirak etdikləri tədbirlərin siyahısı daha da genişlənir. Ölkəmizin müdafiə qabiliyyətinin möhkəmləndirilməsi istiqamətində hərbi-siyasi və hərbi-texniki sahədə uğurların təbliği istiqamətində geniş izahat və təbliğat işləri həyata keçirilir. Bütün bunların fonunda bəzi lazımsız şayiələrin və əsassız ittihamların yer alması, sözsüz ki, o qədər də xoş təsir bağışlamır. Təşkilatın üzvləri mütəmadi olaraq cəbhə xəttində ölkənin ərazi bütövlüyünün, dinc əhalinin təhlükəsizliyinin qorunmasında ayıq-sayıq duran əsgər və zabitlərimizi ziyarət edir, onlara əlindən gələn maddi və mənəvi dəstəyi göstərirlər. Özü də, son vaxtlar az qala parəkəndə fəaliyyət göstərən veteran təşkilatlarımız sanki bir “çətir” altında aktiv fəaliyyət göstərirlər. Respublika Veteranları Təşkilatının, “Beynəlmiləlçi Əlil Döyüşçülər” Fondunun, “Qürur” Şəhid Ailələri Xeyriyyə İctimai Birliyinin, “20 Yanvar” İctimai Birliyinin, “Xocalı Soyqırımını Tanıtma” İctimai Birliyinin və “Sosial Rifah və Tədqiqatları” İctimai Birliyinin və adını sadalamadığım onlarla təşkilatlar birgə fəaliyyət göstərərək gənclərimizin hərbi-vətənpərvərlik ruhunda tərbiyə olunması işində, həmçinin Böyük Vətən Müharibəsi, şanlı Qarabağ savaşının iştrakçılarının, veteranlarının, Əmək və Silahlı Qüvvələr Veteranlarının keçdikləri döyüş yolu aktiv təbliğ olunur. 

Bu qeydləri yazmaqda məqsədim onu bir daha vurğulamaqdan ibarətdir ki, özüm yuxarıda adları qeyd edilən hərbyönümlü təşkilatlardan heç birinin üzvü olmasam da, onların fəaliyyətini gündəlik yaxından izləyir və dəstəkləyirəm. Müstəqil şəxs kimi Azərbaycanın ən böyük Müharibə, Əmək və Silahlı Qüvvələr Veteranları Təşkilatının hazırkı fəaliyyətini dəstəkləyirəm. Gəlin əl-ələ verib ölkəmiz və xalqımız naminə lazımlı işlər görək. Yersiz dedi-qodular, şayiələr nə dəyərli mətbuatımıza, nə də çox əziz saydığım müharibə veteranlarımıza yaraşmır.

Tanrı Azərbaycanımızı qorusun!!

Üzeyir Cəfərov,  hərbi ekspert

 

 

 

 

 


Kateqoriya : TƏDQİQATLAR Baxış sayı : 444

QHT və MEDİA

2017-11-20 20:10:02

QHT və MEDİA
“Xocalı Soyqırımını Tanıtma”ictimai birl...
“Xocalı Soyqırımını Tanıtma”ictimai birl...

Respublikamızın ərazi bütövlüyü uğrunda gedən döyüşlər zamanı şəhid olan, yar...

2017-11-18 10:05:29

QHT və MEDİA
Sakarya şəhərində Xocalı soyqırımı ilə b...
Sakarya şəhərində Xocalı soyqırımı ilə b...

Azərbaycanın İstanbuldakı baş konsul Məsim Hacıyev Sakarya şəhərində bələdiyy...

CƏMİYYƏT

2017-11-20 08:40:24

CƏMİYYƏT
NTV televiziya kanalı: Azərbaycan türk d...
NTV televiziya kanalı: Azərbaycan türk d...

Türkiyənin nüfuzlu NTV televiziya kanalında Azərbaycan tarixi ilə bağlı “Odla...

2017-11-15 21:00:49

CƏMİYYƏT
Şura 2018-ci il üçün 1-ci qrant müsabiqə...
Şura 2018-ci il üçün 1-ci qrant müsabiqə...

15 noyabr 2017-ci ildə Azərbaycan Respublikasının Prezidenti yanında Qeyri-Hö...

İQTİSADİ

2017-11-20 08:45:14

İQTİSADİ
Əcnəbi media Azərbaycanın qeyri-neft sek...
Əcnəbi media Azərbaycanın qeyri-neft sek...

Azərbaycanın qeyri-neft sənayesi 2018-2021-ci illər ərzində hər il 7,3 faiz a...

2017-11-13 09:10:16

İQTİSADİ
“Cənub Qaz Dəhlizi”nin reallaşması Azərb...
“Cənub Qaz Dəhlizi”nin reallaşması Azərb...

Nazirlikdən “APA-Economics”ə verilən məlumata görə, çoxşaxəli əməkdaşlığa m...