MƏDƏNİ
A- A A+

"Azərbaycan xalçaları"nın daha bir sayı

2015-05-05 09:10:20

"Azərbaycan xalçaları" elmi-publisistik jurnalının yeni - 14-cü sayı işıq üzü görüb.

"Azər-İlmə" Xalçaçılıq Mərkəzinin təsis etdiyi "Azərbaycan xalçaları" elmi-publisistik jurnalının yeni - 14-cü sayı işıq üzü görüb.

Həm sənətşünaslıq, həm də tarixşünaslıq sahələri üzrə ixtisaslaşmış jurnalın bu nömrəsində də Novruz bayramına həsr olunmuş ümumxalq şənliyindən reportaj, maraqlı ekspedisiya materialları, məqalələr, fotoşəkillər öz əksini tapıb.

Tarix elmləri doktoru, professor Tofiq Mustafazadənin və tarix üzrə fəlsəfə doktoru, professor Vidadi Muradovun həmmüəllif olduqları "Azərbaycan "Zeyvə"ləri: yurdlar və xalçalar" silsiləsindən ilk məqalə Şabran rayonunun Zeyvə kəndində aparılan ekspedisiya materiallarını əhatə edir.
 
Məqalədə bu qədim yaşayış məskəninin tarixindən, abidələrindən, əhalisinin etnik tərkibindən, adət-ənənələrindən, ərazidəki Kilvar məbədindən, o cümlədən, burada inkişaf etmiş sənətkarlıq sahələrindən biri olan xalçaçılıqdan və xalçaçılardan bəhs edilir. Tarix üzrə fəlsəfə doktoru Sevil Piriyevanın (Karamanlı) "Ahıska türklərinin mədəni həyatı" adlı məqaləsi bu qədim türk xalqının mədəniyyət tarixinin, məskunlaşma prosesinin, etnoqrafiyasının, görkəmli ziyalılarının həyat və yaradıcılığının öyrənilməsi baxımından qiymətli mənbədir.

Jurnalın ənənəvi "Tərcümələr" rubrikasında təqdim olunmuş "Kolleksiyaçıların xalça indeksi" yalnız xalça mütəxəssisləri, alimlər, kolleksiyaçılar üçün deyil, eyni zamanda hər bir xalça həvəskarı üçün də qiymətli informasiya bazası ola bilər. Oxucular məqalədə xalçanın rəng, yaş, naxış, törəmə, ölçü, forma və s. kimi beynəlxalq kateqoriyalar üzrə müəyyənləşdirilmiş qiymətləndirmə prinsipləri, Azərbaycan xalçalarının bu indeks üzrə dəyərləndirilməsi haqqında məlumat ala biləcəklər.

Nəşrin bu nömrəsində Naxçıvan Muxtar Respublikasının Şahbuz rayonunun Aşağı Qışlaq kəndinin xalçaçılıq ənənələri, Ramana qəsəbəsindəki Sağlamlıq İmkanları Məhdud Gənclərin Peşə-Reabilitasiya Mərkəzində fəaliyyət göstərən xalçaçılıq kursları, Kanada Tekstil Muzeyində qorunan qədim Azərbaycan xalçaları və xalça məmulatları, XIV əsr Təbriz miniatür sənətində dini mövzular haqqında və s. materiallar, müəllif məqalələri yer alıb.

Jurnalın baş redaktoru əməkdar incəsənət xadimi, tarix üzrə fəlsəfə doktoru, professor Vidadi Muradovdur.

 

 


Kateqoriya : MƏDƏNİ Baxış sayı : 1496

QHT və MEDİA

2018-12-17 10:15:11

QHT və MEDİA
Şura 2018-ci ildə də dövlət və cəmiyyət ...
Şura 2018-ci ildə də dövlət və cəmiyyət ...

Mayın 7-də Şuranın təşkilatçılığı ilə Bakıda ümummilli liderimiz Heydər Əliye...

2018-12-15 10:20:56

QHT və MEDİA
QHT hesabat-seçki toplantısı keçirib...
QHT hesabat-seçki toplantısı keçirib...

Yığıncağı Birliyin Qadınlar Şurasının sədri, Ümumi Yığıncağa hazırlıq məqsədi...

CƏMİYYƏT

2018-12-16 18:45:15

CƏMİYYƏT
Erməni işğalının yaratdığı humanitar-mə...
Erməni işğalının yaratdığı humanitar-mə...

Erməni işğalı nəticəsində yaranan humanitar-mənəvi itkilərin qiymətləndirilm...

2018-12-14 19:20:47

CƏMİYYƏT
Leyla Əliyevanın bir qrup rusiyalı qadın...
Leyla Əliyevanın bir qrup rusiyalı qadın...

Bu yaxınlarda Heydər Əliyev Fondunun vitse-prezidenti Leyla Əliyevanın ünvanı...

İQTİSADİ

2018-12-16 21:25:31

İQTİSADİ
Ziyad Səmədzadə: Azərbaycan Dayanıqlı İn...
Ziyad Səmədzadə: Azərbaycan Dayanıqlı İn...

Fact-info.az AZƏRTAC-a istinadən xəbər verir ki, Azərbaycanı bu tədbirdə Mi...

2018-12-12 08:45:08

İQTİSADİ
"Novo Nordisk" Dağlıq Qarabağ ərazisində...
"Novo Nordisk" Dağlıq Qarabağ ərazisində...

Danimarkanın dərman preparatları istehsalçısı olan "Novo Nordisk" şirkəti tər...