2016-11-30 09:10:21 | CƏMİYYƏT
“Multikulturalizm və tolerantlıq diyarı Azərbaycan” adlı sərgi açılıb

Milli İncəsənət Muzeyində görkəmli Azərbaycan rəssamlarının sənət əsərlərindən ibarət “Multikulturalizm və tolerantlıq diyarı Azərbaycan” adlı sərgi açılıb

Sərgi Azərbaycan Respublikasının Prezidenti yanında Gənclər Fondunun dəstəyi, Bakı Beynəlxalq Multikulturalizm Mərkəzinin, Dini Qurumlarla İş üzrə Dövlət Komitəsinin, Mədəniyyət və Turizm Nazirliyinin birgə təşkilatçılığı ilə keçirilir.

Layihənin müəllifi və rəhbəri, sənətşünas, Azərbaycan Dövlət Mədəniyyət və İncəsənət Universitetinin müəllimi Dilarə Müzəffərli layihə barədə məlumat verib. Bildirilib ki, layihənin məqsədi ölkəmizdə dövlət səviyyəsində təmin edilən multikultural və tolerant mühitin ötən əsrin 50-80-ci illərində rəssamlarımız tərəfindən yaradılan təsviri sənət əsərləri vasitəsilə daha geniş ictimaiyyətə çatdırılması, Azərbaycanın multikulturalizm və tolerantlıq modelinin dünyaya nümunə kimi təqdim olunması, gənclərə multikulturalizm dəyərlərinin aşılanması və tolerantlığın əhəmiyyətinin təbliğidir.

D.Müzəffərli deyib: “Azərbaycan təsviri sənətinin tarixinə nəzər yetirdikdə müxtəlif dövrlərdə yaşamış rəssamlarımızın yaradıcılığında multikultural və tolerant dəyərləri ehtiva edən çoxlu sayda əsərlərin olduğunu görə bilərik. Sərginin açılması Azərbaycanın multikulturalizm və tolerantlıq ənənələrinin əsrlərə dayandığını əyani şəkildə ictimaiyyətə təqdim etmək məqsədi daşıyır”.

Qeyd olunub ki, sərgidə Azərbaycan təsviri sənət ustalarının Milli İncəsənət Muzeyinin fondunda olan əsərləri nümayiş etdirilir.

Azərbaycan Dövlət Rəssamlıq Akademiyasının rektoru, akademik Ömər Eldarov çıxış edərək sərginin əhəmiyyətindən danışıb. Azərbaycanda tolerantlıq və multikulturalizm ənənələrinin əsrlərdən gəldiyini deyən Ö.Eldarov hazırda bu prinsiplərin dünya ölkələri üçün nümunə olduğunu söyləyib. Diqqətə çatdırılıb ki, ölkəmizdə müxtəlif xalqların öz milli-mənəvi dəyərlərini, adət-ənənələrini qorumalarına, yaşatmalarına və inkişaf etdirmələrinə yüksək diqqət və qayğı göstərilir. Bu xalqlar əsrlər boyu mehriban yaşayıb, öz milli mədəniyyətlərini, dinlərini, dillərini qoruyub saxlayıblar. Bir sözlə, bu gün ölkəmizdə multikultural mühit həyatın bütün sahələrində, o cümlədən mədəniyyət və incəsənət sahələrində də özünü göstərir.

Tədbirdə Azərbaycan Rəssamlar İttifaqının katibi, Xalq Rəssamı Ağəli İbrahimov, Dini Qurumlarla İş üzrə Dövlət Komitəsinin şöbə müdiri Nahid Məmmədov, Bakı Beynəlxalq Multikulturalizm Mərkəzinin şöbə müdiri Yadigar Məmmədli və digərləri qeyd ediblər ki, multikulturalizm və tolerantlıq ölkəmizin milli mədəniyyətinə müvəffəqiyyətlə inteqrasiya olan müxtəlif xalqların harmonik yaşayışının göstəricisidir. Prezident İlham Əliyevin multikulturalizmin dövlət siyasəti kimi təməlini qoyduğunu deyən natiqlər diqqətə çatdırıblar ki, Azərbaycanda yaşayan müxtəlif millətlərin və dinlərin nümayəndələrinə humanist münasibət ulu öndər Heydər Əliyevin təşəbbüsü ilə konstitusiyamızda bərpa olunub. Burada müxtəlif maddələr - bərabərlik, dil hüququ, din hüququ və müxtəlif konfessiyalarda olmaq hüququ Ümummilli Liderin göstərişi və təkidi ilə konstitusiyamızda əksini tapıb. Bütün bunların nəticəsi olaraq milli-mədəni müxtəliflik və etnik-dini dözümlülük mühitində yaşayan Azərbaycan dünya miqyasında mədəniyyətlərarası dialoqun bənzərsiz məkanı kimi tanınır. Vurğulanıb ki, ölkəmizdə bütün dinlərin və millətlərin nümayəndələri sərbəst yaşayırlar, ona görə də multikultural və tolerant dəyərlər həmişə yaşayacaq. Xalqımızın tolerantlıq ənənələrindən, bu sahədə həyata keçirilən dövlət siyasətindən danışan natiqlər tolerantlığı ölkəmizin həm də ideoloji, milli və ictimai təhlükəsizliyinin təminatı kimi qiymətləndirib, xalqımızın milli keyfiyyəti kimi xarakterizə ediblər. Çıxış edənlər vurğulayıblar ki, fırça ustaları yaratdıqları möhtəşəm sənət əsərləri vasitəsilə Azərbaycanın multikultural və tolerant diyar olduğunu bir daha sübut ediblər.

Tədbirdə, həmçinin “Azərbaycan təsviri sənətində multikultural və tolerant dəyərlər” mövzusunda sərginin kataloqunun təqdimatı da keçirilib.

Daha sonra qonaqlar sərgi ilə tanış olublar. Sərgidə xalq rəssamları Mikayıl Abdullayev, Toğrul Nərimanbəyov, Tahir Salahov, Salam Salamzadə, Kazım Kazımzadə, Maral Rəhmanzadə, Güllü Mustafayeva, Kamil Xanlarov, Böyükağa Mirzəzadə, Nadir Əbdürrəhmanov, Elbəy Rzaquliyev, Cahangir Rüstəmov, Nadir Qasımov, Səhlab Məmmədov, Arif Hüseynov, həmçinin əməkdar incəsənət xadimləri Lətif Feyzullayev, Vəcihə Səmədova, Nəcəfqulu İsmayılov, Hafiz Məmmədov, Toğrul Sadıqzadə və Əbdülxalıq tərəfindən ötən əsrin 50-80-ci illərində yaradılmış, xalqların dostluğunu tərənnüm edən, özündə multikultural və tolerant dəyərləri ehtiva edən rəngkarlıq və qrafika əsərləri nümayiş olunur.

 

 

 

Baxış sayı : 1372
Prezident İlham Əliyev: "Şuşa bizim tarixi şəhərimizdir və biz bu şəhərə qayıtmışıq" 2021-01-27 19:00:42 “SOCAR Türkiyə Ar-Ge” tədqiqat və inkişaf mərkəzi birgə görəcəyi işlər 2021-01-27 19:05:02 "Beynəlxalq hüququn aliliyi qorunmur" - Hikmət Hacıyev 2021-01-27 12:25:23 Heiko Maas: Avropa Şurası Cənubi Qafqazda sabitliyin bərqərar olmasında, qarşılıqlı əlaqələrin inkişafında maraqlıdır 2021-01-27 08:35:25 Nizami Gəncəvi ili ilə əlaqədar müvafiq Fəaliyyət Planı hazırlanacaq 2021-01-27 08:15:39 Ermənistanın düzəlişləri AŞPA tərəfindən rədd edildi 2021-01-27 07:50:29 ATƏT-in həmsədrlik institutu yeni reallıqları qəbul etməli və onlarla hesablaşmalıdır 2021-01-27 07:10:54 "Azərbaycan nəqliyyat sahəsində dünyada lider dövlətlərdən biridir" 2021-01-26 18:40:43 "Kapital Bank" ASC-nin Lerik filialından cavab gözləyirik! 2021-01-26 17:15:58 Ədəbi fikir tariximizin böyük ziyalısının anadan olmasından 158 il ötdü 2021-01-26 10:05:32 “İlham Əliyev. İnkişaf - məqsədimizdir” çoxcildliyinin 105-ci kitabı çapdan çıxıb 2021-01-26 09:05:48 Lütfi Zadənin 100 illiyik yubileyi qeyd ediləcək 2021-01-26 08:50:16 "ABŞ Azərbaycan və Ermənistan arasında sülh quruculuğu prosesinə töhfə verə bilər" 2021-01-26 08:15:49 Qarabağda torpaq islahatı üçün yeni mexanizm hazırlanacaq 2021-01-26 08:10:46 Prezident: “Regionda yeni imkanlar əməkdaşlığa geniş qapılar açır” 2021-01-25 19:20:14 İnkişafın Qarabağ modeli qurulacaq 2021-01-25 11:20:56 Ombudsman əsir və girovlarla bağlı hesabatı beynəlxalq təşkilatlara göndərib 2021-01-25 09:45:33 Vətən müharibəsi memorial kompleksi və Zəfər muzey 2021-01-25 08:40:03 Məhəmməd Cavad Zərif: İran qardaş və dost dövlət olaraq Azərbaycanın qələbə qazanmasından məmnunluq duyur 2021-01-25 08:20:49 117 km-dən çox yol minalardan təmizlənib 2021-01-25 08:05:27 “Dostluq” yatağına dair Memorandum nəqliyyat-tranzit potensialını möhkəmləndirəcək” 2021-01-24 20:05:44 Məmurlar dürüst, xalqına, dövlətinə sadiq və peşəkar xüsusiyyətlərə malik olmalıdır - Hikmət Hacıyev 2021-01-24 09:25:25 “Komsomolskaya Pravda”da 20 Yanvar hadisələrinə həsr olunmuş məqalə dərc olunub 2021-01-24 09:15:43 "Ermənistan cəmiyyəti qisasla bağlı fikirlərdən əl çəkməlidir" 2021-01-24 09:05:37