QHT və MEDİA
A- A A+

İşğalçı ordunun və erməni əhalisinin vəziyyətini ən yaxşı elə Ermənistan mətbuatı əks etdirir

2016-09-14 08:15:30

Tarixi hadisələrdən zaman çox ötdükcə, real baş verənlər yaddaşlardan silindikcə, həmin hadisələr əfsanələrə çevrilir və müxtəlif uydurmalarla əhatə olunur

Bu tendensiya aprel döyüşlərindən keçən müddətdə erməni tərəfinin verdiyi açıqlamalarda da daha qabarıq əks olunub. 2016-cı ilin aprelində məğlub duruma düşən Ermənistanda siyasi liderlərdən tutmuş ən sadə və siyasətə heç bir aidiyyəti olmayan, hərbdən belə başı çıxmayan müxtəlif peşə sahibləri “qələbə” dolu “qəhrəmanlıq” açıqlamaları səsləndirirlər. Bəzən bu çıxışlar o qədər absurd, ağılasığmaz və qeyri-real olur ki, buna cavab verməmək mümkün deyil.

Nikol Paşinyan adlı “saxta müxalifətçi lider”in Dağlıq Qarabağa səfərdən qayıtdıqdan sonra erməni kriminal hərbi-siyasi rejiminin uğursuzluqlarını ört-basdır edən fikirlərlə mətbuatda çıxış etməsi onun hakimiyyətdən “molodes” qazanmasına səbəb oldu. Erməni hərbçilər aprel döyüşləri zamanı işğalçı ordunun və separatçı dəstələrin “qəhrəmanlığından, alternativ rabitə vasitəlirindən istifadə edərək qələbələr əldə etmələrindən” Paşinyana o qədər nağıllar danışdılar ki, cuşa gələn deputat söhbətin nədən getməsindən anlayışı olmadan erməni ordusunun şöhrətini göylərə qaldırmağa uğursuz cəhd etdi.

N.Paşinyanın işğal altında olan ərazilərdə və qoşunların təmas xəttində gördüyü “nəhəng işlərdən”, alternativ silahlardan, rabitə sistemlərindən, kəşfiyyat və müşahidə vasitələrindən danışması da gülünc görünür. Hərbdə alternativ ifadəsi səslənəndə ilk ağıla gələn göyərçin, baraban, tonqal, dəyənək, yaba balta və s. istifadəsi düşür. Bunlardan da min illər əvvəl istifadə edilib. Şahidi olduq ki, aprel döyüşlərində erməni ordusunun düçar olduğu uğursuzluq, məğlubiyyət, verdiyi itkilər erməni ordusunun necə “müasir” olmasını əyani nümayiş etdirdi.

Digər cinayətkar və quldur dəstəsinin başçısı Levon Mnasakanyanın erməni ordusunun “ən müasir dəhşətli silahlara malik olması”, ön xəttin ən yeni texnologiyaların istifadəsi ilə gecəgörmə cihazları və müşahidə kameraları ilə təchiz edilərək möhkəmləndirilməsi fikirləri onların əlçatmaz xülyalarından başqa bir şey deyil. Artıq erməni xalqı çox gözəl anlayır ki, hərbi-siyasi rejim Ermənistan ordusu üçün hər ötən gün yeni silahların alınmasından və texnologiyaların tətbiqindən dəm vurmaqla yalnız özlərini aldatmaqla məşğuldur.

Bu açıqlamalardan bir neçə gün sonra Ermənistanın kütləvi informasiya vasitələrində ön xətdə erməni əsgərlərin xidmətindən və cəbhəboyu zonada məcburi məskunlaşdırılan insanların həyatından bəhs edən fotoreportajlar real vəziyyətin nədən ibarət olduğunu növbəti dəfə əks etdirdi. Həmin yazılara və fotolara heç bir şərh vermədən diqqətinizə təqdim edirik. (AZƏRTAC)


Kateqoriya : QHT və MEDİA Baxış sayı : 570

QHT və MEDİA

2019-02-21 09:30:11

QHT və MEDİA
Birinci vitse-prezident Mehriban Əliyeva...
Birinci vitse-prezident Mehriban Əliyeva...

Bunu Trend-ə Azərbaycanın Ailə, Qadın və Uşaq Problemləri üzrə Dövlət Komitəs...

2019-02-20 10:50:56

QHT və MEDİA
Xarici media Azərbaycan həqiqətlərindən ...
Xarici media Azərbaycan həqiqətlərindən ...

Mavritaniyanın “Vətən xəbərləri”, “Əl-Hassad” və “Aqlam” qəzetlərində “Mavrit...

CƏMİYYƏT

2019-02-20 09:45:03

CƏMİYYƏT
Yaddaşımdakı Ağa Laçınlı
Yaddaşımdakı Ağa Laçınlı

Ağa Laçınlı ağayana kişi idi. Kitabxanamın "Xəzinə" bildiyim guşəsində əziz v...

2019-02-18 18:10:30

CƏMİYYƏT
Ombudsmandan Xocalı soyqırımı ilə bağlı ...
Ombudsmandan Xocalı soyqırımı ilə bağlı ...

Bəyanatda deyilir: "Ermənistanın Azərbaycana qarşı uzun illər işğalçılıq və s...

İQTİSADİ

2019-02-21 10:00:56

İQTİSADİ
"Maraqların balansı Cənub Qaz Dəhlizi la...
"Maraqların balansı Cənub Qaz Dəhlizi la...

Maraqların balansı Cənub Qaz Dəhlizi layihəsinin uğurunu şərtləndirir. Trend-...

2019-02-20 09:30:35

İQTİSADİ
"Xəzərin statusu barədə Konvensiya Xəzər...
"Xəzərin statusu barədə Konvensiya Xəzər...

Trend-in məlumatına görə, bunu Nazirlər Kabineti Aparatının rəhbəri Xələf Xəl...