MÜSAHİBƏ
A- A A+

Vüsal Quliyev: “Tələbə Gənclər Təşkilatları gənclər siyasətinin həyata keçirilməsində fəal iştirak edirlər”

2016-08-01 09:25:00

“Gəncə şəhərində Tələbə Gənclər Təşkilatlarının ilk Regional Forumu keçirilib

Forumda Prezident Administrasiyasının İctimai-siyasi məsələlər şöbəsinin Gənclər təşkilatları ilə iş sektorunun müdiri Vüsal Quliyev çıxış edərək, ölkəmizdə gənclər siyasətinin həyata keçirilməsində Tələbə Gənclər Təşkilatlarının fəal iştirak etdiyini qeyd edib. O, dövlətin gənclərə göstərdiyi qayğıdan danışaraq bildirib ki, Azərbaycanda yüksək intellektə malik olan, geniş dünyagörüşlü və innovasiyalara maraq göstərən gənc nəsil formalaşır. Dövlətimiz gənclərin geniş elmi-yaradıcı təfəkkürə malik olmaları üçün onların ən yüksək standartlara uyğun təhsil almasını əsas vəzifələrindən biri kimi müəyyən edib. 

V.Quliyev qeyd edib ki, Tələbə Gənclər Təşkilatları ali təhsil müəssisələrində gənclər siyasətini həyata keçirməklə yanaşı, tələbələrin sosial problemlərinin həll olunmasında, hüquqlarının qorunmasında, onların asudə vaxtlarının səmərəli təşkilində, müxtəlif sahələr üzrə innovativ layihələrinin reallaşdırılmasında, tələbələrin beynəlxalq layihələrdə təmsilçiliyində yaxından iştirak edirlər. Onlar nəinki paytaxt Bakı şəhərində, eyni zamanda regionlardakı ali təhsil ocaqlarında da fəallıq nümayiş etdirirlər. 

Bu gün Azərbaycan tələbələri Avropa Tələbələr Birliyində çox fəal təmsil olunurlar. Həm Azərbaycan Tələbə Gənclər Təşkilatları İttifaqı, həm də Azərbaycan Tələbələr Birliyi sözügedən qurumun tamhüquqlu üzvüdürlər. Hər iki təşkilat sözügedən beynəlxalq qurumun işində fəal iştirak edirlər. 

V.Quliyev təhsil müəssisələri və tələbələrin üzərinə düşən vəzifələrdən də söz açıb. Qeyd edib ki, hər bir ali təhsil müəssisəsi milli mənəvi dəyərlərə bağlı və Azərbaycanın inkişafı naminə çalışan savadlı gənclərin formalaşmasında əlindən gələni əsirgəməməli, ölkəmizin gələcək inkişafı naminə yüksək təhsilə, mədəniyyətə və intellektə malik insanlar yetişdirməlidirlər. Təbii ki, tələbələr də onlara yaradılan imkanlardan səmərəli istifadə etməli, mükəmməl təhsil almalıdırlar. Qloballaşan və sürətlə dəyişən dünyanın reallıqları ən yeni texnologiyaların sirlərini mənimsəməyi, onlardan çevik faydalanmağı olduqca aktuallaşdırır. İnformasiya cəmiyyətinin qurulması yolunda uğurla addımlayan ölkəmizdə gənclərimiz milli mənəvi dəyərlərimizi, ana dilimizi, adət-ənənələrimizi qoruyub yaşatmalı, ümumbəşəri ideyaları mənimsəyərək dünyanın qabaqcıl gəncliyi ilə inteqrasiya proseslərinə töhfələr verməlidirlər. Bunun üçün kifayət qədər imkan vardır. 

O, Regional Forumun əhəmiyyətini vurğulayaraq, bu cür tədbirlərin Tələbə Gənclər Təşkilatlarının fəaliyyətinin daha effektiv qurulması, əməkdaşlıq imkanlarının yaranması, qarşılıqlı fikir və təcrübə mübadiləsi aparılması baxımından vacib olduğunu bildirib. (Azadinform)

 

 


Kateqoriya : MÜSAHİBƏ Baxış sayı : 847

QHT və MEDİA

2020-04-09 09:40:48

QHT və MEDİA
Şura QHT-ləri Sorğuda fəal iştirak etməy...
Şura QHT-ləri Sorğuda fəal iştirak etməy...

Prezident yanında Qeyri-Hökumət Təşkilatlarına Dövlət Dəstəyi Şurası koronavi...

2020-04-07 08:30:37

QHT və MEDİA
İctimai Qərargah ictimai sektorun poten...
İctimai Qərargah ictimai sektorun poten...

"Ümid edirəm ki, Şuranın təşkil etdiyi İctimai Qərargah #koronavirusla effekt...

CƏMİYYƏT

2020-04-01 15:10:10

CƏMİYYƏT
31 mart 1918-ci il Bakı hadisələri bir i...
31 mart 1918-ci il Bakı hadisələri bir i...

XX əsr tariximizin ən ağrılı, ən qanlı, ən faciəli məqamı - xalqımızın və əra...

2020-03-30 14:00:00

CƏMİYYƏT
Milli həmrəyliyimiz, məsuliyyətli davran...
Milli həmrəyliyimiz, məsuliyyətli davran...

Bu barədə QHT.az-a Sosial Rifah və Tədqiqatlar İctimai Birliyinin sədri Əkrəm...

İQTİSADİ

2020-04-07 18:15:52

İQTİSADİ
Sahil Babayev: Fərdi sahibkarlar üçün DS...
Sahil Babayev: Fərdi sahibkarlar üçün DS...

Əmək və Əhalinin Sosial Müdafiəsi Nazirliyi İqtisadiyyat Nazirliyi ilə birlik...

2020-04-05 17:25:14

İQTİSADİ
Sahibkarlıqla bağlı Koordinasiya Şurası ...
Sahibkarlıqla bağlı Koordinasiya Şurası ...

Ölkədə sahibkarlıq fəaliyyətini (o cümlədən kiçik və orta sahibkarlığı) dəstə...