CƏMİYYƏT
A- A A+

İlham və Fərizə sevgisi yad edilib

2016-06-28 21:25:10

İlham və Fərizənin 30 iyun evlilik gününə həsr olunan tədbir keçirilib

Tədbirdə ictimaiyyət nümayəndələri, millət vəkilləri iştirak edib. Tədbirin təşkilatçılarından olan jurnalist İlham Tumas 30 iyun tarixinin ölkəmizdə sevgi günü kimi keçirilməsindən danışıb.
Tədbirdə çıxış edən Xalq şairi, Vətəndaş Həmrəyliyi Partiyasının sədri Sabir Rüstəmxanlı bildirib ki, bu günü cəmiyyətdə təbliğ etmək lazımdır: “Bu günü sevgi günü kimi anlamalıyıq. Eyni zamanda, 30 iyunu sevgililər günü kimi gənclər arasında təbliğ etməliyik. Çünki əksəriyyət bu gündən xəbərsizdir və onlar sevgililər gününü mahiyyətini tam dərk etmədikləri 14 fevralda qeyd edirlər”.
Millət vəkili Qənirə Paşayeva İlham və Fərizə arasında yaşanan eşqin sadəcə iki gəncin sevgisi olmadığına diqqət çəkib: “İlham və Fərizənin sevgisi adi sevgi deyildi. Onların yaşadığı sevgi Azərbaycan xalqının azadlıq eşqi ilə eyni pillədə dayanan məhəbbətdir. Çünki İlhamın Azərbaycanın müstəqilliyi uğrunda canından keçməsi və Fərizənin buna dözməyərək özünü öldürməsi adi sevgi ola bilməzdi. Onlar bu sevgi ilə Azərbaycan gənclərinə həm məhəbbəti, sədaqəti, həm də vətənə olan eşqi nümayiş etdirdilər”.
Deputat Aydın Mirzəzadə bildirib ki, Fərizə Azərbaycan qadınlarının ümumiləşmiş obrazıdır: “İndiki dövrdə hər xanımın sevgisi o qədər güclü olmur ki, həyat yoldaşı vətən uğrunda canından keçdikdən sonra xanımı da bu sevgi ilə özünü öldürsün. Onlar qəhrəmanlıq üçün yaranmış cütlük idi. Vətən sevgisi onların qəlbində doğulduğu gündən bəri vardı. Buna görə də, İlham və Fərizə vətən uğrunda canlarından keçməklə sevgilərini əbədiyyətə qovuşdurdu”.(azvision.az)
Azərbaycanın əməkdar jurnalisti, Millət vəkili Aqil Abbas İlham və Fərizə sevgisi barədə məlumatların, məqalələrin az olduğundan gileylənib: “Bir çox Milli qəhrəmanlarımız haqqında xeyli məlumatlar, xəbərlər, kitablar yazılıb. Amma İlhamla Fərizə haqqında tutarlı və maraqlı məqalə, araşdırma, televiziya layihələri çox az hazırlanıb. Bu işdə mətbuatın da rolu böyükdür. Çünki onlar bu sevginin tərənnüm olunmasında və vətənpərvərliyin gələcək nəsillərə aşılanmasında xüsusi rol oynayır. Düşünürəm ki, indiki dövrdə Məcnun olmaq asandır, amma Fərizə kimi Leyli olmaq çətindir”. Tədbirin ikinci hissəsi Əməkdar artist Ağalar Bayramovun vətənpərvərlik mövzusunda səsləndirdiyi şeirlər, İlham və Fərizənin həyat və eşq hekayəsindən bəhs edən sənədli filmlə davam edib.


Kateqoriya : CƏMİYYƏT Baxış sayı : 901

QHT və MEDİA

2020-01-27 08:40:28

QHT və MEDİA
Nyu-Yorkda İslam Əməkdaşlıq Təşkilatının...
Nyu-Yorkda İslam Əməkdaşlıq Təşkilatının...

Nyu-Yorkdakı “Millenium-Hilton” otelində İslam Konfransı Təşkilatının (İKT, i...

2020-01-26 00:15:42

QHT və MEDİA
Deputatlığa namizəd, “Qarabağa gedirəm, ...
Deputatlığa namizəd, “Qarabağa gedirəm, ...

“Qarabağa gedirəm, Qarabağda bizı gözləyən torpağlarımızı azad etmək üçün ge...

CƏMİYYƏT

2020-01-22 19:15:04

CƏMİYYƏT
Ermənilərin Qarabağda yeni EKOLOJİ TERRO...
Ermənilərin Qarabağda yeni EKOLOJİ TERRO...

Ermənistan rəhbərliyinin Azərbaycan torpaqlarında həyata keçirdiyi ekoloji te...

2020-01-20 14:20:48

CƏMİYYƏT
Cənub həsrətinə, milli tariximizə öz şei...
Cənub həsrətinə, milli tariximizə öz şei...

Şair-publisist Əvəz Müəllim (Hacıyev) Azərbaycan Pedaqoji Universitetinin riy...

İQTİSADİ

2020-01-22 11:45:45

İQTİSADİ
Vüsal Qasımlı: Azərbaycan Davos platform...
Vüsal Qasımlı: Azərbaycan Davos platform...

Azərbaycan Respublikasının Prezidenti İlham Əliyevin Dünya İqtisadi Forumunun...

2020-01-17 09:40:54

İQTİSADİ
Transxəzər fiber-optik kabel xətləri Azə...
Transxəzər fiber-optik kabel xətləri Azə...

Azərbaycanı beynəlxalq internet şəbəkəsinə bağlayan magistral internet provay...